香港新浪網 MySinaBlog
« 上一篇 | 下一篇 »
麥don鴻 | 28th Aug 2010, 21:00 PM | 絕對雜睇回憶港產片 | (1100 Reads)

今次要介紹一套好多人都當佢係cult片嘅"殺出西營盤"。究竟套戲有幾cult? 大家睇完介紹咪知囉!!!

 

PS: CULT片究竟係解咩! 小弟就唔多作解釋,大家有興趣可以上網search下就知架喇!

 

純藍類似幻燈片式嘅Opening,別具風格,亦睇得出係監製余允抗,繼"凶榜"之後,另一玩單色系之作。"凶榜"就多刺眼螢光綠扮鬼異,"殺出西營盤"就用咗藍色,代表沉鬱孤單去營造殺手悲哀感覺,不過隻藍打燈打到反晒光,睇完成套戲隻眼都有d赤赤地...................

故事一開頭就影東京某處.............一遍藍到反光嘅街道上.................

有一位坂東先生俾人做撚瓜咗.......................唔好睇呢位老臨出場幾秒,就當佢臭四,其實佢係成套戲嘅核心人物,因為故事發展都係因佢嘅死而起,同埋戲中每一個人物都有提住坂東呢個名............所以佢真係好撚重要架!!!

鏡頭一轉,主角高達夫(秦祥林)出場,戲中交代佢係苦力出身,之後靠殺人起家,再成為殺手集團主腦。因為已經唔使點做,所以閒時會撚下形象,扮下亞倫狄龍行下街咁............仲on9到一路俾人偷拍都唔撚知,事實証明高生已經回晒塘嘞!!!

咁多鎗做咩呢?

哦!!!................原來幾個男人圍埋鬥快撚掂自己支炮,戲中交代高達夫呢個殺手集團,只會做海外訂單,專攻外國市場,香港訂單一律唔接,非常有性格。平時就用船務公司個朵做掩飾,手下有4條仔跟佢搵食,包括: 岳嘯(黎漢持)、麥樂(潘震偉)、孟剛友同邵華(湯鎮宗),佢哋同高達夫一樣都係苦力出身,仲好fd添..............佢哋收到風有班過江龍專程嚟香港搵食..............講緊就當然唔係巨棒堂呢類過江龍啦!(棒棒堂呀! sorry囉!!!)

原來頭先偷拍高達夫嘅係邵華,邵華叫高達夫都係操返fit d穩陣,因為俾人偷拍咗都on9到唔撚知,真係下次死咗都唔知咩事!? 戲中交代坂東單嘢係高達夫集團所做,坂東仲係邵華所殺添,不過佢連個日本婆都殺埋,就令高生唔多高興喇!!!

 

 

 

高達夫所有job,都係由一個叫雄琴(焦姣)嘅女人做中間人幫佢接,今次又有單筍嘢想叫高達夫做,就係殺華興集團其中兩個大老細丁守一(劉兆銘)同蔡逸東(關海山),不過高生一聽到係香港訂單,即刻就話唔"諗"做,又話個客唔知佢規矩云云,連雄琴都忍唔住話佢唔"諗"化...............

戲中交代雄琴同高達夫,關係係有d不尋常,不過又無好詳細交代,而雄琴身份亦只係喺一幕落口供劇情中,由d差人講兩句帶出。雖然無深刻抽寫,不過觀眾亦能從短短幾句說話中,知道雄琴一d過去............例如佢有絕症同做過舞女等等.................

一睇到係香港訂單,高達夫即時擺出一副臭臉,非常唔專業.........呢d咁嘅工作態度,大家就咪"諗"學喇!!!

一話唔做,唔夠一個鐘就即刻有人要買起佢,睇下高生個回塘樣,就知對手有幾勁? 究竟有幾勁呢? d對手行得好撚快架!!! 想知有幾快? 睇碟啦!!!

一句唔做,換嚟冚家剷..............當晚高達夫4個兄弟全部釘蓋,各人死法層出不窮,別開生面............究竟佢哋係點死嘅呢?

