香港新浪網 MySinaBlog
« 上一篇 | 下一篇 »
麥don鴻 | 19th Apr 2011, 06:52 AM | 香港電影KAI像獎頒獎典禮 | (735 Reads)

今年係香港電影金像獎,搞咗30年嘅盛事,咁多年來佢哋嘅賽果公正公平與否,不嬲都係見仁見智。總之一個小圈子撚嘅活動,咁都可以擺咗30年,真係難能可貴..............但係香港一年拍過嘅戲,係咪就係只得提名嗰D,其他Kai片就唔需要重視嗎? 呢個Kai字,係人都知係解又傻又ON9嘅意思,但係Kai片又係點解呢? 等小弟同大家鳩吹拆解一下啦!!!

有好多電影從業員,都好希望拍一套令人喜愛又收得嘅電影,但可能某部份電影從業員,喺資質或資金影響之下,竟然不知不覺地拍咗套Kai片出嚟,自己都唔撚知...............Kai片唔係Cult片,拍得Kai片多係會俾人笑一世架!!! 小弟麥DON鴻為咗令大家,更欽敬呢班專拍Kai片嘅電影從業員,所以就特別喺今年抽水,搞"第一屆香港電影KAI像獎頒獎典禮",希望佢哋嘅作品,可以得到大家真正嘅認同...................所以以後每年一有"金像獎",就有"KAI像獎",永不分離!!!

 

"KAI像獎"評審團包括: 榮譽顧問Professor Kai、麥DON鴻、史老闆、十三妹、小馬哥同埋一眾BLOG友,初步會有Professor Kai個人選出每項提名,再由麥DON鴻、史老闆、十三妹、小馬哥審核公佈確實提名名單,最後就由評審同各位BLOG友,一齊選擇心目中嘅Kai片。

第一屆將會有10個獎要頒發,包括: 最KAI動作設計、最KAI視覺效果、最KAI造型、最KAI劇本、最KAI男配角、最KAI女配角、最KAI導演、最KAI女主角、最KAI男主角、最KAI電影...............由於有可能搞完一屆就收皮,所以唔頒咁多獎住! 呵呵!!!

PS: 由於金像獎都唔會公開同大家講,各獎提名嘅原因,所以KAI像獎同樣作為一個小圈子撚選舉,當然就有樣學樣啦! 不過我哋會盡量揀港產片或合拍片,擺明係大陸戲嘅《孔子》就無得入圍喇! 呵呵!!!

 

 

唔阻大家時間,大家先睇下各獎項提名先啦!

 

最KAI動作設計

《滅門》(廖碧兒打到格肋底都出晒汗,可想而知D動作設計有幾動作)

《殭屍新戰士》

《婚前試愛》

《花田囍事2010》

《唐伯虎點秋香2之四大才子》

 

得獎名單: 《殭屍新戰士》(雖然呢套同《我和殭屍有個約會》都係講殭屍,不過話晒呢套好歹都係叫做電影,唔好下下用條威也屌嚟屌去,起兩下腳就叫動作設計咁撚"行"啦! )

 

 

 

最KAI視覺效果

《未來警察》

《殭屍新戰士》

《出水芙蓉》

《全城戒備》

《撕票風雲》(用最強勁視覺效果,令瞿穎皮膚變得更靚)

 

得獎名單: 《未來警察》(雖然套戲有8成半都係用咗電腦特技,成本、心機同時間都睇得出,導演同投資者都係想套戲好睇一D,不過一分錢真係一分貨,無錢就咪撚學人玩特技,顧好個劇本,好過而家劇本KAI,D視覺效果仲KAI,呢次真係雙贏喇!)

 

 

 

最KAI造型

《未來警察》(劉華嘅NOD32機械人造型,令人一見難忘)

《殭屍新戰士》

《蘇乞兒》(周杰倫白銀聖鬥士造型,擺明向星矢致敬)

《全城戒備》

《翡翠明珠》

 

得獎名單: 《未來警察》(明明造型係想抄足《鐵甲奇俠》,點知出嚟變咗NOD32機械人,有得抄都可以超錯,咁仲唔叫KAI?)

 

 

 

最KAI劇本

《撕票風雲》

《龍鳳店》

《葉問前傳》(少年葉問識英文,老年葉問打鬼佬竟然唔識講............KAI))

《全城戒備》

《翡翠明珠》

 

得獎名單: 《龍鳳店》(向生想洗錢滾大錢嘅心態我好明白,但係都俾D誠意寫下個劇本先啦! 屌!!!)

 

 

 

最KAI男配角

《撕票風雲》- 陳寶轅

《蘇乞兒》- 安志杰

《為你鍾情》- 黎明

《全城戒備》- 鄒兆龍

《翡翠明珠》- 王祖藍

 

得獎名單: 《翡翠明珠》- 王祖藍 (一個喜劇演員,最撚失敗嘅...............就係以為自己真係好撚柒識搞笑)

 

 

 

最KAI女配角

《唐伯虎點秋香2之四大才子》- 朱咪咪

《翡翠明珠》- 雞容

《未來警察》- 范冰冰

《花田囍事2010》- 李香琴

《抱抱俏佳人》- 周秀娜

 

得獎名單: 《翡翠明珠》- 雞容 (就咁求其搵件企街都識做戲過佢)

 

 

 

最KAI導演

《撕票風雲》- 姜國民

《唐伯虎點秋香2之四大才子》- 李力持

《殭屍新戰士》- 羅守耀

《全城戒備》- 陳木勝

《龍鳳店》- 鍾澍佳

 

得獎名單: 《全城戒備》- 陳木勝 (呢套戲可以睇得出,陳導演原來連KAI片市場都想食埋,你終於成功咗喇! 勝哥......................Congratulations!!!)

