香港新浪網 MySinaBlog
« 上一篇 | 下一篇 »
麥don鴻 | 12th Aug 2010, 00:28 AM | 絕對雜睇回憶港產片 | (1186 Reads)

今次要介紹係導演桂治洪,喺1974年嘅電影"鬼眼",究竟呢套同西片"鬼眼 (The Sixth Sense)"同名嘅戲,內容又會講d咩呢? 大家睇落去就知架喇!!!


Opening不停影住一個對眼會好似D閃燈乳豬咁,對眼不停發青光嘅骷髏頭骨,氣氛營造都算幾鬼異嘅............

故事發生喺一間就嚟收舖嘅"上海beauty salon"入面..............

雖然就嚟收舖,不過都仲有客到,呢位靚仔入嚟指明唔理髮,只係玩修甲............老細見佢擺明阻撚住收工,已經唔多happy,仲要做埋d修甲普通嘢,所以就叫5號仔曼姐(夏萍)做埋佢先收得工.................

呢段戲有一個鏡頭,交代呢位靚仔,一行過左右兩邊鏡時,只有一邊有影,跟住就交代呢位靚仔好驚要坐返單鏡位,究竟點解會咁!? 套戲中段會解釋嘅............

點知曼姐話要趕住返屋企幫老公出火,希望同事王寶玲(陳思佳)可以幫下手,啃呢個客佢............

寶玲姐唔係唔接,不過都要睇下個客靚唔靚仔先接..................

叮(眼神閃爍中)...................少年雷宇揚................一雙電眼電到妳噴水................

寶鈴見呢個客咁靚仔,當然遲收工都無撚所謂啦!!! 呢個客口中不停哼住"不了情"首曲,寶鈴姐聽到都引唔住拋咗句: 首歌以前好興架(即係話而家out到出水咁解),寶鈴姐一見靚仔就口若懸河,連自己來自Macau同一個人住嘅秘密都爆晒俾人聽,不過佢都好保守仲未講三圍size俾佢知...............

寶鈴終於都搞掂靚仔可以收得工,不過一出門口就唔小心整撚爛咗副眼鏡,咁啱靚仔路過見到,佢同寶玲講自己係開眼鏡舖,姓史(屎)叫仲傑.............話戴眼鏡好撚麻煩,不如試下戴con,仲sell一副高清con,稱戴咗之後,睇嘅嘢比其他con高出百九幾倍之多,如果寶鈴姐有興趣仲有折添....................佢聽到有折當堂醒晒..............考慮中...........

史老闆(思維)講咗地址俾寶鈴知,叫寶鈴聽晚去搵佢,本來約即晚,不過寶鈴姐有約,所以就推咗改聽晚...............玲姐約咗邊個咁撚緊張呢???

原來寶鈴姐約咗自己條仔亞平,亞平因為買書遲到咗成粒鐘,寶鈴姐就即時要食全場最貴嘅神戶牛柳消消氣................真係識食!!!

戲中交代亞平好like睇d神怪恐怖小說,同唔相信現實中有鬼嘅存在。不過現實中其實真係有鬼,唔使陰陽眼牛眼淚開眼都一定見到嘅..............就係窮鬼..................妖!!! 爛gag....................

第二晚收工,寶鈴姐即刻就飛奔搵史老闆配con..............雖然寶玲姐有懷疑過點解咁大間舖會一個伙計都無..................不過貪小便宜緊要,所以就再懷疑都無問喇!!! 戲中交代史老闆係無收過寶玲錢,全套服務免收代支之餘仲要係免費...................有無咁撚著數呀!!!

隔咗幾晚之後,史老闆突然上門搵寶鈴,話路過順便探下佢,寶玲姐對史老闆講,話自己戴咗con之後,對眼成日標水好唔舒服...............史老闆見佢咁講即時同佢檢查一下..............

史老闆: 「Testing...........................Look at my eyes......................Look at my eyes..............」

經過一輪檢查............唔係唔係...................經過一輪全身檢查之後..................

