香港新浪網 MySinaBlog
« 上一篇 | 下一篇 »
麥don鴻 | 22nd Aug 2010, 23:30 PM | 史老闆把鬼推介 | (341 Reads)

上回講到..........請睇返"史老闆把鬼推介 - 車魂(1) "

 

 

KITTY事發之後,擔心到連經都爭D停埋,搞到成晚瞓唔著,一早睇晨早新聞,見到報導小青俾車撞死單新聞時,KITTY塊面登時青過青檸,文迪見佢咁擔心,就叫佢咪撚再睇.................費事越望越................傷心...................

鏡頭一轉,就影住阻街頭拜祭緊小青,由於小老母(小青老母簡稱)傷心過度企唔穩,所以所有打齋、破地獄、燒金銀同扮紙人嘅一齊事宜,全部由阻街頭一丁友DO晒。

其實最可憐應該係阻街頭,本來一心同小青做對肥夫幼妻,點知佢話釘就釘,真係未洞房先過身.................跟住阻街頭仲一路燒金銀,一路對住小青張死人相傾心事,仲對小青講會好好照顧小老母,叫佢唔使擔心安心上路,頭七返嚟唔使買守信。

嘩!!! 睇下小青幾撚感動...............不過嗰兩粒"眼淚"有無大粒D呀!!!

鏡頭一轉,就影住文迪個工人陳伯洗緊車,文迪同陳伯講趕時間要用車唔使洗喇! 不過陳伯就叫文迪唔好揸車撘的士好喇!!!

其實之前鏡頭已經交代過陳伯洗車期間,見個車頭不停滴血,仲同KITTY講架車好邪下,所以陳伯已經好撚醒用柳枝洗車,諗住可以驅到鬼,點知..................

文迪走咗之後,突然個車頭不停冒煙,跟住陳伯就鬼上身自己掌自己咀,話自己衰多口兼口臭.............

鏡頭又一轉,講亞麥自己一個喺公司OT緊,突然右手邊架玩具車向個公仔撞埋去........................

嘩!!! 呢個咪係小青嘅七孔流血公仔造型限量版...............使唔使咁驚呀!!!

亞麥驚魂未定,突然見到門出面發撚晒青光,好奇睇下出面做乜撚嘢....................

點知見到出面有一大班細路喺度玩緊,D細路保守估計可能仲多過保良局...............當亞麥驚到就嚟噴水之際,突然俾一個仲未去嘅工友拍一拍,登時醒撚晒,原來頭先發生嘅所有嘢,全部都係幻覺嚟.....................幻覺咋! 幻覺咋!

鏡頭又一轉,又影住架死人車,SORRY............係一架撞死過人嘅車

陳伯離奇地黑晚晚喺架車前面修緊花..................突然間....................

架車直衝撞低陳伯,陳伯登時嗌晒救命擾人清夢.....................呀! 好撚痛呀!!!

陳伯見人齊就同佢哋講,話佢俾架車撞到,文迪就話架車都無開點撚樣撞佢!? 搞到陳伯即時DEAD撚晒AIR.....................

KITTY又心虛發惡夢掙醒,文迪見佢咁撚煩,就話不如聽日約埋亞麥同亞天一齊4P去荒山野嶺玩..........................KITTY一聽見有仔陪即時靜Q晒!

第二日,4條友EAT完嘢,亞天本來諗住去爬望夫山,不過驚KITTY頂唔順,所以話唔去,跟住KITTY見到有個細路仔行過,就話不如去車公廟,搞到其餘3人心底裡狂講小老母.................

去到車公廟當然就係去求簽啦!!! 不過個解簽佬就話解咗19幾年簽,都未撚見過咁邪..................咩咁邪!?

就係兇煞..............何謂兇煞!? 即係解家破人亡,唔使幫忙................

各位BLOG友請記實佢哋嘅簽號,因為係非常重要嘅....................

解簽佬話呢3個簽號,喺呢個月內會對佢哋3位相沖相克,再加上呢個月係陰月,幾樣材料加埋就會變成...................

兇兆.................不過同西片"凶兆"係無關係嘅.................

KITTY見個解簽佬咁多口水,正想問下有咩辦法可以解決冚家剷時,個解簽佬即時閂閘,話天機不可洩露,如果唔係就細佬俾仔逗咁話。

鏡頭一轉,又見到陳伯喇!!! 佢又做正常人唔會做嘅嘢.............繼上次夜晚晚剪草之後,今次又創先河,就係隔住件衫用柳枝狂打自己身體,仲話咩: 我有柳枝在手,妖魔鬼怪都低頭................句嘢都幾串下

就係句嘢咁串,幽冥小青就上咗陳伯身,仲串佢做人無撚用,同埋多管閒事所以成日發惡夢.................

突然間,陳伯見到有張10蚊紙.................

陳伯見到張10蚊紙,好似撲蝶咁跳跳下想拎咗佢..................

點知陳伯興奮得滯,竟然成個人撞咗埋D櫃度,仲整跌上面樽漒水,陳伯登時以漒水洗面即時釘蓋,佢本來係瞓喺地下死嘅.....................

不過當奶媽去搵陳伯時,陳伯竟然唔知幾時彈返起身,變咗死喺門後面...............真係唔使講多嘢! 呢D咪叫恐怖囉!!!

陳伯釘咗,作為老細嘅KITTY,都幫陳伯打堂齋超渡下佢,不過齋堂四姑話隻嘢勁猛,可能會係心事未了所致,所以要用心魔大法先可以趕隻嘢走..................四姑講到心魔大法咁誇叻,奶媽就叫四姑不如即場玩兩手俾佢同KITTY見識下.................

原來四姑都係得個講字,因為佢自己根本就無料到,不過佢可以叫佢家姐靈仙幫手,靈仙個名咁勁,一聽就知應該同咩碟仙銀仙筆仙狐仙鳳仙同級......................

 

 

 

 

 

 

 

待 續............

 

想知下集劇情發展? 想知咁就要密切留意"史老闆把鬼推介 - 車魂 (3)"

 

PS: 有睇過呢套戲嘅BLOG友,請勿爆響口講晒D內容.............多謝合作!!!


[2]

再睇多次個兩粒眼淚, 都仲係眼都凸埋 :D


[引用] | 作者 wythe li | 27th Aug 2010 19:05 PM | [舉報垃圾留言]

真係經典.....呵呵!!!

[引用版主回覆] | 作者 麥DON鴻 | 28th Aug 2010 19:34 PM

[1]

那兩滴眼淚真是......


[引用] | 作者 Calvin Chiang | 23rd Aug 2010 23:21 PM | [舉報垃圾留言]

我第一次睇嗰兩粒眼淚真係笑左出嚟!

[引用版主回覆] | 作者 麥DON鴻 | 28th Aug 2010 19:35 PM