香港新浪網 MySinaBlog
« 上一篇 | 下一篇 »
麥don鴻 | 18th Jan 2011, 08:18 AM | don鴻今日 | (337 Reads)

雖然2011年,話咁快都已經過咗半個月,而家先嚟講展望,又好似麒麟怪咗少少,不過小弟做嘢不嬲都慢半拍,相信大家都已經慣撚晒喇! 呵呵!!!

 

踏入2011年,小弟嘅寫BLOG風格都係照舊粗鄙唔專業,繼續玩個人意見式分享。初期嘅麥DON鴻間中都會寫下D香港新浪潮電影,如"邊緣人"、"山狗"、"第一類型危險"、"舞廳"等等.............好老實,我覺得最值得嘅香港新浪潮電影,又或者一D正經又大路嘅港產片,已經喺07-08年間全部分享晒。由於小弟文筆粗鄙,好難扮專業寫論文分析呢D好戲,為免影響大家對呢D戲嘅觀感有所改觀,所以都係留返俾D專家寫會稱職一D...............我就繼續寫下D邵氏片同爛片算喇! 扮嘢都係留返俾專家做啦!

所以新一年,小弟將會集中寫"爛片大災難",當然間中都會有"十大系列"間下場,雖然我近年減產咗,不過只要仲有人想睇我呢D唔撚專業嘅人寫嘢嘅話,我都會繼續寫嘅...............雖然小弟唔再寫香港新浪潮電影D戲,不過喺小弟FACEBOOK嘅"DON紅劇場"(邀請制)同"DON紅世家"FANS專頁(無須申請即可加入),往後都會播返好多絕版經典俾大家,好似之前"DON紅世家"重播"撞到正","DON紅劇場"嚟緊亦會播放"假如我是真的"等(其他好戲,賣個關子先)。呢D好戲,就算專家嘅文筆有幾專業幾斯文,睇論文就不如睇成套戲啦! 除咗會播成套戲之外,小弟嘅網台節目"電影大時代"亦會繼續同大家吹水講電影,所以就算你哋唔LIKE睇我寫爛片,一樣都可以係咁易知道以前港產片嘅風光史。

 

今年小弟亦會重開YOUTUBE CHANNEL,大家有興趣就訂閱啦! 呢個"電影OP大匯堂",一聽個名就知小弟又食老本放OP啦! 不過有好多OP之前我都未POST過嘅,唔係舊嘢當新嘢架! 知今次呢個CHANNEL又可以頂幾多個月呢? 同埋今次YOUTUBE又會用咩藉口封我AC呢? 真係好撚緊張呀! 呵呵!!!

http://www.youtube.com/user/moviesopcom?feature=mhum

 

另外,小弟亦喺FACEBOOK,開咗一個名為"麥DON鴻"嘅FANS專頁,咁做係想將佢同個人AC分開D,免受D專家嘅每日熱情咨詢,大家如果係一直睇開小弟個BLOG嘅,有興趣就JOIN啦!!!

http://www.facebook.com/makdonhung#!/pages/maidon-hong/100147626729890

 

 

 

 

 

 

 

PS:如果唔知"DON紅世家"同"電影大時代"係點樣加入嘅話,你哋只要睇返之前D POST就見到有LINK架喇!!! 好快就有新一年第一套爛片登場,想睇就要捕實小弟個BLOG喇!!!


[5]

how about your tudou account ar?


[引用] | 作者 Jessie | 18th Jan 2011 07:22 AM | [舉報垃圾留言]

[4]

好想睇假如我是粒的.....


[引用] | 作者 Leslie | 17th Jan 2011 13:35 PM | [舉報垃圾留言]

[3]

十分期待黎緊o既「大災難」電影..


[引用] | 作者 Andeon | 15th Jan 2011 23:01 PM | [舉報垃圾留言]

[2]

支持don兄!


[引用] | 作者 Calvin Chiang | 15th Jan 2011 22:21 PM | [舉報垃圾留言]

[1]

期待; 支持 :D


[引用] | 作者 Wythe Li | 15th Jan 2011 21:55 PM | [舉報垃圾留言]