香港新浪網 MySinaBlog
« 上一篇 | 下一篇 »
麥don鴻 | 30th Oct 2010, 21:05 PM | 麥DON鴻十大系列 | (4423 Reads)

"十大系列"又同大家見面,今次要同大家分享嘅片種,就係逢男BLOG友都一定有興趣嘅三級片,三級片呢個名,都係80年代尾先出現,所以我今次挑選嘅十套戲,當然都係過咗80年代啦! 至於嗰D 70年代嘅風月艷情片,同埋一D唔係好三級嘅三級劇情片,都暫時唔會同大家介紹住。

 

小弟呢個"十大系列"環節,簡單D講就係每次從唔同嘅戲種中,挑選自己心目中嘅十大最愛之選。當然呢D所謂十大之選,全部都係本人嘅個人意見同分享,絕對係唔代表閣下之意見(簡單D講,即係我LIKE睇乜關你撚事),亦唔係同嗰D自命係專家嘅人鬥專業。所以如果閣下對小弟嘅十大之選有咩不滿的話,可以即刻過主,不喜就勿看,尊重他人,懇請各位專家自律!!!

 

 

今次要同大家介紹,係十套令小弟一直過目不忘嘅三級港產性慾片(即係套戲入面少不免有大量嘅情慾場面,當然有D都有故事性嘅).................睇下我嘅十大之選同大家又一唔一樣喇!

 

第10位 - "老泥妹"(1995)

如果將"囡囡"同呢套"老泥妹"比,真係無得比,同"靚妹仔"比就更加諗都唔使諗啦! 唔係"囡囡"拍得差,係拍得過份保守,大家都係扮寫實片,一樣都係三級片,一樣都有扑嘢戲,只係爭15年啫! 點解成個三級片嘅尺度,會收窄得咁可憐..............當然呢套"老泥妹"一樣無得同"靚妹仔"比,整套戲亦唔係真係咁正,D女又唔係真係咁靚。不過呢套戲當年嘅成功,之後就出現一大堆跟風老泥妹電影,唔可以話佢勁,不過你唔可以話佢唔經典.............大家仲記唔記得藍精靈呀!? 呵呵!!!

 

第9位 - "獸性新人類"(2000)

可能大家會有D意外,呢套咁嘅嘢都會入選!? 其實我覺得呢套戲都算有劇情,當然反駁就梗有啦! 但我真係覺得梁焯滿,喺呢套戲入面做得唔錯架喎!!! (閣下唔認同唔關我事架)

 

第8位 - "玉蒲團之偷情寶鑑"(1991)

曾經有位神級電影之霸專家BLOG友講過,話呢套戲,係參考一套1987年由何藩導演嘅"浮世風情繪"(又名"足本玉蒲團")................係抄又點? 知道抄又點啫!? 呢套"玉蒲團"係抄得好成功喎! 最少我唔記得葉子楣周弘村上麗奈吳啟華鄭則仕徐錦江鄧一君羅烈..................都仲記得馬撚啦!!!

 

第7位 - "三度誘惑"(1990)

其實何藩拍嗰D所謂唯美三級片,真係睇到我屌屌聲,嗰D一路扑嘢一路慢鏡撥頭髮,同埋嗰D絲巾飛飛下扮飄逸嘅仆街鏡頭,真係睇一次剷一次................但呢套"三度誘惑"我又OK喎! 最少李中寧個三級MAN造型,真係過目不忘先啦! 呵呵!!!

 

第6位 - "替天行道之殺兄"(1994)

比起"滅門慘案之孽殺",呢套"殺兄",小弟真係翻睇咗好撚多次,千祈唔好以為我係睇鍾淑慧,又或者睇吳岱融正面露械...................我睇咁撚多次,都係睇何家駒演得有幾仆街,佢對住老母黎宣打飛機一幕,有睇過嘅唔好話唔記得呀! 呵呵!!!

 

第5位 - "血戀"(1995)

講過目不忘嘅三級片,又點少得華月姨嘅"血戀"呀!? 又三級版,又海外流出四仔版,睇完點知過目不忘呀!? 直頭想過身添啦! 諗起都想嘔.....................

 

第4位 - "旺角馬場"(1992)

呢套戲可以直入第四名,唔係因為套戲好睇,係全靠一個人,佢就係...............葉先兒,靚佢唔係靚,身材亦只係一般,但唔知點解,每次一見到佢個樣,我就好想啅................不過佢D演技都唔錯,唔止淨係識露波露毛咁簡單。咁套戲好唔好睇架!? 呢套嘢好kai架!!!

 

第3位 - "危情"(1993)

陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................陳雅倫......................

 

第2位 - "禁色"(1992)

呢套90年代嘅三級女同志戲,其實而家睇返一樣覺得好睇,好睇係因為佢咩都做到足,扮女同唔係淨係打個茄輪就得,梗係要有埋D磨磨場面俾D觀眾睇下,咁先似樣架嘛!!! 其實我睇咁多次,都分唔出兩個女主角葉麗紅、李美琪,究竟個樣好似桂綸鎂嘅.............係葉麗紅定李美琪,有無人可以去確實話我知.......................PLS!!!

