香港新浪網 MySinaBlog
« 上一篇 | 下一篇 »
麥don鴻 | 15th Jan 2012, 10:48 AM | 絕對雜睇回憶港產片 | (660 Reads)

上回講到..........請睇返"章國明導演 - 邊緣人(上)"

 

上回講到點解阿潮咁撚驚? 咪就係因為華哥去到石屋度,見到只有阿潮一個人走得甩,覺得佢一定係鬼頭仔................所以一定要做瓜佢.................

華哥:「我今日一定要同你個"扑街"做忌...........」

阿潮:「...............嗚嗚嗚............華哥.................我唔係"扑街"..............係仆街...............呀呀................唔好呀!」

就喺千鈞一髮之際,好在長毛返嚟,救咗阿潮一命,因為之前長毛俾差佬拉時,華哥親眼睇到,而家長毛突然走得甩,華哥就認定佢先係鬼頭仔,所以諗都唔駛諗就一槍做瓜呢個"扑街"。以上精密到咩咁嘅安排,當然就梗係陳sir嘅傑作啦!!!

華哥因殺咗差佬同長毛,所以一定要著草,阿潮仲好有孝心俾水腳華哥,令華哥感動到噴水,仲講如果第日撒旦回歸一定會搵佢....................

因阿潮同亞芳有小誤會(想知咩誤會? 睇戲啦!),令阿潮不得不將臥底呢個秘密,毫無保留赤裸裸咁爆晒俾亞芳知.....................

亞泰去探阿潮,將佢好快脫離臥底生涯,有機會升沙展嘅事,晒撚命話俾阿潮聽.................不過話升就升咩! 亞泰都要做埋最後一單臥底任務先得...................

亞泰:「..............................呀...................呀.....................呀...........................」

亞泰執行任務期間俾一名唔相熟嘅警員從後開槍................打正條尾籠....................

亞泰最後會點呢? 話時話,阿潮塊面點解會傷咗嘅? 想知咪睇碟囉!?

亞芳終於喺simon嗁生日party上同阿潮講分手...................阿潮非常激動,仲狂打simon一鑊(咁做係非常正確)...................

阿潮被simon d fd 制伏..................仲俾亞芳話佢,越嚟越似賊,仲非常入戲,抵佢拎金馬影帝咁話................

以上呢句對白,更加令阿潮對simon恨之入骨...................阿潮會點做呢?

阿潮決定打劫simon間錶行....................仲乘機打到simon"扑晒街".................

阿潮俾陳sir拉返去狂插,陳sir更對阿潮開始有懷疑.................阿潮當然死口唔認,陳sir亦暫時信多佢一鑊。做到呢度,阿潮嘅心態可以話完全變質,連陳sir亦開始對佢有懷疑同唔信任.................

本來陳sir都仲信阿潮,好衰唔衰,一出門口就撞正simon落完口供,simon一見阿潮,就知頭先打劫嗰條仆街就係佢......................所以一於煮撚重阿潮米...................

陳sir對阿潮公報私仇一事非常失望,所以決定將佢革職.....................

亞泰經過長時間狂飲安怡之後,終於都好返,仲行得快過以前....................陳sir仲將阿潮嘅悲慘往事,原味足本咁話晒俾亞泰知.................

以下時間請交俾鍾鎮濤唱出電影主題曲"邊緣人".................刀邊槍邊幾次險.....................

阿潮被革職後一直喺雀館做睇場.......................大家睇下阿潮個樣幾撚頹...................

就喺呢個時候,竟然俾佢撞返佢生命中最重要嘅男人- 華哥,華哥見阿潮霉到出晒菇仔,就決定叫埋佢一齊做單大嘢................不過DO嘢之前,都要帶阿潮去輕鬆下嘅................佢哋會去邊呢?

 

華哥帶阿潮去邊? 咪去叫雞囉!!! 阿潮雖然已經唔係差人,但都唔想再做犯法嘅事,求其做個睇場過埋下半世就算。但華哥預埋佢去打劫,最初阿潮都想拒絕,不過當佢見到華哥用張$1000紙點煙時,覺得佢好撚豪.....................所以決定應承佢.....................

華哥今次要打劫嘅目標,係一個開幾間大排檔,住喺屋邨嘅男人。本來進行打劫期間都好地地,點知個肥佬(粉紅衫)竟然掛住抽人老婆水,阿潮見到咁嘅情況,當然就打佢一鑊啦! 華哥見狀立刻制止,仲叫佢哋要專心打劫,保持專業形象..................

阿潮大肆搜掠期間,事主個仔突然問可唔可以留返$100俾佢?

阿潮問佢要嚟做乜春? 個細路話要嚟交學費,阿潮不防有詐就豪俾佢,跟住個細路又話想去痾屎,阿潮都俾佢去.................點知條細路...............

竟然喺張$100紙度寫"救命打劫同門牌號碼"................然後..................

將張$100掉落街..................聰明得佢...................

差人好快就趕到...............阿潮仲走咗上天台.............避避先..............

