香港新浪網 MySinaBlog
« 上一篇 | 下一篇 »
麥don鴻 | 24th Jan 2012, 19:10 PM | 電影終極大時代 | (243 Reads)

今集《電影終極大時代》,破天荒邀請到《邊緣人》導演章國明接受小弟訪問,章導演除咗會講下近況之外,亦會講下《邊緣人》入面阿潮角色嘅由來? 同點解搵艾廸拍《邊緣人》? 同拍《星際鈍胎》《皇家大賊》《沉底鱷》《狼吻夜驚魂》期間,當中一D鮮為人知嘅事。更會講下點睇而家香港嘅電影人,一窩蜂北上去拍合拍片嘅風氣?

如果仲未聽今集節目嘅? 未聽過可以聽下,就算未聽過,都一樣可以繼續睇呢篇內容解讀,當然聽咗嘅.............再睇埋呢篇嘢就更加有共嗚啦! 呵呵!!!

 如果之前有聽開《章國明大時代》嘅聽眾,就要聽埋呢集刪剪內容曝光版喇!

 

 

今次同章導演訪問,歷時大概兩個半鐘,不過為咗等大家可以聽得緊湊D,小弟特別剪輯咗個一粒鐘濃縮版,將最精要嘅內容剪輯其中,唔會好似以前《電影大時代》 咁,成兩粒鐘節目有一大半都係D無謂嘢。所以由今輯《電影終極大時代》開始,我會盡量以精簡到題為主,其他無謂嘢我會剪得就 剪.................呵呵!!!


難得搵章導演做訪問,搵D碟俾佢簽名真係指定動作,不過小弟一向唔獨食嘅,我會喺三隻碟中,送其中一隻出去,至於送邊套戲?點樣可以拎到隻碟?同埋點樣先可以聽返刪剪咗嘅內容,咁就要睇下節目出咗街後反應如何? 先再容後公佈喇! 呵呵!!!

章導演真人相當之NICE,全部問題有問必答之餘,仲會講好多題外話。令整個訪問,似朋友傾閒偈多過似訪問,我亦因此無咁緊張,訪問當日小弟其實係發緊燒,不過可以同章導演面對面做訪問,即時燒都退咗一半啦! 呵呵!!!


相信好多人都知章導演近年都有參與拍攝廉署劇集,不過究竟點解會入廉署拍劇? 同埋高級編導又係做D乜嘅呢?

以下係章導演嘅YOUTUBE CHANNEL,入面除咗有好多佢之前拍廉署劇嘅製作花絮之外,亦有好多佢嘅生活及以前嘅工作短片,大家有興趣可以睇下。

http://www.youtube.com/user/alexckming/videos


章導演節目中有提及,點解當年《點指兵兵》會起用當時喺電視台,只係二三線嘅金興賢同張國強擔任主角,亦會講點解咁鍾意大膽起用新人?



《邊緣人》入邊嘅阿潮,原來真有其人,阿潮最後被屋村村民活生生打死一幕,亦係真有其事...................

 

呢段係當年章導演拍攝《邊緣人》時嘅花絮



《點 指兵兵》《邊緣人》嘅成功,令章導演自覺乜嘢題材都得,所以一改風格,唔拍警匪片,轉拍科幻喜劇《星際鈍胎》,點知拍攝期間伊雷因避債而突然失蹤,令整套 戲拍攝拖長達兩年之久,呢套戲出街後,反應亦未如理想,章導演亦直認呢套戲係佢災難嘅開始..............

 



有好多人,包括小弟,都以為章導演咁多年內,可能係撈唔掂,又或者經濟拮据,因為上網翻查章導演嘅電影作品數量,合共都唔過十 套..................但其實章導演拎過金馬獎關係,喺台灣亦不時又拍下廣告,到後來更入咗廉署工作,所以導演咁多年來收入相當穩定,導 演嘅FANS可以放心喇!















PS: 暫時講住咁多先,如果小弟得閒,又有新料想UPLOAD嘅話,就自然會更新架喇! 呵呵!!!


[3] Angel Tapia

Shook glen buy testosterone 10ml page Mike?! January instead steroids questions junk meow? Might graceful buy testosterone gel 1 beast stack! Hotrod pry buy testosterone mexico jet market.


[引用] | 作者 Dragon Pharma Injectables | 5th Apr 2015 01:04 AM | [舉報垃圾留言]

[2]

無facebook, 有緣嘅就係blog見啦!


[引用] | 作者 醒波 | 15th Jan 2012 14:13 PM | [舉報垃圾留言]

[1]

聽完章導演講伊雷, 艾迪, 汪禹. 似乎章導演經常遇到粉腸 , 哈哈! 看明週訪問, 艾迪話應該不會返港出席《邊緣人》的重映會, 可惜!

相信你對章導演的電影太熟, 他無所不答, 今次訪問做得好好, 正! 想不到他喜歡拍歌舞片, 這與泰迪羅賓有同一心願, 不知兩人會否再合作. 另外, 我覺得《星際鈍胎》真的打亂了章導演的電影路.

 


[引用] | 作者 醒波 | 8th Jan 2012 16:23 PM | [舉報垃圾留言]

其實章導演真係無所不談,非常好傾.....very nice!好耐無見喇!醒波兄!你有無facebook呀!?

[引用版主回覆] | 作者 麥don鴻 | 14th Jan 2012 11:20 AM