香港新浪網 MySinaBlog
« 上一篇 | 下一篇 »
麥don鴻 | 5th Nov 2010, 02:18 AM | 麥DON鴻十大系列 | (2041 Reads)

"十大系列"自推出以來,都有部份BLOG友私下問小弟,話呢D所謂嘅十大之選,係咪求其老作出嚟!? 可以咁講,如果小弟求其隨口就彈到十套戲出嚟,仲要隨手就有碟CAP埋個畫頭,咁我應該算係求其得好專業架喇! 其實每次大家睇"十大系列",睇就5MIN就乜都睇晒,但我要喺唔同類型嘅戲種,揀十套自己真係LIKE嘅,真係要花成日時間去諗架! 當然如果閣下仲要覺得我係老作嘅...................咁就唔撚關我事喇!

 

小弟呢個"十大系列"環節,簡單D講就係每次從唔同嘅戲種中,挑選自己心目中嘅十大最愛之選。當然呢D所謂十大之選,全部都係本人嘅個人意見同分享,絕對係唔代表閣下之意見(簡單D講,即係我LIKE睇乜關你撚事),亦唔係同嗰D自命係專家嘅人鬥專業。所以如果閣下對小弟嘅十大之選有咩不滿的話,可以即刻過主,不喜就勿看,尊重他人,懇請各位專家自律!!!

 

 

上次同大家講完十大三級情慾片,今次要同大家介紹,就係十套令小弟一直過目不忘嘅三級港產劇情片(即係套戲入面雖然都有性愛場面,但整體套戲都係以劇情同暴力行先,喺香港呢個封建社會入面,講句粗口就已經係三級啦).................睇下我嘅十大之選同大家又一唔一樣喇!

 

第10位 - "一半海水一半火焰"(2008)

係....................我認,第一次睇,我真係為睇莫小奇對燈,第二次都係..................第三次都係................但睇第四次,我真係覺得一個靠捉黃腳雞搵食嘅男人,同一個大波得嚟又扮懶晒純嘅女仔,竟然咁都可以寫到一個懶悽美嘅愛情故事,我覺得掂喎! 同埋劉奮鬥真係拍得好喎! 當然其實到最後,我都淨係記得莫小奇對燈.......................正!!!

 

第9位 - "力王"(1992)

雖然呢套戲D土砲特技雞就雞D,但可以講D暴力場面真係去得算幾盡,最少而家仲未有香港導演可以拍得出,同佢一樣水準嘅暴力血腥先.................吓! 你仲未睇過? 唔撚係吓話!?

 

第8位 - "恐怖雞"(1997)

小弟一向都唔太LIKE吳倩蓮,但呢套我對佢完全改觀,覺得佢比以前真係識做戲好多....................PS: 謹此一套!!!

 

第7位 - "三五成群"(1999)

其實呢套雖然好多暴力場面一D都唔三級,但意識就真係超越三級,因為我知好多小朋友都好迷呢套戲? 如果小D分析能力都好易受影響,不過呢套戲成功,唔係因為真人真事改編,係因為宋本中做得好咋!

 

第6位 - "四級殺人狂"(1995)

侯永財導演D戲我真係麻麻,不過有樣嘢真係想講,佢D戲真係要睇幾次先睇出味道,好似呢套"四級殺人狂"咁,第一次睇真係覺得好爛,但睇多幾次,又發覺佢D殺人場面拍得唔錯,不過有已故人妖妃嬙演出一幕,真係睇一次就夠晒皮,之後我例飛唔睇嘅.................

 

第5位 - "走火槍"(2002)

未睇過真係要睇! 好睇!!!

 

第4位 - "黑太陽731"(1988)

如果我無記錯的話,當年好似係啱啱有電影三級制,所以我老豆先帶唔到我入南洋戲院睇呢套嘢。呢套戲雖然就有D借題發揮玩變態,但好老實,而家想搵一個好似牟導演本身咁變撚態嘅人難,想搵一個肯俾錢佢拍投資者就更難.................所以呢套真係經典嚟架!!!

 

第3位 - "一個字頭的誕生"(1997)

點解呢套戲入到3甲,我諗我唔使再講啦吓話......................