寶玲姐一照鏡..................驚覺自己塊面當堂瘦咗d,開始諗緊扑野瘦身呢條橋可能真係work..................麥DON鴻誠意推薦

雖然俾史老闆全身檢查過,不過見慣世面嘅寶玲姐,未因為俾人插幾插就情緒低落,仲照常返工搵真銀。之前史老闆應承過幾日送副con俾寶玲姐,今日終於送到salon,寶玲姐未因為史老闆抽過佢水而唔戴副con,仲即刻戴添.............一戴即刻開咗3個高清台.................3個頻道包括....................

第一台: 見返死咗成年嘅舊同事................聚舊一流!!!

第二台: 親歷山泥傾斜現場,勇救死人.............親身經歷死亡威脅

第三台: 見到其他同事睇唔到嘅生客,個人生意額急升,收入絕對無法估計.............

雖然3個高清台係免費,但未必人人都想睇..............包括寶玲姐,加上史老闆成日搵佢全身檢查,成日俾佢抽水...............真係抽到咩水都乾晒!!! 所以寶玲姐決定去史老闆間舖,搵佢講數..................點知有位街坊亞姐同寶玲講,呢間眼鏡舖因3年前失火,老闆被活生生燒死,死狀非常恐怖,眼珠燒到爆咗出嚟.............同埋因為呢位老闆無親人無朋友,班街坊好心將佢葬咗喺和合石..........................位老闆邊位呀!!! 死得好撚慘下喎..............就係死日同寶鈴姐玩全身檢查嗰位....................E

寶玲姐一聽到d街坊話已經葬咗史老闆去和合石,佢即刻入去走轉,點知真係見到史生張相.............寶玲姐一返屋企就即刻除CON,以為可以即時close 3個高清台,點知發覺對con除極都除唔到,即刻打俾亞平求救..................

亞平搵到佢老死...............扮懶晒眼科權威嘅林醫生幫寶玲姐check下,一check就check到寶玲根本無戴con,只係心理作用以為戴咗,同埋check到佢d近視已經完全好返晒..............可以講根本無近視,做咩要戴con,又唔係戴大眼仔..............呢位林醫生對寶玲姐成日疑神疑鬼好煩厭,仲對亞平講寶玲10成係黐諗線,叫佢小心d....................

隔咗幾日................史老闆又突然出現,同寶玲姐講唔諗使諗住除con,因為副con已經入晒骨,仲已經成為佢身體嘅一部份,恭喜佢無晒d近視之餘,以後又唔使煩除con.....................史生當然又乘機同寶玲姐做過例行嘅全身檢查啦!!!

呢段戲史老闆親口講出,點解要成日同佢全身檢查,理由真係有d求其到聽完都想講鹵味雞。就係話因為寶玲姐貪小便宜戴免費con,其他人都無佢咁貪心...............所以就搞佢喇..............#%$$XYZ

今次史老闆同寶玲全身檢查完之後,就同佢講呢次係最後一次,以後都唔再同佢check..............不過就要寶玲定時定侯,搵d新女俾佢檢查..................如果唔係寶玲姐就會................

史老闆:「如果妳唔搵d新女嚟...............3日內妳就會死.............就會死.............就會死.............就會死.............就會死.............就會死.............就會死.............就會死.............就會死.............就會死.............就會死.............就會死.............就會死.............就會死.............就會死.............就會死.............就會死.............就會死.............就會死.............就會死!!!」

麥DON鴻: 「屌....................夠啦.....................STOP!!!」

史老闆:「我話晒都唔係人..............俾下面好喎!!!」

俾史老闆咁凶法.................寶玲姐就係驚啦! 所以佢先後就呃咗salon其中兩位女同事,話有位新仔要介紹佢哋識,然後呃佢哋去俾史老闆全身檢查.............因為寶玲姐有戴史老闆副con嘅關係,好易就受史老闆催眠,但其他女都無戴呢副獨家con.................就梗係唔受史老闆催眠啦!!! 唔受控制嘅通通都要死,警方查到失蹤嗰兩條女,都係喺呢間salon做,所以就梗係要落下口供先啦!!!

戲中無交代副con點解咁勁,要戴咗先可以被史老闆催眠到,不過如果大家加d想像力諗下,如果副con可能係史老闆嘅眼珠、眼角膜、瞳孔、眼屎等等...............就可能講得通嘅..................可能咋!!!

