香港新浪網 MySinaBlog
« 上一篇 | 下一篇 »
麥don鴻 | 8th Oct 2010, 13:45 PM | 史老闆把鬼推介 | (668 Reads)

上回講到..........請睇返"史老闆把鬼推介 - 腦魔 (1-2)"

 

上集新推出嘅分開加長版模式,本人同麥DON鴻,都相當滿意留言同瀏覽人數嘅成績,雖然我都明白咁做係好吊大家癮,但大家睇電視劇都一樣啦! 如果收視差同觀眾無反應,套劇可能都隨時腰斬啦! 分開加長版嘅做法,只係增加大家嘅追開性,希望各位BLOG友就唔好介意喇!!!

好.............唔阻大家繼續追落去,今集上半部內容...............精彩喇!!!

上集尾,大家都見到亞彬個奸樣幾撚衰啦! 所以一到祭腦之日,亞彬又求腦魔幫佢手懲戒睇小佢嘅仆街喇! 邊個仆街夠膽睇小彬哥呀!? 咪就係成日都串鳩佢嘅ANNIE大佬囉!!!

今次腦魔個造型,係咪"新鮮"好多呢?

PS: 亞彬已經係第3次求腦魔幫拖喇!!!

大家唔使咁快開心住,ANNIE大佬仲未死,佢只係沖沖下涼SLEEP咗啫!!!

突然間腦魔出現喺ANNIE大佬個浴缸入面.....................

仲游近佢個LIN位添,跟住ANNIE大佬FEEL到有一舊嘢喺身度,用手一揸.................

登時大叫HELP,佢老婆一見到ANNIE大佬瀨咗嘢,就只識擘大個含撚咀,一D都幫撚唔到手.....................

最精彩嘅死人場面,竟然仲用雙手遮住唔撚睇,史老闆一直主張睇人點死精神,所以佢老婆嘥料唔睇佢老公點死,我史老闆今次就益街坊,分享下佢老公點死,都算回饋緊社會啦! 我又要學人妻琪攞傑青....................

估唔到原來腦魔仲有咁多同鄉幫拖嘅...............今次腦魔咁幫到手,應該可以返歸啦!?

亞彬祭腦期間,原來ANNIE一直都喺度全程窺視,望下亞彬究竟喺度做乜撚嘢? 但因為太遠關係,其實佢係聽唔到亞彬同腦魔之間嘅談話內容嘅...................

ANNIE襯亞彬走咗,靜靜雞行近D望下個祭壇,其實腦魔呢個臨時祭壇,只係設喺間屋嘅雜物房入面,可見亞彬對腦魔有幾尊重喇!!!

個祭壇整到好似普通神位咁,方便掩人耳目...................

腦魔聖水一支.....................

ANNIE見到支聖水,就好奇拎上手睇下.................

仲想揭開個盒睇下添,其實ANNIE唔係第一次見呢個盒,因為之前亞彬一落機就已經揸住呢個盒,佢仲問亞彬個盒係咪送俾佢,不過亞彬話係有人托佢帶返嚟,佢先無再問。而家見個盒離奇擺咗喺度,佢當然想知道個盒入面有D咩啦!

ANNIE一打開個盒,當然就見唔到腦魔啦! 反而離奇地有D蛇仔喺個盒度標出嚟,登時嚇到ANNIE噴水之餘,仲打撚爛埋支聖水,呢鑊亞彬仆街喇!!!

ANNIE大佬終於都出殯................恭喜晒.......................

ANNIE老豆因為見自己個仔死都唔預埋佢,所以個心好唔舒服,ANNIE見佢咁撚樣,就話不如叫佢同大嫂搬過嚟一齊住,咁佢就算意外死,分遺產都會分得快D咁話................

點知佢老豆一搬嚟住,就即刻撞嘢,佢本來諗住叫個工人拎杯水嚟飲,點知個工人一開雪櫃,就見到一大班腦魔同鄉出現,即時嚇到個工人標水..............個工人同ANNIE老豆講個雪櫃有鬼,佢就死都唔諗信..................

