香港新浪網 MySinaBlog
« 上一篇 | 下一篇 »
麥don鴻 | 29th Mar 2011, 01:45 AM | 每DON睇戲時 | (1171 Reads)

相信係人都知呢個星期,香港國際電影節,已經開始上緊桂治洪D戲,不過佢放D戲,只有"魔"係最值得係大銀幕再睇返,因為呢套戲算係桂導演眾多作品中,最多視覺效果嘅一套,所以係值得一睇嘅。其他就真係引唔起我性趣入場睇,同埋放埋晒D戲我全部都有碟嘅,真係使撚俾幾草嘢入場睇咩!

之前小弟已經介紹過"蠱"、"魔"、"女集中營"、"鬼眼"同"姦魔",今次要同大家介紹嘅,係桂導演最後一套電影作品,就係1984年由萬梓良、呂秀菱主演嘅"走火砲",究竟呢套戲係講乜撚嘢!? 小弟就係咁易講下啦!!!

大家無睇錯,呢個版本係已經修復咗,不過就只得國語發音,兼無中文字幕。其實邵氏有好多戲已經整撚好晒修復版,但唔知咩原因,有某部份嘅戲只會出海外版,包括我最想睇嘅"無法無天飛車黨",都已經喺上年出咗海外版,香港版就唔撚知幾時會見街?

故事一開始就講有個男人,俾D差佬追捕,走到返屋企想拎箱嘢時,已經俾差佬拉撚咗,睇下個細路女,仲喊得仲慘撚過CHOK峯,俾人影撚到個屌完瞓樣,就知個細路女呢一刻係幾荷蘭橙啦! 究竟箱嘢入面裝D咩呢?

下一個鏡頭,已經交代個細路女大咗就係呂秀菱,佢嘅職業就係喺DISCO賣唱..............咁佢老豆條線點呀!?

跟住有講呂秀菱有日揸揸下車,離奇見到隔離架車疑似載住條屍,所以就報警求助..............

差佬萬子對湯鎮宗有可疑盤佢.................不過最後都俾湯鎮宗耍走佢哋..................

原來湯鎮宗因為佢老婆勾佬,所以就殺撚咗佢,點知俾呂秀菱見到佢車條屍,所以就順便殺埋呂秀菱滅口..................滅口無問題? 不過可唔可以解釋下支鎗點撚得嚟呢? 劇本無交代喎!!! 吓! 咁都得......................CULT!!!

呂秀菱喺間屋同湯鎮宗玩困獸鬥期間,竟然可以喺一個咁撚黑嘅環境,都可以撚到個咁撚勁嘅燒烤叉發射台......................CULT!!!

咁撚勁.................真係乜撚都死啦......................CULT!!!

湯鎮宗嗰節完咗之後,突然講萬子向呂秀菱示愛,仲話好愛佢又好想屌佢,又叫佢先食避孕丸,然後俾佢屌,又話佢自己戴七彩撚套都得..................溝女搞爛GAG唔緊要,但都要觀眾知萬子點解突然咁撚冧呂秀菱先得架! 嗰頭死完人,呢頭就整條溝女線,真係.................CULT!!!

萬子咁撚樣性騷擾人,梗係俾人趕撚走啦! 點知支鎗離奇走火!? 唔好話俾我聽,個戲名就係咁撚樣嚟呀..........................CULT!!!

 

跟住又離奇講萬子同呂秀菱,喺DISCO跳緊慢舞期間,個DJ突然播MJ嘅"Thriller",之後佢哋竟然跳撚晒喪屍舞......................ON CULT!!!

完咗段跳喪屍舞戲之後,就講谷峯假扮呂秀菱老豆,想拎返個箱,原來箱入面有咁撚多錢,最後谷峯當然要釘蓋啦! 但呢條所謂嘅"主線"完咗,套戲仲有D咩好講呢?

之後又突然整場萬子幻想同呂秀菱嘅搞嘢戲,仲幻想到支鎗走火射穿呂秀菱條裙,咁都得......................CULT!!!

跟住又講萬子原來有個分居老婆,個女人要萬子俾一皮嘢佢,如果唔係就拆散佢同呂秀菱,之後又講個女人離奇俾人殺死咗,佢上司懷疑萬子係兇手,所以將佢即時革職,萬子為咗查出真相,決定逃走...................呢D真係叫無嘢搵嘢嚟講,完咗條所謂"主線",無嘢好搞,就搞埋呢D屎橋........................CULT!!!