本來警方已經拉到華哥同其他人,準備帶佢哋走,點知班邨民覺得d差佬嚟得太快,對佢哋身份極之懷疑,係都唔俾佢哋走...................到呢件事平熄咗。佢哋又覺得打劫就打劫,揸人對波雙重享受就唔撚得,仲一定要打柒頭先個肥佬先安樂......................

原來d差人嚟得咁快,係唔關張$100事,原來阿潮一早通知亞泰拉人。做到呢度,阿潮終於知道以前做嘅事係錯,所以佢想做返d嘢補償返,能唔能夠復職已經係後話,最緊要能夠拉到華哥..................

.................................打佢老母............................

由於樓下d邨民情緒異常高漲,所以亞泰叫阿潮隔一陣先好落去..................

當差人成功帶華哥一班人出邨時,陳sir見班邨民咁群情洶湧,所以就即刻鎖咗門口大閘,等d邨民唔好再追出嚟,佢哋見已經拉晒d賊又無嘢好玩,所以就逐漸散開,亞泰同陳sir都諗住d人散咁少少,就開返閘等阿潮可以走.................點知...............

阿潮聽到d人四散,以為可以走得,所以慢慢行落樓,但佢仲未知道樓下大閘鎖撚咗..............

行到一半,就俾d熱心到爛嘅邨民,一對雷射眼就認出阿潮係外來人,一路盤佢,好在都無事,又過咗骨...............點知...............

$100死仔包:「符叔...........仲有個冚家拎係喺度............打柒佢.................」

阿潮:「............................呀..................................呀........................」

阿潮順利走到落樓下,先知鎖咗閘走唔到,阿潮慘被邨民輪住嚟打.....................

陳sir亞泰聽到阿潮把慘叫呻吟聲,先知"乃"晒野.....................佢哋眼白白睇住阿潮俾D邨民活生生咁打死.................

阿潮喺戲中成日都講:「死要死得轟轟烈烈」一樣都係講過3次,阿潮俾邨民打死一幕,可以講係全套戲嘅高潮所在。章國明寫臥底最終命運,唔係俾d咩大惡人殺死,竟然係一班小市民。其實係隱喻,只要你一做壞人,不論你自願或被迫(或者係臥底),都一定會被人排斥.............

阿潮最後死喺陳sir嘅懷抱中..................

 

 

 

 

 

注意: 以下部份內容,只係小弟個人意見,有部份資料喺未經證實,所以只供參考,敬請各位blog友留意!!! 另外,對小弟文筆不滿之BLOG友,不喜可以勿看,但切勿留言作過份抨擊,懇請自律!!!

"邊緣人 "可以講對往後嘅港產警匪片,加多咗一種臥底模式,因為呢套算係港產第一部,用臥底做主線嘅警匪片,同用較長篇幅去交代臥底處於黑白之間嘅心理鬥爭。章國明寫臥底工作,明顯人性化同有真實感。喺描寫主角背景時,無將主角對做警員嘅心態使命化,主角阿潮只係一個唔定性貪玩愛刺激嘅青少年,佢願意做臥底只係覺得刺激而已。因為主角個心態無使命化嘅關係,所以當主角處於黑道之中,開始變質時,觀眾對佢嘅變化都會覺得合情理,同投入佢戲中嘅心態。

呢套"邊緣人 ",如果你未睇過,又鍾意睇臥底片嘅BLOG友,我會推介俾大家,因為喺故事結構同演員演出都同樣出色,雖然成本唔高,但戲味可以填補不足,係有相當嘅可觀性。唯一美中不足,係戲中經常穿插一d電視味頗重嘅爛gag,呢d係當時電影必有嘅情況,好在都唔算好多,同唔影響故事嘅完整性。由於此vcd已經斷貨多時,所以大家有興趣,可以去一d租碟舖睇睇,可能都會有得租都未定。


[5]

"亞泰經過長時間狂飲安怡之後,終於都好返"
笑死人啦
其实套片个plot好好


[引用] | 作者 Shanghai bunny | 21st Aug 2010 21:42 PM | [舉報垃圾留言]

又係有感而發姐.....呵呵!!!

[引用版主回覆] | 作者 麥DON鴻 | 28th Aug 2010 19:39 PM

[4]

"我今日一定要同你個"扑街"做忌"


[引用] | 作者 Andeon | 21st Aug 2010 16:31 PM | [舉報垃圾留言]

真係扑街...呵呵!!!

[引用版主回覆] | 作者 麥DON鴻 | 28th Aug 2010 19:40 PM

[3]

結局拍得很好呢,很牽動人心。


[引用] | 作者 Calvin Chiang | 20th Aug 2010 12:51 PM | [舉報垃圾留言]

[2]

哇, 個靚仔醒目到...


[引用] | 作者 Louis Lin | 20th Aug 2010 04:13 AM | [舉報垃圾留言]

真係醒目到咩咁!

[引用版主回覆] | 作者 麥DON鴻 | 28th Aug 2010 19:40 PM

[1]

這部影片值得一看。


[引用] | 作者 Matthew Tse | 20th Aug 2010 02:39 AM | [舉報垃圾留言]

YES....值得一睇再睇

[引用版主回覆] | 作者 麥DON鴻 | 28th Aug 2010 19:41 PM