香港新浪網 MySinaBlog
« 上一篇 | 下一篇 »
麥don鴻 | 15th Jan 2012, 10:47 AM | 絕對雜睇回憶港產片 | (747 Reads)

今次要介紹嘅戲,可以講係章國明最重要嘅响朵作品,就係1981年由章國明導演(同時身兼攝影同編劇)嘅"邊緣人",呢套戲可以講係臥底片類型嘅始祖,之前香港嘅警匪片,會有線人角色,但就無明顯有警察臥底呢類身份,到之後有呢類臥底角色出現,都只係輕輕帶過,唔會做主線。但呢套戲入面嘅臥底亞潮,可以講由頭帶到尾,艾廸仲憑呢套戲拎埋第19屆金馬獎最佳男主角添!!!

 

"邊緣人"嘅故事其實幾句就講撚晒,主角阿潮被委派出任臥底工作,混入黑社會了解內部運作,因長期處於黑白之間,阿潮開始混淆黑白之間嘅分界線,導致最後令自己走向不能自拔嘅局面.............

故事講主角阿潮(艾廸),係一個啱啱出學堂嘅警員乙,平時嘅工作真係悶到出水,賊又無得捉,射精仲多過開槍,最大型嘅戶外工作...................就係捉小販。對於未定性又貪玩又愛刺激嘅阿潮嚟講,做賊可能仲有更多嘅發展空間..............所以呢份工明顯唔啱佢,再加上佢因為捉小販問題同直屬主管發生衝突,更令佢有辭職嘅念頭。

落左更嘅阿潮,同而家嘅警員無咩分別,都係溝女抽水同抽水溝女。女友亞芳(馮愛慈)對於阿潮嘅唔定性,無份工做得長,明顯覺得好無安全感...........................

有一日,阿潮嘅直屬上司叫佢去見陳sir(嘉倫),阿潮以為佢亞頭報佢臭串,於是仍就扯行晒對住陳sir講咗一大輪野,點知..................原來陳sir有另外一樣嘢要點佢去做................就係................

陳sir:「見你骨格精奇,一表人才,我有樣筍嘢明益你,做完之後對你升職好大幫助............你諗唔諗做???」

阿潮:「使唔使拋頭露面架!?」

陳sir:「自己睇返上面句對白啦!!!

阿潮:「妖..................即係叫我去做臥底」

聰明嘅阿潮當然知道陳sir講咗一大春野,目的就係叫佢做臥底,雖然阿潮個樣好疑惑咁,但內心對做臥底呢份"新工"就相當之有興趣,因為夠晒刺激.................

阿潮應承陳sir混入黑社會做臥底兩年,陳sir當然都要係咁易解釋做臥底嘅權利同義務啦!

陳sir:「兩年內唔準結婚、唔準生仔、唔準拍拖同唔準溝女..............」

阿潮:「吓!!!.....................咁叫雞................得唔得呀!?」

陳sir:「得................但唔準有感情.....................」

阿潮:「..............YES SIR...............」

陳sir向阿潮介紹另一臥底亞泰,亞泰喺戲中係中間人嘅角色,佢主要係帶阿潮混入黑社會..............

陳sir:「呢條粉條叫亞泰,係自己人嚟,你同佢接頭得架啦!!!」

阿潮:「YES SIR................我使唔使袋住呢張相,到時去問下D古惑仔呀!? 因為我驚到時佢無著制服,我會認佢唔到.................同埋張相個SIZE咁大................係咩相嚟架!?」

陳sir:「車頭..................」

阿潮:「...............」

阿潮為方便自己做臥底工作,所以就對女友同家姐講,自己已經辭撚咗職唔做差人,轉咗去做汽車經紀................

阿潮話咁快就要投入"新工",第一次時間就先去搵亞泰(金興賢),邊個係亞泰? 你哋睇到呢個心口畫咗條龍嘅壯丁,就係亞泰嚟..............不過佢條龍應該唔係紋身,似係自己用箱頭筆畫多d............呵呵!!!

