香港新浪網 MySinaBlog
« 上一篇 | 下一篇 »
麥don鴻 | 17th Sep 2010, 16:45 PM | 麥DON鴻十大系列 | (2682 Reads)

小弟呢個"十大系列"新環節,簡單D講就係每次從唔同嘅戲種中,挑選自己心目中嘅十大最愛之選。當然呢D所謂十大之選,全部都係本人嘅個人意見同分享,絕對係唔代表閣下之意見(簡單D講,即係我LIKE睇乜關你撚事),亦唔係同嗰D自命係專家嘅人鬥專業。所以如果閣下對小弟嘅十大之選有咩不滿的話,可以即刻過主,不喜就勿看,尊重他人,懇請各位專家自律!!!

今次頭砲,小弟就同大家講下心目中最愛嘅十大華語/港產CULT片.............咩係CULT片? 大家就自行SEARCH喇! 費事講錯又俾D專家執啦!!! 不過小弟對華語/港產CULT片都有一個定位,因為香港同外國日本始終唔同,由於片商下下要就住票房同擔心咩都過唔到電檢,要港產片出一套類似"殺出個黎明"同"東京殘酷警察"嘅CULT片根本無咩可能。

我覺得,只要一套戲佢故事大剛簡單,但劇情推進中出現一大堆好難解釋到,又或者令人驚喜兼O咀嘅情節,都會列佢為CULT片。又或者我好難將佢定到位嘅電影,亦會當埋佢係CULT片。我覺得爛片都可以係CULT片,因為有時低成本嘅戲,更考導演點樣隨機扭橋嘅功力,有時就係扭扭下就出咗D CULT嘢出嚟喇。但CULT片唔一定係爛片,因為CULT片始終有佢可觀性同吸引之處,有D戲就只有爛但CULT唔起。成本大定細都可以出到CULT片,因為CULT片主要係睇導演點扭橋,全係用個腦諗D CULT嘢出嚟,之後先再睇下點樣運用成本,舊錢越大舊,D血漿同特技都可能多D好睇D,舊錢細就可能拍出嚟套戲無咁靚啫!.................以上全屬小弟嘅個人意見,並唔需要大家接受或認同,所以請唔好作無謂嘅抨擊或含攻擊性言論.................唔該晒!!!

 

 

講完小弟對華語/港產CULT片點定位之後,就喺時候選出我最LIKE嘅十大之選喇!!!

 

第10位 - "血戀2"(1995)

小弟2年前喺YBLOG有一篇叫"麥don鴻精選32"嘅POST,"血戀"第一集就排第32位,今次要數小弟最愛十大華語/港產CULT片,當然要預埋佢啦! 李華月嘅"血戀1-2",好睇就一定無佢份,不過如果唔怕反胃的話,其實都可以當CULT片睇,特別係第二集,借李華月因童年被姦(30幾40歲人扮處俾人姦,淨係呢度都已經CULT到冚家剷啦),長大後要不停去用不同嘅變態手法去殺男人,從中得到久罕性高潮,條橋就好簡單,但戲入所交代嘅殺人方法,以90年代嘅港產片嚟講,都真係算好CULT架喇!!!

 

第9位 - "色降2之血玫瑰"(1992)

大家如果有睇過以前嘅介紹的話,淨係蠱毒撚一出就知CULT晒啦!!! 呢套雖然係爛片,但佢同樣都係一套CULT片,點解??? 導演表達落蠱降手法,唔用嗰D傳統演繹,竟然用出掌蠱毒撚去交代,又有雌雄同體,女同同元神大戰等情節..............可以講90年代降頭片中呢套真係算好創新架喇! 同埋由於呢套戲成本有限,所以D道具同特技越雞就更顯出套嘢更CULT..............呵呵!!!

 

第8位 - "奪舍"(1997)

可能大家會奇怪呢套都算CULT片? 不過我當定唔到一套戲係咩片種時,就會列佢為CULT片,因為佢點睇都唔係恐怖同懸疑片囉! 又唔係動作同笑片...............你話乜都唔係嘅時間,唔列佢入CULT片,仲有咩片種啱佢入呀!?

 

第7位 - "油鬼子"(1976)

何夢華導演將降頭同特攝片元素合二為一嘅.................電影,都係講CULT片貼題D,李修賢因練降頭咒搞到自己基因突變,仲唔係CULT片? 咁我就真係唔知點分類喇!!!

 

第6位 - "殘缺"(1978)

呢套算係張徹"獨臂刀"嘅殘廢升級版,"獨臂刀"入面王羽無咗隻手都好打到仆街,呢套"殘缺",就算入面個個無手無腳又聾又啞兼白痴都可以一樣咁好打,比起"五毒"只係功夫招式上嘅CULT,呢套嘅故事齋睇故事大剛已經覺得好CULT...............同埋如果無呢套戲出現,就唔會有往後嘅"四大跛拳"同"天地殘缺"嘅出現,可謂影響深遠。

 

第5位 - "超時空要愛"(1998)

都係嗰句,總之我諗極都定唔到佢係咩戲種嘅...............就當佢係CULT片

 

第4位 - "細佬識講嘢"(1992)

查強姦案咪查囉! 做咩要連賓周都玩埋啫!? 如果唔係咁扭橋法? 又點變CULT片呀!?

 

第3位 - "伊波拉病毒"(1996)

呢套唔係CULT片? 恰鳩我呀!?

 

第2位 - "鬼迷心竅"(1994)

想知點解呢套可以去到第二位咁高? 未睇過嘅睇完就一定知點解架喇!!!

