香港新浪網 MySinaBlog
« 上一篇 | 下一篇 »
麥don鴻 | 28th Jul 2010, 00:40 AM | 爛片大災難 | (1098 Reads)

上回講到..........請睇返"爛片大災難 - 廟街十三妹(1-3)"

 

上集講到十三妹慘遭亞龜強姦,點知越姦得大力,十三妹就越冧..............搞得全球華人都O晒咀,究竟套戲會點撚樣收尾...............睇完你就知.................

亞龜搏緊命期間,羅莉同亞光終於摷到去玉春樓,點解佢哋會嚟到呢度,因為先前有鏡頭交代過,羅莉同亞光見到亞龜走上玉春樓,所以佢哋就跟上去睇下...............點知佢哋一入到去,D女一見到亞光(羅銳)胸肌逼爆衫,即時起晒潮,又話佢粗又話佢壯又話佢勁,仲問羅莉可唔可以借亞光嚟每人輪流玩兩ROUND,仲話會俾返錢佢添...............此話一出,即時激到亞光火撚滾,話今次嚟呢度係純粹搵人,絕對唔係叫雞,不過會保留下次食免費餐嘅權利...............之後,亞光仲黃師傅上身,狂插D女唔好一見到仔就下下倒貼咁蝕....................講足成分鐘耶穌之後,佢哋都俾人狂剷阻撚住做生意,所以先行迴避出門口等亞龜出嚟..............

其實呢幕交代羅莉同亞光先行迴避之後,鏡頭就影返小蘭想入返,點知聽到有女人聲呻吟,但又唔知點解小蘭隔住度房門都知亞龜喺入面扑嘢,之後小蘭狂拍幾下門之後,講咗一聲:「死亞龜」之後,又走咗去拎嘢.................拎乜嘢!? 一陣你哋就知................由於今集時間緊迫關係,呢段就唔放圖交代喇!!!

亞龜都終於姦完十三妹,著完衫行出門口時仲要嚟過回馬槍眼神,再要講句:「妖.............原來係老處............」導演完全明白淨係講十三妹係處女係唔夠,所以就好"有心"地加多個5秒鐘鏡頭,交代一下處女應該係點................

全套戲好少定咁耐影實一樣嘢...............唯獨呢個鏡頭就足足停咗5秒咁耐。我諗全套戲呢個鏡頭,導演應該係最有"心機"拍嘅.....................讚!!!

亞龜一開門出去,小蘭即衝入嚟想剪亞龜個龜頭出嚟消消氣,點知俾亞龜反插一嘢....................點解小蘭咁激動要殺亞龜? 套戲可能想交代小蘭小氣亞龜搞其他女人所以咁做,不過戲中就由頭到尾都無交代過二人相愛,所以小蘭突然咁做,都真係幾撚耐人尋味下..................

入晒........................之後鏡頭交代小蘭負傷慢慢行出房門,而亞龜就一支箭直標出門口.....................

點知就俾羅莉同亞光截住,狂問小蘭喺邊.....................

羅莉見到小蘭受傷攤咗喺門口,羅莉就攬實小蘭,小蘭亦無聲地釘蓋,兩姊妹真係一句對白都唔使講完全零交流。難得大島由加利,要攬住呢個同佢無任何對手戲嘅"妹妹"都交足戲,真係非常專業。

領"咸"主演嘅亞龜亦演出完畢,羅莉搵小蘭嘅劇情亦已經句一段落...............多謝收睇.................咪住....................唔記得仲有兩母女添.......................

十三妹:「嗚................嗚.....................媽............................................」

十三妹老母:「嗚................女.........................唔使驚...............亞媽喺度..................」

十三妹:「嗚................嗚.....................媽............................................」

十三妹老母:「嗚................女.........................唔使驚...............................」

十三妹:「嗚................嗚.....................第...............日................老公................俾唔到我....................呢種....................FEEL...................點算呀......................媽.....................」

十三妹老母:「.....................衰女.....................掌咀..........................」

十三妹:「嗚................嗚.....................媽............................................」