高達夫好彩死唔去,不過佢知呢件事,一定關華興集團事,所以就搵俾佢更早回塘嘅老叔父九叔,叫佢幫手約丁守一同蔡逸東出嚟傾傾................戲中交代華興集團有4個老細,就係賀長江、谷山、丁守一同蔡逸東,究竟4個老細之中,邊個同高達夫咁大仇口,一講唔做就冚家剷咁絕呢?

 

鍾sir(岳華)一直都有查開高達夫,今次冚家剷咁大件事,佢就一定查到底啦! 戲中交代鍾sir表面雖然on撚9咁,同d同事感情又麻麻,上司又唔係好睇佢台戲,不過佢其實好撚聰明...............究竟佢又有幾撚醒呢?

鍾sir喺高達夫個喼度摷完一輪,終於俾佢搵到一張批命紙(戲中交代雄琴係用睇相做掩飾,不過佢識唔識睇相,就真係唔撚知喇!),見到雄琴個大名,就梗係即刻搵佢返嚟協助調查一下啦!!!

鏡頭一轉,高達夫終於見到丁守一同蔡逸東,不過佢哋聽到高生話有人要買起佢哋,表現得相當唔"諗"信,仲對高生d兄弟竟然可以一夜之間冚家剷,忍唔住露出抵撚佢死嘅笑容..............笑容同菲律賓總統完全一撚樣...............

原來出嚟見面仲有其餘兩位老細賀長江同谷山(詹森),賀長江話佢哋4人感情好到仆街,叫高生唔好喺度講是非篤背脊咁無品。另外,谷山(上圖嗰位)對高生講,如果唔係畀面九叔,佢哋係唔會出嚟見佢,仲有提醒高生,坂東係佢哋大客仔,而家俾佢做瓜咗,條數一定會同佢慢慢計.............佢又點知係高達夫做呢?

俾人潤完一輪,高達夫相當無癮,佢仲覺得件事應該係4個老細其中一個做,高生最懷疑邊個? 梗係頭先潤得佢最勁嗰位啦!!! 不過以上全屬高達夫個人意見,與故事發展係有d出入嘅.............究竟4個之中,邊個先係主腦呢?

鏡頭又一轉,鍾sir個亞頭大粒sir(李修賢),對鍾生查咗19幾年,都查唔到d咩,表現相當不滿...............

雄琴協助調查期間突然玩自殺,因為佢知自己一死,d差人就一世都唔知高達夫d料,嘩!!! 呢招都絕喇! 雖然咁絕..............不過臨釘前都叫下高達夫個名先.............釘蓋!!!

高達夫決定為4位兄弟報仇..............究竟佢買乜春要先俾五千蚊訂呢??? 想知咪睇碟囉!!!

 

 

高達夫經過一輪籌備,決定去華興間造做船廠做低谷山,為死咗嘅兄弟報仇。睇下高生嘅粒六眼神,好似充滿自信win硬咁喎....................

高生估都估唔到,成件事好似一早有人知道咁,之前準備晒嘅嘢,全部俾人拎撚走晒!!! 仲有人早佢一步射死谷山,同射傷賀長江,睇嚟好似有人想擺佢上枱咁喎! 究竟係邊個呢? 睇下高生呢個表情,相信走遲兩步都過得身嘞!!!

負傷嘅高生終於都要返去舊時嗰度...............邊度呀!? 咪就係西營盤囉!!!

高達夫返去自己個故居度養傷,點解會有件女喺度嘅!? 條女叫唐可兒(葉童)同佢亞叔一齊住,高生住大屋期間,就將個故居,租俾佢哋兩位住。高達夫突然受晒傷返嚟,嚇到想準備除衫嘅可兒O晒咀................

亞頭大粒sir見鍾sir查極高達夫都無咩進展,加上雄琴自殺同谷山釘咗,賀長江受傷幾單嘢一齊發生咁大獲,大粒sir決定放鍾生兩星期大假..............

