香港新浪網 MySinaBlog
« 上一篇 | 下一篇 »
麥don鴻 | 4th Oct 2010, 10:10 AM | 史老闆把鬼推介 | (705 Reads)

上回講到..........請睇返"史老闆把鬼推介 - 腦魔 (1)"

 

上集推出之後反應唔錯,所以今集將會加碼一篇內有兩集內容出現,保證大家睇得過癮,個FEEL似含撚.................唔阻大家含撚................去片!!!

上集尾一出完"腦魔"個戲名,出埋導演同演員序之後,就影住亞彬成個人充滿自信咁準備過關..............其實戲中交代亞彬應該係泰國華僑,佢之前去嘅巴布亞新畿內就喺印尼,即係佢而家係由印尼返泰國。

本來都順利過咗一次關,但個關員見亞彬個盒好似有D可疑,所以就叫亞彬再返轉頭翻CHECK多一次......................

睇下亞彬個樣,如果叫佢去運毒就死撚得啦! 睇下盒都未開,個樣已經驚成咁...............失敗!!!

個關員一開個盒,左照右照都睇唔到D咩!? 所以就俾亞彬過關喇!!!

亞彬一出咗關,再開個盒望下見唔見個腦喺度,點知個腦又喺返度,咁撚神奇? 唔知睇"解開魔法陣"解唔解釋到點解會咁撚樣呢?

亞彬一落機,一聽到ANNIE(余安安)個老豆入咗院,即刻就扮晒孝子咁話一定要去睇佢今日最後一面.................

ANNIE個大嫂同ANNIE老豆講,話佢住咗院咁撚耐病情都無咩好轉,不如等ANNIE同亞彬早D結婚,再喺佢面前表演洞房沖下喜,可能會對病情有幫助都未定..............

跟住ANNIE個亞哥突然攝出嚟,話想結婚? 除非亞彬發撚咗啦!?

仲要亞彬要成為百萬富翁先有得傾................百萬富翁? 一百萬定九百萬先? 爭好撚遠架喎!!!

亞彬一聽完ANNIE亞哥咁講之後,適逢當晚係月圓之夜,亞彬就第一次同千年彊屍腦許願.................其實呢個腦魔,只要用新鮮嘅腦放喺佢上面祭祀就OK,用咩腦都得,總之有腦就得架喇!!!

大家記住,亞彬係講呢個係唯一願望,即係話佢再無他求架喇!!!

亞彬: 「弟子秦彬誠心求你,呢個係我唯願,就係希望你賜我一百萬,咁我就可以同ANNIE扑野................SORRY! 係結婚先啱! 只要我願望達成,一定會守諾言用聖水送返你去舊時嗰度...................恭喜發財!」

腦魔:「喂..............」

亞彬: 「嘩! 顯靈呀!...............快D俾一百萬我................HURRY UP!!!」

腦魔:「其實一百萬咁少,你去借都得啦! 使撚求我咩..............屌!!!」

亞彬: 「我無業又無入息証明..........點撚借呀!? 同埋最重要係我懶撚想不勞而穫,先走去老蓮咁遠請你返嚟,而家求你少少嘢啫就咁撚多嘢講..............正一衰腦嚟!!!」

腦魔:「其實我只係想俾個提議你啫.................」

亞彬: 「咩提議................」

腦魔:「點解你唔試下物業貸款呢? 」

亞彬: 「屌你................究竟你幫唔幫我架! 我搵聖水淋你架.............仆街!!!」

腦魔:「幫...............14個工作天內就會有消息架喇!!!」

亞彬: 「...................一百萬..................一百萬..................一百萬..................」

腦魔:「...............」

其實亞彬一直都係同佢家姐(楚湘雲)一齊住,亞彬本來想同家姐借錢搞生意,點知就俾佢家姐一輪咀"閏"到佢仆晒街.................原來亞彬可能曾經都係富二代嚟,不過D錢使撚晒啫!

亞彬家姐"閏"佢不特止,仲咒亞彬早D死,跟住亞彬又回敬返佢,話睇下佢點死?究竟亞彬個家姐使唔使死呢?

腦魔一收到亞彬個許願order,唔使等14個工作天,當晚就已經即刻做嘢............做乜嘢? 咪就係隊冧亞彬個家姐囉! 點解要隊冧佢? 唔隊冧佢又邊到有齊頭一百萬俾亞彬呀! 唔同真係叫腦魔去借咩! 呵呵!!! 想睇腦魔點樣撚死亞彬個家姐? 最直接嘅方法就係睇碟喇! 呢場戲楚湘雲仲會濕身透點演出添! 不過佢已經一把年紀,大家就唔好諗佢會有D咩激情演出喇!!!

腦魔搞掂咗亞彬家姐之後,亞彬順利得到齊頭一百萬遺產,不過佢嘅人生都無咩重大改變,一樣晚晚去叫雞,而佢拎到遺產嘅事,就搞到全泰國華人都知道晒,今舖亞彬真係名利雙收喇!!!