亞泰先帶阿潮同班古惑仔食下飯聯絡下感情先....................

戲中交代亞泰早過阿潮做臥底,喺社團界已經有一定知名度,所以先可以做接頭。另一方面,亞泰講嘢嘅口吻都似足古惑仔,特別係一d佢以為覺得好撚前嘅口頭禪,例如亞泰成日都講一句:「真係簫都俾你吹攣」,呢句對白喺戲中出現咗3次,意思即係「真係俾你吹撚漲」咁解!!!

阿潮專心做臥底期間,同女友亞芳感情開始出問題,亞芳朋友亞麗(劉雅麗)條仔simon對斯文又好脾氣嘅亞芳略有好感.................最後仲飛咗亞麗追亞芳,大家請記住佢係錶行太子爺黎。呢幕本來交代佢地一行四人諗住去遊船行,點知阿潮因為要做嘢唔去得,令亞芳非常不滿,此幕為simon向阿潮自我介紹一番...............

當日已經有行動要去打劫,此為阿潮第一次行動,都算順利................

阿潮諗住將自己打劫返嚟嘅錢,將佢自己個份全部交俾陳sir,點知陳sir話呢d錢法律上係唔承認..............想知點解呀!? 睇戲啦! 阿潮對第一次打劫就咁容易得手,表現得相當興奮。艾廸係呢場戲係想交代俾大家知,佢開始接受黑社會嘅生活方式,慢慢受同化嘅第一步,艾廸亦能夠將個份無奈要同化嘅感覺,帶到俾觀眾...............

阿潮聽亞泰嘅指引,開始混入佢哋日常嘅社交生活當,嫖賭飲吹樣樣做齊。呢幕講佢掛住賭錢,連約咗亞芳睇戲都唔撚記得.................

本來佢哋一行四人係一齊睇戲嘅,點知阿潮無嚟到,simon又同亞麗因小事嘈交,最後只淨simon同亞芳兩個,simon竟然喺呢個時候單溝約亞芳飲drink...................真識把握時間!!!

阿潮同長毛因輸咗好撚多錢,長毛一句話去打劫,阿潮二話不說就應承咗..............最後阿潮雖然被捉到,但被陳sir放番,阿潮仲對多次犯事都可以輕易無事,覺得非常好玩...................

阿潮返回大本營後,即聽到有單大世界要做,阿潮當然要參與啦!!!

呢單大嘢就係打劫解款車,阿潮當然可以順利走得甩,逃去約定石屋集合,呢次任務其實已經將阿潮同一黨嘅人拉晒,只係走甩長毛同華哥...................

阿潮終於逃到石屋,佢究竟咩事驚到面型扭曲呢?

 

 

 

 

 

 

 

待 續............

 

究竟阿潮見到咩咁撚驚呢? 佢以後嘅臥底生涯同下場又會係點呢? 想知咁就要密切留意"章國明導演 - 邊緣人(下)"

 

PS: 有睇過呢套戲嘅BLOG友,請勿爆響口講晒D內容.............多謝合作!!!


[11]

戲名聽過,但就未睇過,聽don鴻兄介紹,好似幾精彩咁... 而家即刻去睇埋下集先!


[引用] | 作者 Andeon | 21st Aug 2010 16:22 PM | [舉報垃圾留言]

GOGOGO

[引用版主回覆] | 作者 麥DON鴻 | 28th Aug 2010 19:21 PM

[10]

個題材唔錯,只係唔知拍得爛唔爛


[引用] | 作者 Lionel Chan | 19th Aug 2010 10:04 AM | [舉報垃圾留言]

睇下咪知囉!!!

[引用版主回覆] | 作者 麥DON鴻 | 28th Aug 2010 19:22 PM

[9]

Actually this sounds pretty interesting wor. I like it.