ANNIE老豆唔信邪,係都要開個雪櫃睇下,一睇就當然瀨晒嘢啦!!!

就係因為佢大驚小怪,見到少少靈體就嘈生晒,搞到成屋人都無覺好瞓,亞彬就同ANNIE老豆講,話佢可能太攰喇! 見佢早D去................瞓!!!

原來今日又係月圓之夜,亞彬又唔記得拜佢喇!!! 好心完成咗咁多願望就送腦魔返歸啦!?

原來亞彬仲有嘢想求,今次佢就希望可以有一筆錢可以做生意..............乜佢D願望成日都咁不設實際架! 俾我就簡簡單單求腦魔俾我"要乜有乜"仲實際啦!!! 使撚分幾次求咩!?

但腦魔今次就唔SO佢喇! 仲不停震嚟震去,暗示亞彬要即刻送佢走................

亞彬見腦魔發老脾,就唯有應承佢即刻送佢走....................

亞彬見腦魔越震越勁時,先及時諗起老嘢曾經講過,要用聖水送佢走呢件事...............

亞彬:「仆街..............呢次冚家剷喇!!! 聖水呢???」

亞彬:「仆街..............點撚算呀!? 支聖水呢? 唔知用ANNIE D閪水頂住先又WORK唔WORK呢? 屌................大家教我點做啦!? 我而家好撚驚冚家剷呀!」

 

 

 

 

 

 

 

 

待續............

 

究竟亞彬最後點樣送腦魔走? 同埋亞彬幾時冚家剷呢?................想知就要密切留意"史老闆把鬼推介 - 腦魔 (4)"

 

PS: 有睇過呢套戲嘅BLOG友,請勿爆響口講晒D內容.............多謝合作!!!


[22]

Annie大佬唔好彩, 腦兄D同鄉唔知邊度爆出黎....支持don兄快post下期!


[引用] | 作者 30 something | 11th Oct 2010 19:17 PM | [舉報垃圾留言]

[21]

噢看來他也是不得好死了,快post下去啊don兄。


[引用] | 作者 Calvin Chiang | 9th Oct 2010 23:07 PM | [舉報垃圾留言]

[20]

我睇到都好撚驚,快update吧


[引用] | 作者 BEn 嘉辉 | 8th Oct 2010 23:17 PM | [舉報垃圾留言]

[19]

好緊張, 其實係你寫得精彩, 定係套戲都真係咁緊張剌激? 加油呀DON兄!!


[引用] | 作者 phdick | 8th Oct 2010 23:10 PM | [舉報垃圾留言]

[18]

亞彬好似智障,阿腦兄脾气算係咁!


[引用] | 作者 Matthew Tse | 8th Oct 2010 22:05 PM | [舉報垃圾留言]

[17]

聖水冇左,事情已不可收拾,唔知阿彬o既命運會係點呢? 好緊張呢..


[引用] | 作者 Andeon | 8th Oct 2010 21:44 PM | [舉報垃圾留言]

[16]

快d更新啦!


[引用] | 作者 song | 8th Oct 2010 13:38 PM | [舉報垃圾留言]

[15]

'唔知用ANNIE D閪水頂住先又WORK唔WORK呢?'

勁好笑........


[引用] | 作者 Ming Leung | 8th Oct 2010 10:05 AM | [舉報垃圾留言]

[14]

用Annie D 䦧水個下真系好搞笑!


[引用] | 作者 Jacque | 8th Oct 2010 05:47 AM | [舉報垃圾留言]

[13]

亞彬真係無得頂, 成日唔記得拜, 聖水又亂擺, 求埋D願望又騎哩. 點解可以咁架?


[引用] | 作者 Louis Lin | 8th Oct 2010 04:21 AM | [舉報垃圾留言]

Next