寶玲姐驚D差佬總有一日會查到件事同佢有關,所以就搵亞平出嚟,將佢同史老闆嘅事,自動波咁爆晒俾亞平聽,寶玲姐仲將俾史老闆全身檢查過嘅事都講埋出嚟..............不過字眼上就改咗少少,用咗非禮..............即係仲未插過.............係咁易用手指插插下嗰種...............如果講俾鬼插就一定嚇撚死亞平啦!!!

亞平知道晒成件事之後,決定同寶玲去嗰間屋度睇下有咩發現,點知亞平就喺張床褥下面見到好多女乾屍....................相信史老闆真係唔係人,決定叫寶玲當晚再引佢出嚟,迫史生現真身.............嘩!!! 亞平好勁喎!!! 佢究竟有咩辦法呢?

亞平教寶玲只要用兩邊鏡同時照史老闆,咁佢一定現真身,到時先再收佢皮..............條橋好似幾work下,邊個教嘅呢!?...................就係佢平時睇開嘅恐怖小說................嘩!!! 得唔撚得架!!!

用兩塊鏡同時照呢條真係work,真係照到史老闆真身,本來史老闆想再同寶玲全身檢查,好在亞平及時拎個十字架出嚟,不過史生原來唔驚十字架.................兩人糾纏期間轆咗落樓梯,亞平爭d釘蓋,好在混亂間亞平喺人哋門口地主拎咗扎香,成功趕走史老闆.................點解會怕香唔怕十字架,因為史老闆係俾火燒死,所以特別怕煙火.................都算講得通啦!!!

經鄰居介紹去搵呢個道士,呢位道士雖然口水多過海嘯,懶多理論無句真咁................不過佢講史老闆係被吸血鬼,付屍上咗身,然後再用採陰補陽嘅方式去吸人血,嚟延長自己嘅壽命..............講到呢點寶玲同亞平即時覺得佢真係有料到..................即時請佢返屋企作法驅魔..................希望以後唔使再俾鬼插!!!

究竟邊個殺咗人? 死咗嘅又係邊個呢?

個背脊咁似亞平嘅..............亞平點死架......................想知? 咪睇碟囉!!!

因寶玲親眼睇住亞平點死,所以成個人down晒,好在喺街度見返曼姐,曼姐本來招呼寶玲去佢屋企住,不過佢老公同奶奶就非常唔高興.................曼姐就決定帶寶玲去佢姨婆度住住先,仲叫寶玲慢慢休養,仲介紹份新工俾寶玲,等佢重新過新生活................本來一齊都好地地................史老闆亦有一輪無搵寶玲..................點知..................

咪住!!! 唔係話寶玲唔幫史老闆搵女,3日內會死咩!!! 套戲入面都好似交代過咗唔止3日啦.................寶玲都仲未死?有無搞撚錯...................睇戲就唔好駁戲,寶玲姐咁快死仲邊有戲做呀!?

姨婆(陳立品)同亞秀係一齊住嘅,呢晚亞秀夜返,返屋企途中feel到有嘢跟住佢尾,佢返去一同姨婆講,姨婆就一口咬定佢唔係人..............係鬼!!! 講完嚇到亞秀標水..............戲中交代姨婆雖然係盲,不過收風(收陰風),仲準過地下天文台...................勁!!!

相信大家都知邊條仆街全身陰氣喇...............史老闆終於搵到上門...................

史老闆:「仆街!?................yes i am.................我要同妳一齊住嗰條女全身檢查一下,同我扑個時間啦!!! 唔該寶玲姐.....................」

寶玲姐梗係唔會再聽史老闆支笛啦!!! 突然醒起亞平用香趕走史生呢件事,相信只有用香先能夠治到佢.................所以寶玲姐決定豪盡佢一生積蓄去買香....................

寶玲:「嘩!!! 老細............你呢度乜撚嘢地方嚟...............咁撚多香嘅!!!」

老細:「妖...................香港就梗係多香啦..................on9」

亞秀一返到屋企,見到寶玲擺晒香陣,就問寶玲咩事,寶玲姐就將今晚有鬼想插佢嘅事話過佢知,如果唔想俾鬼插就一定要幫拖........................

