香港新浪網 MySinaBlog
« 上一篇 | 下一篇 »
麥don鴻 | 3rd Aug 2010, 12:42 PM | 每DON睇戲時 | (575 Reads)

今次嘅"每DON睇戲時",就同大家分開3集,係咁易介紹下張徹導演嘅"射鵰"3步曲有咩可觀之處,等未睇過嘅BLOG友都知呢套戲大概講乜春。

邵氏射鵰英雄傳3步曲,1977年為第一步曲,1978年為第二步曲,1981年第三步曲。全部都係張徹導演,但係咪張徹導演就一定係好戲? 咁就真係要睇過先知喇!!!

邵氏嘅"射鵰英雄傳",節奏同劇情推進,都非常明快,仲要係好撚快嗰隻,但一d細節都盡量用2-3分鐘去交代,如果睇過小說或者睇開電視劇嘅BLOG友,可能會好唔慣都未定。不過作為一套電影,佢嘅編排都算完整,話晒都係倪匡編劇,照理唔會太差,所以都可以講無咩悶場,武打動作場面硬橋硬馬,拳拳實的的,喺無任何特技動畫幫助之下,所以唔好期望打出降龍十八掌時,會有成條新七龍珠飛龍標出嚟,最多只係睇到/聽到d男人打交打到啪啪聲出晒汗咁,但都拍得出原著神髓嘅...............同埋邵氏d戲雖然都係一個廠拍晒,入面搭景,不過呢套戲D佈景都算搭得唔錯,都幾大地方,可以搭得出皇宮、山林、桃花島等佈景,都算係咁架喇!!!

左面嘅係郭嘯天(唐炎燦),右面嘅係楊鐵心(狄威原名徐吉龍),呢場係第一幕講佢哋兩個玩棍玩到出晒汗之際,突然見到丘處機攝出嚟,背住我地嘅就係丘處機。

 

喺呢套第一集嘅劇情入面,一開波就影兩個露點男人玩功夫玩到出晒汗,呢兩位就係郭嘯天同楊鐵心,之後就見到丘處機,都係講丘處機幫佢哋兩個仔改名嗰D老例劇情...............,之後金兵殺到將郭嘯天殺死,楊鐵心受重傷,包惜弱被金兵帶走,李萍就跟咗江南七怪去左大漠,仲叫丘處機搵包惜弱同楊康,約定十八年後比武,之後................劇情發展得好快(無童年郭靖,無成吉思汗華箏,無醉仙樓比武,仲有射鵰英雄傳....................睇開都知應該有鵰,仲一定鵰嚟鵰去,但呢套就乜鵰都無),轉眼就講陳玄風殺死張阿生.............江南六怪要諗計殺梅超風報仇,柯鎮惡整盲梅超風.................鏡頭一轉,已經交代郭靖遇到黃蓉,見到楊鐵心、穆念慈同楊康,交代穆念慈見到楊康,被楊康抽水之後起痰....................跟住交代郭靖eat咗腹蛇血功力大增,之後楊鐵心見番包惜弱一齊自殺,係咪好快呀! 我仲以為自己睇緊快轉,唔好俾佢停,之後已經去到郭靖同黃蓉見到洪七公,學降龍十八掌,好快就去到桃花島,郭靖見到周伯通到歐陽峰帶歐陽克到桃花島,同郭靖一齊比試選婿.................第一部曲完。

 

由於大家睇開金庸D小說,都係齋字無圖,為咗等大家懶有睇小說FEEL,所以今次就唔放咁多圖去交代劇情喇!!! 反而會放圖去交代下D角色造型係點撚樣嘅................


古巨基呀!............ 古你老母...............傅聲嚟架!!! 傅聲唔扮方世玉,做ON9..........SORRY! 係憨直嘅郭靖,感覺都OK,因為成套戲佢都ON鳩鳩咁...................又話無鵰? 咁佢射乜撚呀! 咪表演緊射精囉!!!(箭或射擊技術如何湛既簡稱) 咁最後射到d咩!? 張徹又無交代喎! 你哋有興趣可以親自落去問下佢哋兩位嘅.............