 

第2位 - "死亡監獄"(1994)

呢套戲小弟都係後期先睇返,查返電影資料館個網,原來呢套戲當年有上過戲院,仲有百幾萬票房添..................唔記得同大家講呢套戲係邊個導演...............吳岱融是也,如果佢無請槍嘅話,佢喺呢套戲嘅導技真係好有水準,小弟生平誠意推介!!!

 

.

.

.

.

.

.

 

第1位 - "三狼奇案"(1989)

呢套"三狼奇案",雖然有大部份劇情、對白同場景,都係照DUP 1974年由程剛導演嘅"天網",亦即係可以咁講,呢套戲係同無線近20年嘅所有電視劇一樣,都係照抄返嚟嘅..................但小弟都係講嗰句:「係抄又點? 知道抄又點啫!? 抄得成功咪得囉!」,的確呢套"三狼奇案"真係完全將"天網"嘅不足之處,全部補救返晒,好似"天網"故事唔夠煽情同戲劇性,"三狼奇案"真係加返D戲劇性之餘,仲煽情到仆晒街,當然三級片,唔加返幾句粗口又點似樣呢?

呢套戲,亦係小弟當年好想入戲院睇嘅三級片,所以梗係入選第一位啦! 仲有講明今次係講三級劇情片,當然梗係劇情行先啦! 呵呵!!!

 

 

 

 

 

 

PS: 以上嘅十大之選,全屬小弟個人意見,總之大家有不滿就勿看,想分享自己嘅十大之選,小弟係絕對歡迎,想搞事扮專家就請過主喇! 唔知今次呢個"十大三級片"POST,會唔會挑起大家想搵返D舊港產三級片條根呢? 下次會同大家轉下口味,分享下小弟最LIKE嘅十套港產愛情片,想睇就要捕實喇!


[33]

一雞三味...乎


[引用] | 作者 roy keane | 19th Nov 2010 17:40 PM | [舉報垃圾留言]

[32]

原來係三級片。

印象中最搵笨三級片係發哥果套。套野乜都無,無啦啦又話三級。


[引用] | 作者 Louis Lin | 12th Nov 2010 02:42 AM | [舉報垃圾留言]

[31]

《三狼奇案》淨係睇主角演技已經值回票價


[引用] | 作者 閃兒 | 8th Nov 2010 14:00 PM | [舉報垃圾留言]

[30] Re: henryluk

諗不到"吸血貴利王"都入唔到十大!


[引用] | 作者 henryluk | 8th Nov 2010 00:42 AM | [舉報垃圾留言]

[29] 估你唔到

諗不到"伊波拉病毒"同"吸血貴利王"都入唔到十大!


[引用] | 作者 henryluk | 8th Nov 2010 00:35 AM | [舉報垃圾留言]

其實呢d都係我嘅個人選擇,梗係同你嘅有分別啦!呵呵!!!

[引用版主回覆] | 作者 麥DON鴻 | 8th Nov 2010 11:09 AM

[28]

我有興趣睇燈


[引用] | 作者 Norm | 6th Nov 2010 13:40 PM | [舉報垃圾留言]

[27]

黑太陽731,細個睇完之後,而家睇血腥片唔係好驚.....因為已經無佢甘癡線...


[引用] | 作者 POON WING SZE | 6th Nov 2010 13:22 PM | [舉報垃圾留言]

[26]

dong兄推介的十大三級劇情片,會在 dong鴻劇場播出嗎?好想看呀~~ 看一下劇情有多三級~~


[引用] | 作者 ant | 6th Nov 2010 12:00 PM | [舉報垃圾留言]

[25]

比較記得商天娥應承鄭則士會為佢守寡, DON兄唔知我有冇記錯呢?


[引用] | 作者 GILBERTCHU | 4th Nov 2010 23:26 PM | [舉報垃圾留言]

你無記錯........呵呵!!!

[引用版主回覆] | 作者 麥DON鴻 | 5th Nov 2010 00:49 AM

[24]

我都覺得"三狼奇案"好睇過"天網", 雖然兩個版本戲嘅主角都演得非常好


[引用] | 作者 Chun Hei Cheung | 4th Nov 2010 23:16 PM | [舉報垃圾留言]

Next