我係史老闆呀..................呀...................呀...........................認唔認得我對眼呀!!!

 

 

想知仆街史老闆最後下場係點? 就梗係睇碟啦!!!

 

 

 

 

 

注意: 以下部份內容,只係小弟個人意見,有部份資料喺未經證實,所以只供參考,敬請各位blog友留意!!! 另外,對小弟文筆不滿之BLOG友,不喜可以勿看,但切勿留言作過份抨擊,懇請自律!!!

 

戲就睇完.............應該同大家原先諗,可能會好撚恐怖嘅劇情會有d出入。雖然套戲用而家嘅眼光睇,可能一d都唔恐怖之餘仲有d搵戲嚟做,但呢套戲可以講喺70年代中,算係相當出位同恐佈架喇!!! 唔講故事結構,成套戲嘅恐怖氣氛營造其實算相當成功。

小弟第一次睇呢套戲時,就覺得故事風格好有以前報紙嘅咸鬼故味道,難得今次桂導演,處理情慾場面時竟然無加入任何裸露鹽花,真係非常難得.............仲有片中有大量由日轉夜嘅黃昏鏡頭,目的係想表達由光明變為黑暗嘅陰森感覺,簡單幾個鏡頭已經令觀眾能夠代入氣氛,足見導演營造氣氛嘅功力..............雖然故事有好多地方都交代不足,多反駁之餘仲幾搵戲嚟做..................例如: 點解史老闆死咗會有吸血鬼付佢身? 點解寶玲多次被吸血都死唔去,其他人就一吸即死? 點解死咁多人,警方都無懷疑過寶玲? 仲有隻吸血鬼又喺邊度嚟? 同埋戲中交代史老闆成日帶寶玲姐去搞嘢嘅空屋,係咪史老闆屋企呢? 間屋又點解會燒咗? 如果間屋唔係史老闆,又點解要指定要去嗰度呢?...............總之,大家睇呢套戲時,就一定一路睇就一路好多問題想問.................嚴重嘅可能睇到一半就已經唔想睇..................因為實在太多點解喇!!!

不過,大家問之前,一定要先問自己睇緊邊個導演嘅戲? 因為桂治洪導演d戲,不嬲故事創新,但劇情反駁多,好睇全靠獨特嘅拍攝手法,氣氛營造出色............當然,桂氏鹽花亦係賣點之一啦!!! 只要清楚自己睇緊嘅係桂治洪導演嘅戲,咁就自然知道自己想睇d咩喇!!!

"鬼眼"算係桂治洪首部鬼片作品(所以明知麻麻地都要介紹),1975年就有由3個短篇組成嘅"鬼話連篇",80年代初桂治洪拍咗多套鬼片降頭片,包括: 邪(1980)、邪鬥邪(1980)、屍妖(1981)、蠱(1981)、邪完再邪(1982)、魔(1983)..................咁多套戲入面所描述嘅鬼,形象都唔同,有枉死、有厲鬼、有搞笑又有懸疑恐怖...........玩完鬼就玩降頭,玩完降頭玩巫術,真係所有屬恐怖片類嘅,桂氏都真係全部拍過晒,套套風格唔同之餘仲要係創先河同賣座嗰隻................比起孖生兄弟拍嗰d所謂鬼片,真係唔拍好過拍喇!!!

 

 

 

PS:點解今次明知套戲麻麻地都仲介紹,係咪玩嘢先? 又唔係玩嘢嘅,會介紹除咗呢套係桂治洪首部鬼片作品外,戲中嘅吸血鬼造型同描寫,足見桂氏怪雞玩嘢風格,同吸引我一定要介紹................大家有無未見過無尖牙嘅吸血鬼? 同埋吸人血竟然唔係吸頸,而係玩採陰補陽...............即係咩呀!!! 咪扑嘢囉.............咁特別唔同大家介紹下,點對得住祖先呀............呵呵~~


[11]

孖生兄弟拍嗰d所謂鬼片, 睇到割櫈!