仲係做女嗰陣嘅恬妞做黃蓉都幾悄...................淨係塊面都可以夠擺兩圍

係....................呢個就係楊康(李藝民),成個泰國有抦特產咁款..................

一個似元彪嘅完顏洪烈...................

惠英紅做穆念慈都ok.................不過演技就....................

顧冠忠??? 乜水呀!.......白玉堂喎! 錦毛鼠呢! 做東邪都似嘅!!!

王龍威當年最多20到掹,但要佢扮一個40幾50歲嘅西毒,真係麒麟怪咗D囉!!!

李修賢做歐陽克都算入形入格,有晒嗰種咀角含春笑淫淫嘅氣質...............不過就矮咗d喇! 同恬妞差唔多高咋!!!

谷峰唔做奸,做洪七公感覺非常良好................正!!!

嘩! 老酮呀! 係老頑童................郭追個造型真係幾撚趕客,不過老頑童係一個武癡,唔搵一個好打d嘅演員做又點得呢?

大家好! 我係已經盲撚咗嘅柯鎮惡,雖然我開晒眼,仲好似啤鳩住你咁,但我真係盲架..............

聲名威震珠江三角洲大導演陸劍明先生

一代武學宗師(自己以為)羅莽(羅坤霖可能係佢真名都未定),全程得一句對白,不過大家記住佢係第一集係做江南七怪嘅韓寶駒

佢就係見到兩個男人除晒衫,玩棍玩到出晒汗都不為所動嘅丘處機

請記實王處一同丘處機個樣,第二部曲佢哋將會用全新嘅面貌同大家見面

梅超風...............真係"霉"架! 戲入面十九幾年都係著同一套衫,不論盲前或者盲後都係一件到尾..................仲有佢都係盲嘅...................

又梅超風............又點可以無陳玄風呀!?

當然仲有陸乘風啦!!!  大家可以留意下D背景顏色,如果大家睇"射鵰"睇到熟晒的話,一眼就知同顏色背景嘅角色係有所關連,呢個舖排真係唔錯,唔係亂嚟架!!!

當然仲有詹森飾演嘅靈智上人,同樊梅生飾演嘅梁子翁啦!!! 下集梁子翁又係會用全新嘅面貌同大家見面,保證大家睇完之後一定會O撚晒咀。

 

 

 

 

PS: 其實仲有其他人物,不過有d得個名但無咩對白,就無謂多介紹喇! 下回再繼續分解邵氏射鵰英雄傳3步曲 - 第二步曲


[14]

睇小說我就冇乜耐性,電影版節奏快,可能o岩我睇喎.....


[引用] | 作者 Andeon | 9th Aug 2010 12:25 PM | [舉報垃圾留言]

有興趣可以去睇下

[引用版主回覆] | 作者 麥DON鴻 | 13th Aug 2010 21:20 PM

[13]

Thanks for your Post...
呢部當年都算係大制作, 咁多人拍。

仲有打蛇主角--詹森!!


[引用] | 作者 Jonathan Chan | 6th Aug 2010 16:04 PM | [舉報垃圾留言]

張徹以前D戲,以大堆頭大製作見稱,不過呢套真係算幾多人做。

[引用版主回覆] | 作者 麥DON鴻 | 13th Aug 2010 21:22 PM

[12]

傅聲個樣有d似股巨肌


[引用] | 作者 Lionel Chan | 4th Aug 2010 10:18 AM | [舉報垃圾留言]

真係有D似架

[引用版主回覆] | 作者 麥DON鴻 | 13th Aug 2010 21:22 PM

[11]

我想講嘅係我幾鍾意以前 D 舊戲會係開頭每個角色都有個造型 SHOT 再加演員真名同戲入面角色名,因為我細個睇戲時成日都攪唔清楚邊個打邊個 (我估有好多老人家都係)。
對於依家嘅我,有咗呢 D 人物介紹,我起碼知道 D 配角嘅真名,有時 D 爛片就係因為有呢 D 配角先睇得落去,因為通常佢地都有 D 演技。
多謝 DON 哥花時間整呢個 BLOG,我差不多日日都有嚟支持架!