[引用] | 作者 Jessie | 19th Aug 2010 04:56 AM | [舉報垃圾留言]

呢套正架

[引用版主回覆] | 作者 麥DON鴻 | 28th Aug 2010 19:22 PM

[8] Re: i-Joel
i-Joel :

Milky Lee :
我有聽過呢套戲,但未睇過。有一排艾廸做過好多戲嘅男主角,但之後好似唔見咗咁,請問知唔知其實佢去咗邊?

艾廸已經在台灣落地生根,娶左老婆,開製作公司,對前事不願再提。




80年代中期,艾迪转赴台湾发展,曾演出电影《国父传》等片。1989年,艾迪在台湾拍摄电视剧《猎鹰》,从三层楼高的船上跳到码头的一场戏中,不慎跌断了双腿,从而宣布了演艺事业的结束。
  退出娱乐圈的艾迪后来在当地开了一间BAR,自当老板,店内职员全是清一色的男性,营业对象以女性为主,据传名为卖酒,实则出卖男色。自此以后,艾迪便从娱乐圈中“人间蒸发”,再无任何新闻出现,成了香港影坛的失踪人口。


[引用] | 作者 Shanghai bunny | 18th Aug 2010 21:39 PM | [舉報垃圾留言]

bunny........妳都好清楚下喎!呵呵!!!

[引用版主回覆] | 作者 麥DON鴻 | 28th Aug 2010 19:23 PM

[7]

"同而家嘅警員無咩分別,都係溝女抽水同抽水溝女"


[引用] | 作者 Shanghai bunny | 18th Aug 2010 21:35 PM | [舉報垃圾留言]

純粹有感而發.......呵呵!!!

[引用版主回覆] | 作者 麥DON鴻 | 28th Aug 2010 19:24 PM

[6]

Heard of this moive b4, but never have a chance to watch it.

Thx for sharing.


[引用] | 作者 Wing C | 18th Aug 2010 18:07 PM | [舉報垃圾留言]

多謝支持!!!

[引用版主回覆] | 作者 麥DON鴻 | 28th Aug 2010 19:24 PM

[5] Re: Milky Lee
Milky Lee :
我有聽過呢套戲,但未睇過。有一排艾廸做過好多戲嘅男主角,但之後好似唔見咗咁,請問知唔知其實佢去咗邊?

艾廸已經在台灣落地生根,娶左老婆,開製作公司,對前事不願再提。


[引用] | 作者 i-Joel | 17th Aug 2010 09:16 AM | [舉報垃圾留言]

有D咁嘅事!?

[引用版主回覆] | 作者 麥DON鴻 | 28th Aug 2010 19:25 PM

[4]

長毛個做形正到呢!


[引用] | 作者 Louis Lin | 17th Aug 2010 04:16 AM | [舉報垃圾留言]

不過同蛇佬仲爭好遠.....呵呵!!!

[引用版主回覆] | 作者 麥DON鴻 | 28th Aug 2010 19:26 PM

[3]

我覺得寫臥底做了臥底後開始受同化的心理掙扎這部份很有創意,比普通非黑即白的劇本有創意多了。


[引用] | 作者 Calvin Chiang | 16th Aug 2010 20:43 PM | [舉報垃圾留言]

章國明"點指兵兵"同"邊緣人",入面嘅角色都係現實同生活化,所以就算係對臥底嘅描寫,都比較立體同人性化,絕對唔會非黑則白咁平面。

[引用版主回覆] | 作者 麥DON鴻 | 28th Aug 2010 19:29 PM

[2]

我有聽過呢套戲,但未睇過。有一排艾廸做過好多戲嘅男主角,但之後好似唔見咗咁,請問知唔知其實佢去咗邊?


[引用] | 作者 Milky Lee | 15th Aug 2010 21:47 PM | [舉報垃圾留言]

我都唔知!?

[引用版主回覆] | 作者 麥DON鴻 | 28th Aug 2010 19:29 PM

Next