放假期間,鍾sir去探賀長江,賀生同鍾生講唔係高達夫殺佢哋,仲講咗d嘢俾鍾sir知,究竟講咗d咩呢???

高達夫養傷期間,同可兒日對夜對,導致性慾嚴重高漲.............所以決定...............

呀..................呀..............啊呀!!!.............呀..................呀..............

高達夫決定再次操fit自己,再去報仇............吓!!! 咁樣練開鎗? WORK唔WORK架!?

鍾sir終於搵到高達夫個竇.............究竟邊個用遮义佢呢?

鍾sir入到屋,又俾邊個用鎗指住佢呢? 佢又信邊個呢?

 

鍾sir用咗條絕橋引幕後老細出嚟,丁守一亦認晒所有嘢..............吓!!! 咁順攤!??

究竟燒緊d咩呢!?

高達夫臨報仇前一晚,就約可兒打野戰實習一下先,等聽日個人無咁緊張,吓!!! 有關係嘅咩!?

呢幕被往後好多影評人狂插,同唔"諗"明,點解高達夫同可兒搞完嘢,高生要狠心開鎗殺可兒,可兒又點解要含笑而死!? 每個人心目中對呢幕都有唔同睇法,等大家睇完又點評論呢幕喇!!!

 

高達夫襯丁守一跑步期間,攝咗張有齊高生同4位兄弟合照嘅相,相後面就約咗丁守一當晚喺西營盤見面,睇嚟高生已經知道有一位兄弟係假死出賣佢,究竟邊個咁絕要出賣高達夫呢?

丁守一當然唔會單拖見高達夫啦! 佢叫晒全球所有華人殺手齊集西營盤,今晚一定要收高達夫皮.....................

丁守一佢係點死嘅呢?

究竟邊個用鎗指住高達夫?

究竟呢位人兄拖行緊邊個? 呢位人兄又係乜水呢? 咁多點解? 想知就梗係快D搵套戲嚟睇啦!!!

 

 

 

 

 

 

注意: 以下部份內容,只係小弟個人意見,有部份資料喺未經證實,所以只供參考,敬請各位blog友留意!!! 另外,對小弟文筆不滿之BLOG友,不喜可以勿看,但切勿留言作過份抨擊,懇請自律!!!

 

大家睇完介紹,又覺得呢套戲有無資格成為一套cult片,就等大家自行判斷喇!

1982年嘅"殺出西營盤",係香港電影新浪潮時期(1979-83)作品之一,監製係由"山狗"、"凶榜"嘅導演余允抗(相信大家對佢已經唔陌生喇!),夥拍劉鎮偉一齊出任雙監製。至於導演,就由大家而家同樣回晒塘嘅監製唐基明執導。

論成套戲,導演唐基明嘅個人風格就唔多覺眼,反而身為監製嘅余允抗,影像同暴力嘅表達方式就充斥全片,藍鏡拍攝手法,雖然拍出嚟都幾反光,但用意表達殺手嘅孤單沉鬱確實係一個唔錯嘅構思,同"凶榜"嘅刺眼螢光綠更加係如出一徹。故事方面,其實都係嗰d"回塘大佬俾人出賣兄弟死晒為報仇再戰江湖"嘅屎橋,條橋唔新,就唯有玩下其他嘢,例如扮下阿倫狄龍;踩roller殺人;一d砌鎗場面等等.............都係當時港產片中比較少見。全片角色造型明顯花過心思設計,不過有部份嘅殺人場口,就花巧得唔合邏輯,高達夫被殺同尾場復仇大戰,氣氛係有不過就略嫌誇張造作。至於睇慣外語片嘅blog友,可能會覺得某d場口劇情熟口熟面,好似喺邊度出現過咁...........請大家公平d,參考或抄襲邊個無呢? 最重要抄得match,同好唔好睇啫!!! 其實成套戲嘅劇情舖排都算唔錯,雖然有d人物同事件關係交代含糊,只係靠戲中人物,係咁易講幾句就交代咗就算,略嫌有d求其。但整體劇情推進,都算幾緊密,特別係交代成件事邊個先係幕後主謀,真係要到開估嗰刻先至知真正答案,唔使一睇就知個結局係點咁無癮。

"殺出西營盤"雖然未算係上乘佳作,不過套戲都有一定嘅觀賞價值,小弟手上呢隻係美亞版vcd,好似仲有出過dvd,而家市面入手有d難度,因為都絕絕地,有興趣可以睇下d 2手cd舖,可能會有收穫。美亞版係有刪剪嘅,小弟有d fd話我知日版dvd係無刪剪版本.............但我就無睇過,所以就唔知剪咗d咩喇!!!