[引用] | 作者 Milky Lee | 1st Aug 2010 19:58 PM | [舉報垃圾留言]

先多謝捧場,其實雖然我暫時都係翻POST D舊文章,但我相信其實唔係真係有太多BLOG友會睇晒我之前成個YBLOG D文章,所以我先再揀一D值得保留嘅POST再翻POST一次,你唔介意可以當新POST睇都得嘅......仲有就係以前D戲每個演員出場都有角色名同演員名,係因為當時好多戲都好勇於搵新人做戲,為咗等觀眾可以加快認識呢D演員,所以梗係要打個名介紹下啦!同埋呢D新人,通常都係電影公司,又或者係導演力捧新人之一,所以打名介紹係一個最快令觀眾入腦嘅方法。

[引用版主回覆] | 作者 麥DON鴻 | 1st Aug 2010 20:53 PM

[10]

個人覺得不少人物造型也有點趕客呢,黃蓉臉太漲了點,楊康一點也不好看,還有老頑童一點也不老,而且光看樣子沒有那種活潑的感覺。不過其他看上去還可以啦,看上去最入型入格的個人覺得是李修賢的歐陽克,可能黃日華那部電視版太深印腦海了,所以特別挑剔,呵呵。


[引用] | 作者 Calvin Chiang | 31st Jul 2010 19:57 PM | [舉報垃圾留言]

其實因為黃日華全球都有好多人睇過,所以真係特別入腦,但似唔似原著就後話喇!不過最少都順眼D先。

[引用版主回覆] | 作者 麥DON鴻 | 31st Jul 2010 21:10 PM

[9]

正! 請Don兄多D介紹邵氏電影!

(顧冠忠我淨記得頂徐少強響麗的拍天蠶變).


[引用] | 作者 Louis Lin | 31st Jul 2010 10:32 AM | [舉報垃圾留言]

顧冠忠未做大俠之前,都曾經拍過桂治洪嘅"姦魔"架!呵呵!!!

[引用版主回覆] | 作者 麥DON鴻 | 1st Aug 2010 20:55 PM

[8]

恬妞年輕個時都幾似岑寶兒咼..@@


[引用] | 作者 wythe li | 30th Jul 2010 19:40 PM | [舉報垃圾留言]

咁好似括妞姐正D喎!!!

[引用版主回覆] | 作者 麥DON鴻 | 1st Aug 2010 20:56 PM

[7]

下一部曲先0岩~.~


[引用] | 作者 waiwan | 30th Jul 2010 17:31 PM | [舉報垃圾留言]

[6]

陸乘風0個位演員無見好耐嚕

期待下一步由, DON兄


[引用] | 作者 waiwan | 30th Jul 2010 17:30 PM | [舉報垃圾留言]

葉天行應該未死啩.....呵呵!!!

[引用版主回覆] | 作者 麥DON鴻 | 1st Aug 2010 20:57 PM

[5]

yahoo blog 版,写得好看和搞笑啲!


[引用] | 作者 Wing | 30th Jul 2010 16:42 PM | [舉報垃圾留言]

其實我諗你真係無睇晒我之前D POST,基本上我呢D舊文只有部份係重新修改,有D只係改下字眼而已,好似呢篇"射鵰"咁,基本上只係改過D字眼,內容根本就完全無變過,咁何來"yahoo blog 版,写得好看和搞笑啲!"呢? 你真心留言我好歡迎,但你如果想搞事唔該行遠D...感謝!!!

[引用版主回覆] | 作者 麥DON鴻 | 30th Jul 2010 21:52 PM

Next