十三妹:「嗚................嗚.....................媽............................................當妳睇到我.............呢封.........................信嘅.....................時候....................我可能..................已經..................嗚................嗚.....................可能..................已經..................嗚................嗚.....................瞓...................咗....................媽.....................呢篇論文係我用塊嘢.................換返嚟.................真係有血有水有汁液.....................我唔撚.........會後悔...................希望妳都唔好再做雞..........................等我幫妳女成母業....................發揚光大....................好嗎?.................PS...............諾貝爾頭先親自回覆我,話我個人太爛口同自私,所以唔會俾個文學獎我....................其實我只係少少爛口啫..................我唔講D BLOG友同麥DON鴻都集集講啦.........................仆街......................」

呢段十三妹寫信俾亞媽,叫佢唔好再做雞嘅劇情,係十三妹全套戲嘅終結,十三妹嘅戲份就完晒架喇!!! 至於十三妹同自強點? 十三妹有無自殺? 戲中就再無交代喇!!! 因為其實套戲嘅重點,就係交代十三妹為寫畢業論文,寫到連處都破埋,嗰種震撼法,真係一兩粗口都講唔晒....................導演嘅文戲思維,真係令人嘆為觀止。

鏡頭一轉,終於都要交代羅莉報仇喇!!! 呢段戲交代羅莉、亞武同亞光去搵番王報仇,點知高手突然出嚟護駕................3人就梗係對付咗高手先啦.............番王見高手同佢哋打緊,就梗係逃之夭夭啦..............唔通等過身咩!!!

羅莉眼見番王越標越遠,所以當亞光同亞武同高手打緊時,就乘機去追番王,如果唔係就唔諗使報仇架喇!!!

羅莉終於追到番王等人去到大空地,究竟番王班馬仔掟咩掟得咁興奮呢?

請大家腦海入面請即播起幪面超人音樂............................

呢場交代大島由加利一路跑一路爆炸嘅戲份,大島全程零替身上陣,可謂非常專業。

羅莉同番王打緊期間,另一邊箱,就交代亞光同亞武成功打贏高手,想知佢哋點打贏高手?..................睇碟啦!!!

飾演高手呢位演員,好多BLOG友都唔知佢係乜水,又或者有人以為佢係李麗麗,其實佢叫杜桂花,係台灣演員,屬打星類................佢嘅樣貌同李華月差唔多,不過身型就似足黃德斌.................身手都唔錯嘅...................

吓....................又中箭.....................

亞武點解會傷得咁重?

亞光同羅莉會唔會死?

番王又點解突然識得蓋世神功,仲要係曉飛嗰隻咁勁呢?

點解番王會死得咁慘烈呢? 以上咁多問題? 搵套戲嚟睇下咪乜都清楚晒囉!!!

 

 

 

 

 

注意: 以下部份內容,只係小弟個人意見,有部份資料喺未經證實,所以只供參考,敬請各位blog友留意!!! 另外,對小弟文筆不滿之BLOG友,不喜可以勿看,但切勿留言作過份抨擊,懇請自律!!!

相信大家睇完介紹,套戲有幾爛!? 相信大家都心中有數喇!!! 曾幾何時,港產動作片嘅賣埠價值相當唔錯,所以好多香港以外嘅電影公司投資者,都希望可以借港產動作片個朵賺返筆,台灣喺80年代尾至90年代中就大量投資呢類動作片,都係用晒當時港產動作片嘅二三線演員做主角,例如:楊麗菁、大島由加利、胡慧中、狄威、林威、莫少聰、方中信、呂良偉、沈威、萬梓良、鄭浩南等等...................希望用呢D演員可以令賣埠價錢高一D,再加上以上呢D演員,喺當時東南亞電影市場上都非常吃香,所以大家有可能會睇到一D動作片,點解來來去去都會有呢D演員出現,就係因為佢哋價錢合理,但又有賣埠能力,所以就梗係成日用啦!!!