 

 

 

最KAI女主角

《翡翠明珠》- 陳太

《美麗密令》- 陳太

《惡胎》- 周秀娜

《龍鳳店》- 徐熙媛

《唐伯虎點秋香2之四大才子》- 張靜初

 

得獎名單: 《翡翠明珠》- 陳太 (平心而論,陳太做戲係好過雞容嘅,可惜佢唔撚識揀戲,最近就更加係唔KAI唔拍,咁識自毀前程,呢個女主角獎,係妳認得嘅.............)

 

 

 

最KAI男主角

《撕票風雲》- 苗喬偉

《翡翠明珠》- 林峯

《未來警察》- 劉德華

《全城戒備》- 郭富城

《葉問前傳》- 杜宇航

 

得獎名單: 《翡翠明珠》- 林峯 (頭先620打俾我,話只要係頒獎典禮,唔理係咩獎? 總之一定要俾林峯贏晒,我都未開聲講嘢,佢就已經收咗線..............既然620咁想CHOK峯攞獎,咁咪俾佢囉!!!)

 

 

 

最KAI電影

《翡翠明珠》

《未來警察》

《全城戒備》

《殭屍新戰士》

《龍鳳店》

 

得獎名單: 《翡翠明珠》 (相信呢套比起《打擂台》拎最佳電影,更加眾望所歸啦!)

 

 

 

 

相信實果都令大家皆大歡喜,屌你老味喇! 下屆有緣再見.....................

 

 

 

 

 

PS: 以上只屬鳩吹無聊意見,不喜勿喜,切勿大肆抨擊,敬請留意!!!


[15]

「翡翠明珠」成大贏家,恭喜恭喜!


[引用] | 作者 Andeon | 19th Apr 2011 18:33 PM | [舉報垃圾留言]

[14]

零劇情的《龍鳳店》剛睇完已經忘記故事說什麼


[引用] | 作者 henry luk | 19th Apr 2011 17:42 PM | [舉報垃圾留言]

[13]

翡翠明珠 以大熱姿態跑出啵//// 哈哈哈


[引用] | 作者 wythe li | 19th Apr 2011 15:12 PM | [舉報垃圾留言]

[12]

I personally think that 未來警察 is the "KAIest" wor


[引用] | 作者 Jessie | 19th Apr 2011 05:28 AM | [舉報垃圾留言]

[11]

《全城戒備》---賣歌???
《翡翠明珠》---導演特登玩無線...
《美麗密令》---有線/now播左幾次...都唔X明做緊咩既一套戲...根本就抄十年前套《Miss Congeniality》...抄都抄到唔知做緊咩...=.=

其餘淨係睇過trailer...

P.S. 期待頒獎禮一刻~


[引用] | 作者 Pitar | 18th Apr 2011 10:27 AM | [舉報垃圾留言]

[10]

好多都冇睇過, 但相信《翡翠明珠》會包辧好多獎, 做硬大蠃家


[引用] | 作者 Norm | 17th Apr 2011 12:24 PM | [舉報垃圾留言]

[9]

最KAI動作設計 -《滅門》
- 睇完以為番番90年代頭...好OLD SCHOOL///
最KAI視覺效果 -《出水芙蓉》
- 除左"唉"同冷笑..真係比唔到反應:p
最KAI造型 -《蘇乞兒》
最KAI劇本 - 《翡翠明珠》
- 套野幕後到幕前都不知所謂:p
最KAI男配角 - 《為你鍾情》- 黎明
最KAI女配角 -《翡翠明珠》- 雞容
最KAI導演 -《唐伯虎點秋香2之四大才子》- 李力持
最KAI女主角 -《翡翠明珠》- 陳太
最KAI男主角 -《翡翠明珠》- 林峯


[引用] | 作者 Wythe Li | 16th Apr 2011 00:46 AM | [舉報垃圾留言]

[8]

翡翠明珠...爛到無倫...當日晚晚CCTVB0係度HARDSELL已經頂唔順,加上個超趕客陣容, 小弟無睇都要舉腳支持依套爛片之王!


[引用] | 作者 Petvin Ma | 15th Apr 2011 23:03 PM | [舉報垃圾留言]

[7]

好多都未睇過,所以投唔到票,sorry.
但點都好,咁別開生面o既選舉,一定會支持!

(唔知Don兄個blog遲下會唔會介紹得獎作品呢?)


[引用] | 作者 Andeon | 15th Apr 2011 21:40 PM | [舉報垃圾留言]

[6]

沒怎麼看過,投不到票呢,不過還是很期待啊。


[引用] | 作者 Calvin Chiang | 15th Apr 2011 13:02 PM | [舉報垃圾留言]

Next