 

.

.

.

.

.

.

 

第1位 - "擋不住的瘋情"(1993)

雖然呢套戲係第一位,但小弟係完全唔LIKE翁虹,而係LIKE扮演變態佬嘅任達華(雖然佢D表情都係一貫浮誇,但佢真係好適合做呢類衣冠禽獸角色),同埋套戲雖然故事簡單,但整體氣氛真係控制得唔錯喎! 其他本來都入到圍嘅"強姦"、"滿清十大酷刑"、"蜜挑成熟時2"同埋"那個少女不多情",小弟睇時都仲會飛過睇D精彩場面睇下就算,因為呢幾套戲都無咩劇情嘅,但睇呢套一定會由頭睇到尾。

我既然咁尊重得套戲,梗係入第一位啦! 仲有,記得當年曾經有位出晒名濕鳩嘅影評人,話翁虹係咁多三級片女星中,演繹床上戲表情最真實嘅一個...............好老實,如果我有條女俾我扑嗰陣,D表情浮誇到咁撚樣,我真係會即時車巴佢囉!!!

 

 

 

 

 

 

PS: 以上嘅十大之選,全屬小弟個人意見,總之大家有不滿就勿看,想分享自己嘅十大之選,小弟係絕對歡迎,想搞事扮專家就請過主喇! 另外,今次嘅"十大三級片"會分上下兩PART,上集就講三級嘅情慾片,下集就講三級嘅劇情片(即係劇情行先,暴力場面會較性愛場面多)................之後仲會有小弟最愛嘅十大港產三級片男女演員,睇下呢個十大三級片系列,會唔會挑起大家睇返D舊港產三級片條根喇! 呵呵!!!


[32] Re: 麥DON鴻
麥DON鴻 :

童玲成個施明咁款......呵呵!!!



可能佢見到個個真係屍明姐XD


[引用] | 作者 Leslie | 14th Jan 2011 17:54 PM | [舉報垃圾留言]

[31]

我重口味,竟然係對月華姐最深印象(可能係童年陰影)


[引用] | 作者 Louis Lin | 12th Nov 2010 02:37 AM | [舉報垃圾留言]

[30]

我buy任達華喺羔羊醫生同賊王嘅表現多啲, 我個人覺得有啲爆冷, 不過完全尊重Don哥選擇.


[引用] | 作者 Sunny Chan | 2nd Nov 2010 12:54 PM | [舉報垃圾留言]

[29]

真係翁虹...但我攪亂哂個名...


[引用] | 作者 Petvin Ma | 31st Oct 2010 01:19 AM | [舉報垃圾留言]

[28]

第一位好似有睇過....不過無乜印象...反面蜜挑成熟時2就係我既No.1, 裡面d女個個都幾得, 又唔錫身, 好睇呀....


[引用] | 作者 Ming Leung | 31st Oct 2010 01:10 AM | [舉報垃圾留言]

[27]

唔知你記唔記得我早 2 年問你有套戲,我唔記得叫乜名,只係同你形容過少少劇情,你話我知套戲叫《替天行道之殺兄》,條冚家祥叫何家駒。

我兒時完全唔知狩套戲講乜,都記得何家駒姦左佢阿嫂同佢老母唔俾錢佢叫雞,佢就對住佢老母打飛機!

原來呢套係 3 級片!點解細個有線有播架?我好似起有線睇架~~問完你之後好想上網睇返,不過搵到而家都搵唔到在線粵語版 :(


[引用] | 作者 閃兒 | 30th Oct 2010 22:39 PM | [舉報垃圾留言]

唔止有線,無記之前都有做過,上網搵唔到廣東話版,就搵隻碟睇啦!呵呵!!!

[引用版主回覆] | 作者 麥DON鴻 | 30th Oct 2010 23:10 PM

[26]

真係估你唔到


[引用] | 作者 Paul Ip | 30th Oct 2010 22:29 PM | [舉報垃圾留言]

[25]

有D爆冷! 不過呢套我覺得OK架!


[引用] | 作者 GILBERTCHU | 30th Oct 2010 21:40 PM | [舉報垃圾留言]

[24]

十大港產三級片男女演員~希望有演出《太太的情人》的童玲。一兩年前在街上見到佢,重保養得唔錯,有貴氣。


[引用] | 作者 liloban | 30th Oct 2010 21:19 PM | [舉報垃圾留言]

童玲成個施明咁款......呵呵!!!

[引用版主回覆] | 作者 麥DON鴻 | 30th Oct 2010 23:13 PM

[23]

Donhung 兄所講哩九套除咗獸性新人類外,我全部睇過,我做仔嗰陣口味較特別,不看日本av,看港產三仔及鬼婆四仔。加上對大肚婆有偏好,有啲變態。哈哈。


[引用] | 作者 Faister | 30th Oct 2010 11:40 AM | [舉報垃圾留言]

Next