香港新浪網 MySinaBlog
« 上一篇 | 下一篇 »
麥don鴻 | 25th Jul 2010, 09:50 AM | 爛片大災難 | (1166 Reads)

上回講到..........請睇返"爛片大災難 - 廟街十三妹(1)"

 

十三妹:「鬍鬚佬.........救命呀!!! 有人想輪我呀.............你幫我輪返佢哋啦............pls!!!」

羅莉中刀後逃之夭夭,灰色西裝鬍鬚佬帶住牛仔背心光頭佬成班人,去摷羅莉,途中就見到十三妹,被之前喺雞竇嗰兩條友跟蹤。十三妹為咗擺脫嗰兩條友,就向鬍鬚佬求救,鬍鬚佬亦樂意地伸手打人之手,命令牛仔背心光頭佬同D"靚"..................打撚殘佢哋!!!

其實"灰色西裝鬍鬚佬"同"牛仔背心光頭佬",戲中都有名嘅............"灰色西裝鬍鬚佬"叫亞四;"牛仔背心光頭佬"就叫亞剛。不過套戲佢哋雖然出場唔少,但佢哋個角色名,只係每人聽過一次咁大把,如果唔睇晒成套戲,真係未必知道兩位戲中嘅角色叫咩名!?

灰色西裝鬍鬚佬:「你哋係咪想輪呢位小姐!?」

兩條粉皮:「無呀.............真係無呀................我哋頭先雖然係抽到佢乾晒水咁滯,不過我哋真係無諗過輪佢架..................只係想一人一Q,粗暴D梅花間竹咁同佢發生性行為................梅花間竹咁發生性行為咋!!! 唔好誤會呀!!!」

灰色西裝鬍鬚佬:「挑那星.............咁仲唔係叫輪....................打!!!」

兩條粉皮講完一輪嘢..............都係要俾人打...................點解會有本書墊住嚟打嘅!? 本書點嚟架!? 同埋呢班"靚"一路都係追殺緊羅莉,帶埋本書出去做咩!? 唔通驚打打下交悶...............要解悶!?

其實呢場用本書墊住嚟打人嘅戲,明顯係參考港產片中,差人用電話薄隔住嚟打犯嘅場面,可能導演想呢場戲有酷刑效果,所以就加咗呢場戲,不過出嚟嘅效果都真係幾"騎呢"下。

打完人之後,亞四講咗以上對白就放咗佢哋,然後亞四仲鬧亞剛同D"靚"(牛仔背心光頭佬)一味掛住打人,竟然唔記得咗要捉羅莉................咁又唔知之前邊撚個叫打人呢?

十三妹見兩條粉皮俾人圍揼緊,當然就梗係乘機走撚咗啦!!! 就喺草叢埋中見到受傷嘅羅莉,十三妹見羅莉噴晒血咁,就好有誠意咁邀請羅莉去佢屋企..................接受治療!!!

第二日,十三妹見羅莉D傷咁重,就叫羅莉喺度住住先等好返先走,羅莉見十三妹咁撚有誠意,就梗係無推啦...............不過就叫十三妹千祈唔好報警,唔係佢就要著草架喇!!!

戲中交代十三妹同羅莉點認識嘅戲份,就只有呢兩場,十三妹對羅莉搵妹同報仇嘅事,可以講無幫助亦無任何關連...................羅莉嘅出現,對十三妹寫咸濕論文,可以講係完全無關...............完全係兩條LINE獨立雙線發展...............只係導演想做到兩個人好似有關連啫!!! (要記住官方內容只供參考)

鏡頭一轉,兩條粉皮又出現喇!!! 由於十三妹老母叮囑兩條仆街,一定要睇實十三妹唔好再上雞竇實習,所以兩條友就跟出跟入,仲已經將想輪十三妹嘅事忘記得一乾二淨,全心全力保護少主...................不過點跟都俾十三妹走得甩,睇下十三妹走咗喺佢哋後面都唔知,兩位嘅視力應該都接近全失嘅階段喇!!!

突然有位靚仔幫十三妹掩護.................咁好人!? 有無咁大條撚隨街跳呀!

咁大條撚靚仔:「呵呵............幫完妳強姦妳..................正!!!」

十三妹:「................呀...............唔好呀..............有蚊針呀...............救命呀...............呀................好多蚊呀................唔好呀.................救命呀!!!」

十三妹大嗌救命期間,俾一位粉紅裇衫青年聽到,即時硬晒.............睇睇下書都周圍望下D聲係喺邊度發出嚟嘅.......................