萬子確定呢條四眼仔,可能就係殺死佢老婆嘅兇手,所以決定扮女人引條四眼仔,睇下萬子自揸波咁撚挑逗,條四眼仔梗係扯晒旗,仲想強姦萬子添..............CULT!!!

萬子最終都無被姦,不過佢再接再厲,扮Boy George去BAR引四眼仔,萬子扮Boy George......................勁CULT!!!

之後呂秀菱仲俾四眼仔捉咗佢撚一輪,最後四眼仔梗係要死啦!!!

咁就完撚咗................桂治洪你係得嘅......................CULT!!!

 

 

 

 

 

 

 

PS: 相信大家睇完介紹,都應該FEEL到套戲有幾"好睇"喇! 成套戲無特定主線,劇情鬆散,只靠一D堆砌劇情,同一D爛GAG去支撐成套戲,成套戲好多場面都係為玩而玩,例如: 整燒烤叉發射台、跳喪屍舞、萬子扮Boy George等...........桂導演一貫嘅寫實風格,竟然無撚晒! 睇得出桂導演呢套戲係HEA住拍,講得衰D呢套直頭係爛片,仲可以講係衰收尾之作。唔通今屆國際電影節班人才,就係睇完呢套"走火砲",就先定佢為香港CULT片王? 其實桂導演一直都係寫實派導演,佢嘅一堆"香港奇案"片、"成記茶樓"同"大哥成"都係寫實片種。只有"蛇殺手"、"女集中營"等係非寫實戲種,不過呢D戲根本就係抄當年同類嘅日本片同西片,完全唔係桂導演嘅風格....................究竟係而家D人分唔到咩叫寫實,定係一睇唔明就叫做CULT呢? 咁就真係唔撚知喇! 喺我心目中,可以列入CULT片嘅桂治洪電影就只有"魔"一套...............講完!!! (以上全屬小弟個人意見,不喜勿插)


[10]

The script is unbelievable bad!


[引用] | 作者 Jacque Foo | 4th Apr 2011 23:50 PM | [舉報垃圾留言]

[9]

我完全唔信係桂導演既出品=.=


[引用] | 作者 waiwan | 27th Mar 2011 13:42 PM | [舉報垃圾留言]

[8]

真係一d故事都無喎~全部野都無交代,哈哈~


[引用] | 作者 Donald Yiu | 24th Mar 2011 15:25 PM | [舉報垃圾留言]

[7]

萬子扮女人個樣....


[引用] | 作者 Andeon | 24th Mar 2011 14:30 PM | [舉報垃圾留言]

[6]

可能質量問題先冇得係電影節放,

電影節應該係怕觀眾睇完唔鍾意先至播晒d大路戲

Magic_Peter
[引用] | 作者 Magic_Peter | 24th Mar 2011 13:14 PM | [舉報垃圾留言]

[5]

真係估唔到桂導演會拍出一套咁無厘頭0既戲...真係估唔到!


[引用] | 作者 Petvin Ma | 23rd Mar 2011 20:38 PM | [舉報垃圾留言]

[4]

個燒烤叉發射台好正啵// 哈哈哈
睇完一段, 忽然下一段好似唔關事咁.. 套野個故事跳泥跳去.. 真係睇下"下?!下?!聲".. 哈哈哈 :P


[引用] | 作者 wythe li | 22nd Mar 2011 19:00 PM | [舉報垃圾留言]

[3]

就算睇咗don hung 兄嘅介紹,再去睇套戲,都會睇到一頭霧水。


[引用] | 作者 Faister | 22nd Mar 2011 08:21 AM | [舉報垃圾留言]

[2]

呂秀菱個老豆俾人拉咗就無下文啦,同埋個四眼仔係咪真係殺死萬子老婆嘅人呢? 邊個出錢俾佢拍出咁嘅爛片呀...


[引用] | 作者 Paul Ip | 22nd Mar 2011 04:38 AM | [舉報垃圾留言]

[1]

Oh man... another weired movie. but there are definitely some "O mouth" parts.


[引用] | 作者 Jessie | 22nd Mar 2011 02:23 AM | [舉報垃圾留言]