總括嚟講,小弟就覺得呢套"殺出西營盤",用正宗嘅cult片評審準則,佢就真係唔多似。至於cult片嘅正宗解釋,大家就自行上網search,我就唔扮專家去多作解釋喇! 我就覺得港產片,因為創作同發揮空間細,又要顧票房同賣埠市場,要拍一套唔大路嘅商業片已經難,更何況要拍一d所謂嘅cult片呢? 再者cult片唔等於套戲一定好睇,我真係唔明點解會有人加已鼓吹,係咪人哋問你like睇咩戲時,你哋答:「我睇開cult片架! 」唔同識睇CULT片就係識睇戲嘅身份象徵?


[7]

原來o向旺角卡門之前,已經有電影用藍鏡來拍..

呢套戲好似曾經o向ATV播過,唔知會唔會再播呢?


[引用] | 作者 Andeon | 2nd Sep 2010 09:03 AM | [舉報垃圾留言]

等電視播?不如自己搵碟嚟睇啦!呵呵!!!

[引用版主回覆] | 作者 麥DON鴻 | 2nd Oct 2010 23:39 PM

[6]

只記得有葉童露點....


[引用] | 作者 Paul Ip | 1st Sep 2010 10:14 AM | [舉報垃圾留言]

其實葉童喺"烈火青春"嗰陣已經露咗點架喇!

[引用版主回覆] | 作者 麥DON鴻 | 2nd Oct 2010 23:40 PM

[5]

呢套戲被當成cult片可能因為懸懸地既結局。

don兄打唔打算post返“臨釘蓋前要睇既32套戲”?我鍾意呢個post :)


[引用] | 作者 Liew | 31st Aug 2010 19:42 PM | [舉報垃圾留言]

個POST喺YBLOG嗰邊呀!有興趣就過去睇返啦!

[引用版主回覆] | 作者 麥DON鴻 | 2nd Oct 2010 23:42 PM

[4]

小弟覺得cult片要係主題上有一定嘅執著, 套戲低成本唔緊要, 最緊要係而呢種執著係貫徹全片.

講完都唔知自己up乜7.


[引用] | 作者 Louis Lin | 31st Aug 2010 08:42 AM | [舉報垃圾留言]

每個人對CULT片都總有一個睇法,但港產片始終較難定位咩係CULT片嘅

[引用版主回覆] | 作者 麥DON鴻 | 2nd Oct 2010 23:44 PM

[3]

I watched this movie before but totally forget what it is about.

Don't know why but I don't like 秦祥林, his facial expression is always the same.


[引用] | 作者 Milky Lee | 30th Aug 2010 16:03 PM | [舉報垃圾留言]

秦祥林做戲不嬲都無咩表情架啦!呵呵!!!

[引用版主回覆] | 作者 麥DON鴻 | 2nd Oct 2010 23:45 PM

[2]

講真 ~~ 西營盤還沒有去過!


[引用] | 作者 Matthew Tse | 30th Aug 2010 12:29 PM | [舉報垃圾留言]

我都未去過.......呵呵!!!

[引用版主回覆] | 作者 麥DON鴻 | 2nd Oct 2010 23:45 PM

[1]

突然無喇喇殺可兒咁..得意..!?@@


[引用] | 作者 wythe li | 28th Aug 2010 22:15 PM | [舉報垃圾留言]

可能呢D先叫CULT......呵呵!!!

[引用版主回覆] | 作者 麥DON鴻 | 2nd Oct 2010 23:46 PM