香港新浪網 MySinaBlog
« 上一篇 | 下一篇 »
麥don鴻 | 28th Aug 2010, 19:58 PM | 史老闆把鬼推介 | (474 Reads)

上回講到..........請睇返"史老闆把鬼推介 - 車魂(1-3) "

 


上集講到亞麥終於都釘蓋,文迪同KITTY食食下早餐,就收到差館電話叫佢哋即刻嚟殮房認屍幫助消化...............

KITTY見到亞麥瞓18號箱,就即時靈機一觸,話想睇下22號箱會唔會見到文迪瞓喺入面,於是就問下殮房先生究竟22號箱入面有無饀?

殮房先生:「有人...............不過條屍個樣好似妳老公」

奶媽見KITTY為咗擔心呢件事擔心到縮奶,所以就提議打四姑人情牌,睇下可唔可以零蚊就請到靈仙捉鬼之餘,仲有D免費符水飲下...............

呢位就係靈仙嘞!!! 佢一睇文迪個時晨八宇就知.................出事喇!!!

相信有睇開舊港產片嘅朋友,對呢位專做老雞、有錢闊太、怨婦同姣婆角色嘅方萍,應該唔會感到陌生,今次佢破格飾演神婆都算"耳目一新"嘅..................

仲提醒KITTY小心文迪過唔到22號,亦即係聽日..................KITTY聽完之後即時驚到O嘴,不過靈仙話幽冥小青幾勁下,本來都唔想幫拖,但俾KITTY煩多佢兩嘢............就無奈應承話聽日去佢屋企睇下.....................

鏡頭一轉,就影文迪飲完酒返嚟,奶媽就話要校水俾佢沖涼..................其實呢段戲之前,有交代文迪被鬼車追殺一幕,不過太無九聊,所以就唔介紹嘞!!!

文迪沖涼前先小過便.................點知低頭一望就見到...................

小青瞓咗浴缸度嚇九人,嚇到文迪即時9秒9走撚咗.......................

第二朝,奶媽問文迪架車點解會喺車房? 問文迪有無揸過車出去? 文迪答無之後............就突然覺得好邪咁要燒架車................呢度真係唔知佢想講乜撚,架車無揸過出街就梗係喺車房啦!!! 唔通會喺廚房咩! 真係完全搵戲嚟做................

靈仙一見到文迪想燒架車,就叫佢停手唔準燒,話如果燒咗就會益咗佢,到時幽冥小青就可以24小時不眠不休咁周圍殺人,之後靈仙貼住張符,暫時將佢鎮住先...................

叫KITTY同文迪小心今晚天狗食月,因為佢哋隨時會冚家剷......................

到咗夜晚,靈仙話因為幽冥小青都幾勁下,話自己法力其實同TVB一樣都係有限公司,如果今晚同時有人幫幽冥小青超渡,佢就唔可以有十足把握收到小青。所以希望KITTY要喺12點前將碗黑狗血淋喺小青條屍身上,等佢個靈魂上咗仙奴身之後再收佢...................

靈仙亦喺文迪間房擺晒陣,叫佢就算扯旗都唔好離開間房.................

跟住靈仙就叫仙奴玩狗仔式趴低俾佢畫符,然後叫仙奴專心唸催魂大法.................喺女性身體全裸畫符呢招,其實都唔係D咩新嘢。好多套港產片,如: "邪"、"神探光頭妹"同"蜈蚣咒"............呢幾套分別喺80-82年間出現嘅電影都已經用過晒,83年出世嘅"車魂"當然可以有板參考啦!!!

究竟KITTY會唔會成功淋到幽冥小青黑狗血呢?

KITTY去殮房想淋小青黑狗血,點知小青條屍突然伸隻手出嚟嚇九KITTY,搞到KITTY倒瀉晒D黑狗血...............

靈仙:「哎吔................仆街................"乃"嘢!!!」

靈仙個完美捉鬼計劃如下: 先叫KITTY喺夜晚12點前淋小青黑狗血,之後佢就將小青個靈魂引去仙奴身上,然後再將小青打落9層地獄...............不過KITTY第一步已經失手,即係乜撚都唔使做................收工!!!