[引用] | 作者 Shanghai bunny | 18th Aug 2010 21:12 PM | [舉報垃圾留言]

其實孖生兄弟除咗"見鬼"、"鬼域"同"C+偵探",稍為有D水準之外,其他嗰D真係好一般,有時鬼片真係唔係一咪彈隻鬼出嚟就叫驚,有時內容同氣氛都好重要。

[引用版主回覆] | 作者 麥DON鴻 | 28th Aug 2010 18:57 PM

[10]

哈,終於看見史老闆的廬山真面了。


[引用] | 作者 Calvin Chiang | 16th Aug 2010 20:28 PM | [舉報垃圾留言]

你未見過史老闆咩!?

[引用版主回覆] | 作者 麥DON鴻 | 28th Aug 2010 18:57 PM

[9]

麥老闆, 好介紹呀~~
見你講70年代鬼片, 想問一套舊片, 唔知你有無見過.
講一個男人由頭頂裂開左兩邊但唔死得(唔知人定鬼). 這齣是70年代尾-80年代頭的片. 因為當年只有幾歲. 所以任何細節都唔知道.
想問返這是甚麼片. 港產或是西片?


[引用] | 作者 winglass | 14th Aug 2010 23:00 PM | [舉報垃圾留言]

有無多D資料呀!?咁少料好難醒得起架喎!!!

[引用版主回覆] | 作者 麥DON鴻 | 28th Aug 2010 18:59 PM

[8]

其實個古仔幾好,起码好過周X娜果部九十九倍。


[引用] | 作者 Matthew Tse | 14th Aug 2010 22:01 PM | [舉報垃圾留言]

其實70年代嚟講,呢套戲嘅氣氛同故事真係算唔錯同創新,娜姐嗰套就叫佢收皮啦!!!

[引用版主回覆] | 作者 麥DON鴻 | 28th Aug 2010 19:03 PM

[7]

史老闆終於出場!
個劇場真係幾R頭,不過經過don鴻兄o既生鬼介紹,一樣精彩!


[引用] | 作者 Andeon | 14th Aug 2010 00:10 AM | [舉報垃圾留言]

多謝支持

[引用版主回覆] | 作者 麥DON鴻 | 28th Aug 2010 19:04 PM

[6]

我又覺得唔錯咼套野 .. 哈哈哈 ; 係最尾個妝曳左d .. :P


[引用] | 作者 wythe li | 13th Aug 2010 22:36 PM | [舉報垃圾留言]

將就下,以前好多港產片,特別係邵氏嗰D,個結尾都多數收得麻麻,係到80年代開始,先多咗導演,留意到結尾嘅重要性。

[引用版主回覆] | 作者 麥DON鴻 | 28th Aug 2010 19:06 PM

[5]

即係俾史老闆昆鳩左,過左三日都唔駛死


[引用] | 作者 Lionel Chan | 13th Aug 2010 17:16 PM | [舉報垃圾留言]

史老闆出晒名脫人期,攞人命又遲,就算等佢出POST都一樣遲....呵呵!!!

[引用版主回覆] | 作者 麥DON鴻 | 28th Aug 2010 19:07 PM

[4]

乜CON 已經有咁多年歷史架喇


[引用] | 作者 roy keane | 13th Aug 2010 15:40 PM | [舉報垃圾留言]

70年代已經有CON架喇!!!

[引用版主回覆] | 作者 麥DON鴻 | 28th Aug 2010 19:17 PM

[3]

雖然係1974,但cap果幾個shot一D都唔out date喎.


[引用] | 作者 Louis Lin | 13th Aug 2010 09:51 AM | [舉報垃圾留言]

桂治洪當年喺邵氏跟過D日藉導演做副導,所以佢有D拍攝手法同風格都幾創新,就算而家睇返佢D戲,有部份真係唔會覺得OUT。

[引用版主回覆] | 作者 麥DON鴻 | 28th Aug 2010 19:20 PM

[2]

搞笑, 開左三個免費channel close唔到, 好似而家的有線咁.


[引用] | 作者 Frederick Lo | 12th Aug 2010 23:18 PM | [舉報垃圾留言]

咁有線仆街D...呵呵!!!

[引用版主回覆] | 作者 麥DON鴻 | 28th Aug 2010 19:17 PM

Next