亞彬一有咗錢,就即刻同ANNIE求婚,不過ANNIE一知亞彬原來係用死人錢同佢結婚之後,即時擺出一副西臉...................咁又係? 個老公要靠份遺錢先可以同佢結到婚,真係結到都唔開心啦!!!

ANNIE: 「亞彬................你仲有無咩親戚呀! 我想生BB呀!!!」

亞彬:「親戚? 我而家冚家死晒,妳已經係我唯一親人啦!? 我仲有無親戚同妳想生BB有咩關係呢?」

ANNIE: 「無............我見你要死咗家姐先有錢同我結婚,如果你再無親戚,咁仲邊有錢生BB喎!」

亞彬:「死臭閪妳"閏"我呀!?」

ANNIE: 「一時感觸啫!!!」

亞彬:「..................」

亞彬驚ANNIE個亞哥又會再出口阻止唔俾佢哋結婚,所以又求腦魔幫手得件事順利D,結果今次ANNIE個亞哥好順攤就聽佢老豆講,俾佢哋結婚..............個腦魔又幾幫到手喎!?

亞彬終於都啅到有錢女ANNIE................恭喜晒!!!

不過佢哋新婚當晚,正值又係月圓之夜,亞彬因為一時高興遲咗祭腦魔,腦魔就即刻現真身嚇鳩ANNIE,仲離奇到將食咗腦嘅馬騮屍體,毫無手尾咁就掉喺亞彬間屋個廳度示威....................腦魔發惡喇!!!

亞彬知道"乃"嘢,即時同腦魔SAY SORRY!!!

亞彬娶ANNIE,除咗貪有免費閪屌之外,最大原因就係因為佢屋企有錢,今日,亞彬就同ANNIE講,話佢想開間儲蓄金公司,希望ANNIE可以幫下口叫佢老豆入D股................

點知ANNIE個亞哥,一聽亞彬個計劃就即刻SAY NO,仲話呢D投機生意好易搞到冚家剷,叫佢唔好拖埋佢哋D家族生意落水,仲話一眼就睇得出,亞彬係貪錢先娶佢個妹..................其實ANNIE個亞哥先係話到事嗰個,因為佢老豆驚自己隨時釘,所以一早已經將生意交晒俾佢打理..............亞彬今次真係計撚錯數喇!!!

由於亞彬俾ANNIE個亞哥串到無晒癮,所以就發老脾走撚咗...............睇下佢個奸樣,ANNIE個亞哥應該過唔到下集架喇!!!

 

 

 

 

 

 

 

 

待續............

 

究竟ANIIE個亞哥死唔死得?................想知就要密切留意"史老闆把鬼推介 - 腦魔 (3)"

 

PS: 有睇過呢套戲嘅BLOG友,請勿爆響口講晒D內容.............多謝合作!!!


[23]

好好睇! Thank you, thank you!


[引用] | 作者 Louis Lin | 5th Oct 2010 23:20 PM | [舉報垃圾留言]

[22]

亞彬係泰國華僑,戲中100萬應該係指泰銖... 100萬銖就可以聚到富家女...


[引用] | 作者 Andeon | 5th Oct 2010 14:07 PM | [舉報垃圾留言]

[21]

又要等part3 腦魔真令人懊惱!oh no!


[引用] | 作者 丁馬卡度 | 5th Oct 2010 05:02 AM | [舉報垃圾留言]

[20]

楚湘雲濕身透點演出...好吸引咁喎....多謝晒當兄.....


[引用] | 作者 Ming Leung | 4th Oct 2010 00:02 AM | [舉報垃圾留言]

[19]

估唔到呢套戲都有D劇情,余安安後生同依家都係差唔多樣!快D POST 埋後面嗰D 啦!


[引用] | 作者 Milky Lee | 3rd Oct 2010 20:48 PM | [舉報垃圾留言]

[18]

噢原來家姐真的給幹掉了,看來這大哥也不會有好下場了,don兄快告訴我們大哥呢次點死吧!


[引用] | 作者 Calvin Chiang | 3rd Oct 2010 19:52 PM | [舉報垃圾留言]

[17]

個腦效率好快WOR...下集ANNIE大佬應該拎得飯盒?


[引用] | 作者 Petvin Ma | 3rd Oct 2010 15:43 PM | [舉報垃圾留言]

[16]

求乜有乜咁巴之閉既個腦@@


[引用] | 作者 wytheli | 3rd Oct 2010 15:12 PM | [舉報垃圾留言]

[15]

湘雲姐好像比阿腦魔後進隊死咁。


[引用] | 作者 Matthew Tse | 3rd Oct 2010 15:03 PM | [舉報垃圾留言]

[14]

//真係咁..老實..只係求一百萬:P
//好想快D睇落去,睇佢家姐點死!!:D


[引用] | 作者 wytheli | 3rd Oct 2010 01:34 AM | [舉報垃圾留言]

Next