 

.

.

.

.

.

.

第1位 - "魔"(1983)

早喺07年嗰陣,小弟喺YBLOG時已經介紹過呢套戲,未睇過嘅可以打定底先。http://hk.myblog.yahoo.com/donnymak7626/article?mid=441

其實已經有BLOG友估中咗係呢套戲,不過估中都無獎嘅.............點解"魔"可以成為十大之首,因為呢套戲,係我睇過咁多港產降頭片中拍攝風格最似外CULT嘅一部,當中既有血腥暴力,亦有嘔心巫術展現,機械模型特技水準亦拍得住當年嘅B級西片,同埋呢套戲有別於一般降頭片,一味只識用負心漢遭落降嘅例牌劇情,竟然玩今生細佬救前世亞哥嘅玩嘢劇情。全套戲出現過嘅嘢,你之後再睇返其他同類戲種嘅戲都超越唔到呢個水準................本來"蜈蚣咒"、"紅鬼仔"、"種鬼"、"一個字頭的誕生"、"兩個只能活一個"、"蛇殺手"同"力王"都曾經考慮被列入第一位之列,但如果你問我,有邊套戲嘅風格,係拍得住外CULT質素的話,"魔"一定係我心目中最合資格之選。

 

 

 

 

PS: 以上呢十大之選,全屬小弟個人意見之選擇,絕對係唔代表大家嘅,我心目中對華語/港產CULT片嘅定位,可能同大家有所分別,各位係無須跟隨架! 唔好再問我點解呢套唔入? 嗰套又唔入? 因為我只係選十套個人好LIKE之餘,又合資格入選嘅CULT片,我唔選唔代表套戲唔CULT,只係無咁LIKE啫! 同埋你哋覺得CULT嘅戲,唔好夾硬要迫我加佢哋入選,因為我唔代表大家,大家亦唔代表我架! 總之,每一個人心目中對CULT片嘅準則都各有不同,大家唔需要一定要跟人哋定落嚟嘅標準作準,始終嗰D準則可能對西片會有幫助,但對港產片可能真係幫助唔大,同埋睇戲係個人嘅,唔一定要個個睇法都一樣,有時都係有D自主能力好。


[69]

Wow.. most of these movies i haven't even heard of... THanks for the introduction!!


[引用] | 作者 christine927 | 17th Sep 2010 11:54 AM | [舉報垃圾留言]

有興趣就搵嚟睇下啦!

[引用版主回覆] | 作者 麥DON鴻 | 2nd Oct 2010 23:15 PM

[68]

除左"伊波拉病毒",我全部都未睇過,要搵尼睇下


[引用] | 作者 henryluk | 17th Sep 2010 10:41 AM | [舉報垃圾留言]

有興趣就搵嚟睇下啦!

[引用版主回覆] | 作者 麥DON鴻 | 2nd Oct 2010 23:16 PM

[67]

鸿爺可以放生果日報個訪問在sblog就好啦!!


[引用] | 作者 Matthew Tse | 16th Sep 2010 13:44 PM | [舉報垃圾留言]

嗰張照妖圖算把啦!呵呵!!!

[引用版主回覆] | 作者 麥DON鴻 | 2nd Oct 2010 23:16 PM

[66]

我估中左喎


[引用] | 作者 Davily | 15th Sep 2010 18:10 PM | [舉報垃圾留言]

勁!!!

[引用版主回覆] | 作者 麥DON鴻 | 2nd Oct 2010 23:17 PM

[65]

我以為會有"蠱"TIM~

tickliu
[引用] | 作者 tickliu | 15th Sep 2010 17:03 PM | [舉報垃圾留言]

"蠱"我麻麻架咋!

[引用版主回覆] | 作者 麥DON鴻 | 2nd Oct 2010 23:18 PM

[64]

有好多都未睇過,希望下次返香港可以買返嚟睇啦!


[引用] | 作者 Milky Lee | 15th Sep 2010 15:12 PM | [舉報垃圾留言]

有興趣就搵嚟睇下啦!

[引用版主回覆] | 作者 麥DON鴻 | 2nd Oct 2010 23:18 PM

[63]

點解冇買兇拍人??
我超鍾意


[引用] | 作者 Dicky Tse | 15th Sep 2010 10:38 AM | [舉報垃圾留言]

"買兇拍人"好睇,但未到好LIKE囉!!!

[引用版主回覆] | 作者 麥DON鴻 | 2nd Oct 2010 23:19 PM

[62]

未睇過呢... x 2


[引用] | 作者 teddy chan | 15th Sep 2010 10:00 AM | [舉報垃圾留言]

有興趣就搵嚟睇下啦!

[引用版主回覆] | 作者 麥DON鴻 | 2nd Oct 2010 23:26 PM

[61]

未睇過呢...


[引用] | 作者 fender | 15th Sep 2010 09:40 AM | [舉報垃圾留言]

有興趣就搵嚟睇下啦!

[引用版主回覆] | 作者 麥DON鴻 | 2nd Oct 2010 23:26 PM

[60]

麥生, 既然已經開估, 咁快d介紹吓啦, 好想睇啊.....


[引用] | 作者 多樂同學 Carmen | 15th Sep 2010 09:33 AM | [舉報垃圾留言]

"魔"就好早已經介紹咗啦!你睇返上面條link啦!

[引用版主回覆] | 作者 麥DON鴻 | 15th Sep 2010 11:00 AM

Next