不過價錢合理就歸合理,呢D戲始終成本有限,就算請得到大島由加利、方中信同鍾發演出,但動作片多少都要打嘅,但齋打始終好難賣到高價錢,所以就出現咗文明社會,仲用弓箭講數嘅經典場面,目的就係希望留返D錢,可以等結局有D爆炸場面睇下。其實大家都睇得出套戲係無成本拍,所以大島由加利、方中信同鍾發雖然話係領銜主演,但其實只係攝攝下演出,希望佢哋可以出少D收個友情客串價................D演員最終有無減價我就唔知,不過導演竟然諗到用一條女(十三妹)嘅文戲再加D鹽花,嚟串連成套戲,雖然令套戲爛上加爛,但亦睇得出導演轉數其實都唔錯,喺有限成本之下,都可以拍得出有打、有文、有笑又有咸嘅爛片,相信都對得住老實有凸架喇!!! 係對唔住觀眾啫....................

 

 

 

 

 

 

"廟街十三妹"究竟有幾爛? 希望大家今次留言都評下呢套戲嘅災"爛"指數。雖然全套戲又文又打又笑又鎗戰爆破,所有賣埠元素都齊晒,不過套戲嘅劇情,真係仲衰過"父報子仇",全程反駁兼講唔通,特別係亞龜一心玩仔強姦十三好一幕,可以講真係離譜到冚家剷,所以今次我俾套戲嘅.................

災"爛"指數: (6個骷髏頭為最高)

由於小弟今次寫呢套戲,真係一路寫一路剷嘅關係,加上成套戲其實都幾撚悶下,悶都唔緊要,又爛又反駁令我講晒粗口,真係激到血管逐條逐條爆,所以我今次點都要俾套戲6個骷髏頭消消氣架喇!!!


[7]

"就係交代十三妹為寫畢業論文,寫到連處都破埋,嗰種震撼法,真係一兩粗口都講唔晒"


[引用] | 作者 Shanghai bunny | 31st Jul 2010 17:55 PM | [舉報垃圾留言]

呵呵....遲D妳就可以喺"DON紅劇場"慢慢感受下呢套爛片喇!!!

[引用版主回覆] | 作者 麥DON鴻 | 1st Aug 2010 21:07 PM

[6]

這部戲真的是九唔搭八得很,結局尤其令人O嘴。-0-


[引用] | 作者 Calvin Chiang | 29th Jul 2010 13:01 PM | [舉報垃圾留言]

如果唔係點會爆頭呢....呵呵!!!

[引用版主回覆] | 作者 麥DON鴻 | 1st Aug 2010 21:07 PM

[5]

LOL last PIC, they could categorize this movie with kung fu


[引用] | 作者 suen wan ki | 29th Jul 2010 12:45 PM | [舉報垃圾留言]

佢連射箭都有,有蓋世神功都好正路...呵呵!!!

[引用版主回覆] | 作者 麥DON鴻 | 1st Aug 2010 21:14 PM

[4]

咁九唔搭八既戲,真係10級災難


[引用] | 作者 waiwan | 29th Jul 2010 00:19 AM | [舉報垃圾留言]

呵呵.....仲有大把"災爛片"呀!

[引用版主回覆] | 作者 麥DON鴻 | 1st Aug 2010 21:15 PM

[3]

如果蘿莉唔係響度,亞光邊有咁撚正義丫


[引用] | 作者 Lionel Chan | 28th Jul 2010 20:24 PM | [舉報垃圾留言]

咪就係.....呵呵!!!

[引用版主回覆] | 作者 麥DON鴻 | 1st Aug 2010 21:16 PM

[2]

真心比六個骷髏頭 ; 哈
辛苦大大 唔單指要睇完 要crop圖;仲寫埋感想 // 哈。

比六個讚你 :)))


[引用] | 作者 wythe li | 28th Jul 2010 17:06 PM | [舉報垃圾留言]

有人睇就辛苦D都無所謂嘅

[引用版主回覆] | 作者 麥DON鴻 | 1st Aug 2010 21:17 PM

[1]

DON 哥,辛苦你啦!可以想像到如果唔係要寫呢篇BLOG,睇怕你 1/5 都未必睇得完。
我俾 "6個骷髏頭",如果唔係有你精彩導讀,而係其他人嘅BLOG,我估我都無心機睇完佢!


[引用] | 作者 Milky Lee | 28th Jul 2010 09:45 AM | [舉報垃圾留言]

咁爛片都有分級數嘅,只要大家識點分咩係一套爛片,咁睇戲先會更有樂趣。

[引用版主回覆] | 作者 麥DON鴻 | 1st Aug 2010 21:19 PM