KITTY:「我屌妳老母個化化.............恰九我................嚇鬼呀........... 嚇鬼呀!」

KITTY嚇到失手之後,搞到成身都黑狗血,之後殮房D死屍,好似食咗復活蛋咁全部醒晒,仲想郁KITTY添.................不過KITTY都俾佢哋每人一個深情"抱抱",佢呢個"抱抱"一定勁過瑤瑤嗰個,因為佢成身都係黑狗血,呢個"抱抱"梗係連鬼都驚啦!!!

另一方面,阻街頭亦同時搵人幫小青超渡..............

仲燒架勞斯萊斯俾小青等佢可以周圍去..................

小青有車出入,梗係即時嚟"探下"文迪一家人啦!!!

靈仙:「哎吔................再仆街................又"乃"嘢!!!」

靈仙咁勁,梗係FEEL到小青已經嚟咗啦,所以佢叫仙奴要守住個壇,就算見到林峯扯旗都唔好行開,有咩事就用棺材釘釘夠死佢...............佢自己就上樓睇下文迪有無事.................

仙奴因咩事咁驚? 唔係因為見到林峯扯旗...............係因為...................

幽冥文迪小青:「可唔可以俾我揸下妳對竹筍波呀....................哈哈哈!!!」

幽冥小青上咗文迪身之後,先殺仙奴仲想殺埋奶媽,好在靈仙憑自己副尊容及時擊退小青,奶媽先無事................

KITTY憑"驅魔抱抱"成功由殮房走返出嚟,一返到屋企佢就見到文迪被小青"入舍",仲想俾個"抱抱"文迪..................

靈仙:「八婆...............妳個身而家有黑狗血架! 唔該妳咪撚周圍攬.............D黑狗血好貴架..................仆街!!!」

文迪走咗出屋外面,靈仙即時起.............壇............SORRY! 係起好撚多十字架將幽冥文迪包圍,KITTY見到文迪咁慘,竟然整跌D十字架放佢走.................

不過靈仙再起十字架,今次呢個十字架成棵樹咁高.................其實靈仙係修乜撚嘢教架!?

幽冥文迪見到咁多十字架已經驚到噴水,仲要喺呢個時候俾KITTY嚟個"抱抱",真係小青幾撚勁都死實啦!!!

靈仙見小青而家個勢咁弱,亦即時將文迪釘喺十字架上...............

靈仙要將幽冥文迪小青燒死,叫KITTY咪阻撚住晒...................

幽冥文迪小青就咁樣燒死咗..................劇終!!!

 

 

 

 

 

注意: 以下部份內容,只係小弟個人意見,有部份資料喺未經證實,所以只供參考,敬請各位blog友留意!!! 另外,對小弟文筆不滿之BLOG友,不喜可以勿看,但切勿留言作過份抨擊,懇請自律!!!

 

相信大家睇完介紹之後,對呢套戲以前存有嘅恐懼都會消失架喇!!! 因為呢套"車魂"細過睇就驚啫! 而家睇返真係覺得又多反駁同唔合情理,好唔好睇真係見仁見智................不過呢套戲雲集當時3位人氣演員艾迪、魏秋樺同鄭則仕做號召,再加"驅魔人"式細路女惡靈角色同劇情,可以講對當時都應該有一定吸引力。仲有套戲其實都幾貪心,因為套戲集合咗"溫情搞笑驚懼裸露同無厘頭劇情",可以講套戲其實都幾爛下,所以小弟對呢套戲其實真係一般過一般,如果唔係好多BLOG友想睇,相信我一世都唔會介紹呢套戲。

另外,"車魂"呢套戲係無出過VCD同DVD,所以大家想買嚟"欣賞"下,其實都有D難度,不過網上都有好多途徑,可以睇返呢套戲,大家有興趣都可以去搵下嘅.............. 


[2]

本身頭幾2PART我都覺得OK.但係死人個結局我真係睇到O左咀.btw,o的劇情介紹一樣超級過癮.支持!


[引用] | 作者 Siu Hang Lau | 4th Sep 2010 14:02 PM | [舉報垃圾留言]

[1]

多謝麥sir....期望你有更多猛鬼介紹...


[引用] | 作者 Ming Leung | 30th Aug 2010 12:00 PM | [舉報垃圾留言]