香港新浪網 MySinaBlog
« 上一篇 | 下一篇 »
麥don鴻 | 7th Mar 2011, 00:56 AM | 每DON睇碟時 | (317 Reads)

相信曾經何時係絕版必炒嘅"小小小警察",自從經過亞視之前重播之後,吸引力應該無之前咁大,不過亞視播嗰個版本係重新剪輯過,連字幕都係重新再配,原味感始終爭咁D嘅.............同埋儲起梗係儲原裝足本啦! 儲唔到VHS同LD,儲到隻VCD都好過無啦!!!

"小小小警察",其實係由一間叫兒童城製作有限公司投資嘅,呢間公司喺1989年間就一連開咗三套戲,包括"小小小警察"、"神行太保"同"福星闖江湖",呢三套戲而家已經成為絕版,不過論炒賣價值嚟講,海岸版嘅"小小小警察"依然係最高,因為多明星同好笑嘛! 同屬海岸版嘅"神行太保"鐳射圖案版VCD,我亦見過有"不法之徒"炒到5百幾蚊,字版亦要2百幾,亦算有價有市。至於鉅星版嘅"福星闖江湖",炒價反而唔算好犀利,百幾二百蚊就有交易。當然而家香港人睇戲個個都係DOWNLOAD就算,未必會下下買正版,不過有時要收藏,有隻原裝碟揸下手,點到實在D嘅...............至於值唔值咁貴,咁就真係見仁見智喇!!!

如果隻碟唔係海岸出,可能唔會咁值租,之前亞視仲未重播時,呢隻VCD高峰期曾經炒至$700,甚至有D"不法之徒"炒到過千,仍然有人問津。不過重播之後,隻碟就無炒得咁勁,4百幾5百左右就有交易,而家你哋見到YAHOO拍賣有人POST出嚟話2百幾起BID,可能到最後佢哋都係想有4字頭先會成交。始終海岸摺咗,暫時又未有其他影碟發行商拎到版權再翻出嘅時間,想儲呢隻碟,真係要破費下喇!!!

其實小弟手上呢個版本為第二版,第一版個碟面,係只有曾志偉個公仔,放大到一半碟面,同呢個第二版照COPY盒面張係有D唔同嘅。如果呢個第一版落喺邊個"不法之徒"嘅手上,我諗又唔知會炒到幾撚多錢喇! 呵呵!!!

 

 

 

以上資料可能有誤,想知更多詳細資料,就請自行再search

 

 

 

PS: 以上價錢只供參考之用,小弟並無鼓勵他人炒賣之意,始終用幾百蚊買一隻VCD同DVD,值唔值真係好見仁見智喇!


[3] Re: Faister
Faister :

細個嗰陣唔識寶,二揀一下買咗翁虹嘅擋不住的瘋情。dup 春



正常呀,細個個時你都好有眼光呀,話晒亞姐冠軍!XD


[引用] | 作者 Leslie | 13th Mar 2011 01:54 AM | [舉報垃圾留言]

[2]

細個嗰陣唔識寶,二揀一下買咗翁虹嘅擋不住的瘋情。dup 春


[引用] | 作者 Faister | 10th Mar 2011 16:05 PM | [舉報垃圾留言]

[1]

印象最深係葬禮唱串燒歌果段....「死仔包死仔包死左個頭,死仔包死仔包死左個蘿柚....」


[引用] | 作者 Andeon | 7th Mar 2011 08:43 AM | [舉報垃圾留言]