香港新浪網 MySinaBlog
« 上一篇 | 下一篇 »
麥don鴻 | 10th Mar 2012, 12:06 PM | 麥DON鴻9UP電影 | (227 Reads)

今集《麥DON鴻9UP電影》係9UP《妖夜尋狼: 血姬覺醒》

如果未聽過今集節目嘅,有興趣可以聽下,唔想聽嘅,睇文字版都係一撚樣嘅啫!

PS: 今集節目除咗會9UP《妖夜尋狼: 血姬覺醒》之外,仲會9UP《失戀33天》《幽靈車神3D》《意大利驅魔揭秘》《鐵娘子—戴卓爾夫人傳》《異星爭霸戰:尊卡特傳奇》《桃姐》等幾套新片, 不過文字版就只會寫《妖夜尋狼: 血姬覺醒》....................敬請留意!!!

《妖夜尋狼》系列,由04年推出到而家,每隔2-3年先出一集,咁快就已經做到第4集,相信只有忠心FANS先會逢出必追。不過今集一開頭,都用咗分幾鐘去交 代前3集嘅劇情,所以就算你之前係從未睇過《妖夜尋狼》,當新戲睇都跟得上嘅,當然想知上文下理就要睇返前3集啦!

3D效果都算做得唔 錯,幾有壓迫感同真實感,不過大家就唔好以為,全套戲90MIN都係3D,呢套同而家上映嗰一大堆3D戲一樣,有D場面係偷雞無做3D嘅,至於邊D場面係 無3D? 大家有興趣就自己入場探索下喇! 可能用咗D錢去做3D關係,今集其他特技反而無前3集咁出色,特別係D奸角造型,有交行貨之感。今集嘅大奸係隻變種特大人狼,大就夠撚晒大隻,不過真係得 個大字,造型唔算特別同突出,只係黑色一壇嘢而已。其他特技效果,都係一貫大家見慣見熟嘅荷里活式特技,簡單D講,即係呢套戲出現過嘅特技,大家喺其他戲 都一定見撚過晒咁解。

今集標明係3級,當然就梗係有D血腥暴力嘢睇下啦! 爆漿噴血用手扯爆頭嘅場面,成套戲都係,不過啱唔啱大家口味就見仁見智喇! 我就覺得都算緊張刺激,但就唔算好撚夠喉,雖然成套戲不停由頭打到尾,但結尾就突然去得好快,好有突然收皮之感,條伏線亦做到出撚晒面。

總 之都係嗰句,係呢套戲嘅FANS入場睇,就一定好開心兼收貨,但如果無追開呢個系列,就諗下自己係想睇特技? 睇3D? 睇血腥暴力? 定係睇個女主角喇!? 如果你只係想睇女主角,我就無嘢講喇! 不過係想睇前3樣,小弟嘅個人意見就覺得呢3樣都係中規中矩,唔太差但又唔算好正,無乜驚喜,無咩經典鏡頭同場面。不過如果你想入戲院睇戲,但又無心水選 擇嘅話,咁呢套戲都可以一睇嘅,記得自備3D眼鏡,費事到時張飛又要加多幾蚊啦! 呵呵!!!

女主角由04年拍到而家,由於佢唔係真係不死殭屍關係,所以今集終於都開始呈現老態喇! 不過咁多年都係同一套戲服,同一個招牌揸雙鎗動作,其實真係有少少厭嘅..............

小弟覺得呢幕係整套戲嘅亮點,不過D特技煙,使唔撚使大到籠罩全身咁誇呀..............屌!!!


可能電影公司都知女主角唔擺得好耐,所以今集就加多咗佢個女嘅角色,同埋多咗件靚仔殭屍族接班人,為未來幾集做伏線,就算下集女主角劈砲唔DO,都仲有其他角色繼續做,不過集集都係殭屍族鬥人狼族,究竟要拍多幾集,電影公司先捨得完咗呢個系列呢?
留言(0) | 引用(0) | 話題(點睇)