粉紅裇衫青年:「子曰............非禮...............非禮...............非禮................密..............視 (用呢個"密",即係密切注視咁解).............................非禮.................妖!!! 邊個仆街嗌救命呀...............阻撚住我讀"性言書"呀................」

粉紅裇衫青年出盡奶力..............擊退咁大條撚靚仔...................不過....................

兩條粉皮及時趕到,以為粉紅裇衫青年想強姦十三妹,即時打到佢噴水,仲講出以下正氣對白......................

兩條粉皮:「死仆街..................光天化日玩單Q篤女..............賤格.................」

粉紅裇衫青年:「妖....................................你哋最撚正氣...............」

兩條粉皮:「呢D唔係正氣...............係"SEND屎",玩強姦梗係夜晚玩先夠FEEL架嘛.............打死你...............打死你................」

 

兩條粉皮打完條靚仔一輪之後,俾十三妹狂剷打錯好人,之後粉紅裇衫青年就走咗,兩條粉皮之後繼續跟住十三妹,喺途中又咁啱見到亞四同亞剛等人,亞四見到十三妹再次出現,竟然懷疑十三妹可能識羅莉,叫佢打人可能只係想幫羅莉甩身,所以決定跟住十三妹返屋企..................

 

十三妹返到屋企,見唔到羅莉,所以不停大嗌羅莉個名幾聲,就咁啱俾亞四等人聽到...............即時問佢收埋羅莉喺邊!?

亞四:「妳收埋羅莉喺邊!? 快D講...............」

十三妹:「羅莉!? 羅莉係我隻狗.................唔撚得呀............吹呀...........吹呀.............吹咩!!!」

亞四:「好撚嘢.................」

亞四入埋屋搜都搵唔到人,當然走啦!!! 呢場戲又完咗喇!!!

其實呢場戲,交代羅莉好似知道班人一定會搵佢咁,早在唔知幾時已經飛上咗屋頂,觀察亞四等人摷佢嘅情況................羅莉之後見亞四等人走咗,自己亦準備返基地,但就無同十三妹講BYE BYE...................真係非常之趕時間下。十三妹點解會叫隻狗做羅莉? 係因為十三妹大嗌羅莉個名搵佢期間,一開門就見到一大班男人喺門口度,佢就突然轉口風話羅莉其實係佢隻狗....................轉數都真係轉得幾快下喎!

鏡頭一轉,又返到嚟香港嘅街道上,十三妹再到重遇上粉紅裇衫青年,原來粉紅裇衫青年係十三妹舊同學,叫王自強。十三妹同自強哥講唔夠兩句,又同人講自己要寫偉大咸濕論文"靈與肉",想再去雞竇攞料,不過佢又怕俾老母剷,所以希望借自強哥支棍一用,去雞竇代為攞料..............自強哥聽完之後,亦覺得相當有意義,就算自己出埋叫雞錢都無所謂,總之誓要幫十三妹完成篇咸濕論文為止。

未睇自強哥叫雞之前,鏡頭又返嚟羅莉呢度,呢幕交代羅莉返到基地,會合亞武(方中信),同佢表示非常擔心小蘭嘅生死,亦狂剷王仔(左手面有鬚嗰位),點解佢當時親眼見到番王D"靚"捉咗小蘭都唔阻止,佢嘅答案竟然係:「件事發生得太突然,一時間應付唔到咁多嘢!!!」真係答得非常之有"誠意"。(以上均為戲中真實對白)

亞武強行拉開羅莉一邊,不停安撫羅莉叫佢唔使擔心,佢一定會幫佢搵返小蘭等等...........例牌安慰說話.................之後,亞武就突然講:「呀!!! 頭先唔記得同妳講..........件事其實係王仔做架...............」點解頭先當面又唔講,係要行咁撚遠先講呢?

講得咁秘密,羅莉又咪一樣再搵王仔由頭問過,真係"多舊魚"...............原來佢係亞揚嘅細佬,邊個係亞揚!? 咪就係吊帶鬍鬚加菲貓囉!!! 王仔為報仇,所以同番王夾計捉咗小蘭去做雞,仲講小蘭係俾一個叫亞龜嘅人捉走咗..................講完就俾羅莉打到噴水,之後羅莉亦同亞光(藍色花衫嗰位)一齊去救小蘭......................

 

!

 

自強單拖入到雞竇之後,大受歡迎.............旗都未扯,就已經被D女扯到行晒,佢會唔會就咁俾D雞輪咗呢!?

D雞經過一輪爭奪之後,自強終於落入呢條女手上...............戲中交代呢班妓女,係非常熱情主動,只要係靚仔、大隻或者係處男,佢哋都非常樂意貼錢甚至提供免費服務..................睇下呢位姐姐仔幾心急為自強除衫...................搞完一輪之後,呢位姐姐仔發現自強竟然身懷"寶物"..................究竟係D咩"寶物"呢?

嘩!!!..................各位姊妹...............大家睇下................條仔個龜頭青到螢光綠架.............快D影相啦........................

D姊妹一聽見自強係青頭仔,就即刻捉住自強唔放................使唔使咁餓呀!!!

戲中只交代自強入咗房之後,俾條女迫除衫之後就走咗出嚟,但並無交代到自強有無破到處。

自強俾D女撚完一輪,出到門口又俾十三妹一輪咀狂問佢,問佢扑嘢嘅情況同步驟之外,當然都要係咁易問下有無D女嘅資料啦!!! 自強就答十三妹,頭先佢扑條女,名字叫春花,屋企有個80幾歲嘅亞婆要養、一個讀緊書嘅細佬同一個唔理佢嘅爸爸等等...............例牌身世故事...............吓!!! 春花!? 呢間真係妓院嚟..............90年代中,竟然有一位性工作者叫春花.......................唉!!! 真係夠晒文藝兼脫節....................

十三妹一聽自強講呢D所謂資料,一聽就知無料到.................之後,二人突然聽到有條女大嗌,跟住佢哋兩個就睇到D妓女點樣俾人打,同俾番王D人迫佢哋打白粉針等等劇情..............由於呢D劇情無關痛癢,所以小弟就唔放圖交代喇!!!

 

 

D

.

.

.

 

呢位就係小蘭喇..............隔離嗰位就係亞龜(唔知佢係乜水,可以睇返上集嘅劇情)。字幕呢句對白,寫咩「我可以跟妳保證以後吃香的喝辣的全有妳的份」係咩意思...............根據配音員所講出嚟嘅版本,就係「以後跟我就穿金帶銀魚翅撈飯」,如果齌睇字幕,真係可以講完全唔知佢想表達D乜撚嘢...................

亞龜講完一輪嘢之後,就話要過返兩招俾小蘭,等佢可以活學活用,終身學習。

亞龜:「見妳有波有籮笑呵呵咁CUTE...........我而家就即時教妳"猴子EAT合桃"同埋"姑媽坐蓮"呢兩招,包妳終身受用架..................」

小蘭:「姑媽坐蓮!? 乜唔係"觀音坐蓮"咩!?」

亞龜:「妖....................邊個坐蓮都係一撚樣啦!!! 反正又咪係坐蓮...............」

由於小蘭一時間,接受唔到自己化身成姑媽學坐蓮嘅關係,所以就反抗,亞龜見佢反抗就即時用支水喉通狂扑小蘭幾嘢................真係扑到啪啪聲架!!!

亞龜:「死八婆...............反抗.............用完水喉通扑妳,等妳再試下我畢生絕學"金剛飛天鑽"啦...................」

小蘭:「呀............唔好鑽呀...........金剛飛天鑽!? 咩嚟架............鑽石嚟架...........!?」

自強:「人仔細細..............真係睇唔出佢竟然咁大對...................嘩!!!...............」

十三妹:「好長呀..............支水喉通.................賤格!? 咩咁大對呀...............仆街!!!」

自強:「咩賤格呀..............我話佢對眼好大對啫...................妳就賤格!!!」

小蘭:「呀.................家姐救命.........................呀.....................呀....................呀!!!」

戲中交代小蘭雖然被人捉咗去做雞,佢既然知呢班係番王嘅人,理應會好反抗之餘,仲會係咁易都提下佢老豆單嘢,又或者提下佢家姐一定會嚟救佢等對白...............等大家都知道呢個就係羅莉個妹....................但戲中呢位小蘭,完全隻字唔提羅莉,如果唔係有亞龜D"靚"話小蘭唔接客,亞龜要好好教下佢呢場戲,提過小蘭個名一次咁大把,小弟可能真係唔知呢條女係乜水嚟。

由於佢哋睇咗太耐嘅關係,終於都俾亞龜發現咗,仲即刻叫D人追出去,十三妹同自強就梗係即時玩奔走,走到"老連"咁遠喇!!! 自強同十三妹講要報警拉晒班仆街,十三妹就即時講出以下對白.....................

十三妹:「唔撚得呀............你報警捉晒D雞,我點撚樣寫撚完篇論文呀..............仆街................」

自強:「嘩..............估唔到妳人仔細細,竟然咁自私同咁爛口...............」

經過自強又叫雞,又同十三妹一齊睇完D雞竇生態環境之後,呢場戲咁就完咗喇!!! 戲中十三妹因為唔知小蘭係乜水嘅關係,所以當然就無話俾羅莉知啦................都話獨立雙線發展,真係唔會踩過界.................分得好清楚架!!!

鏡頭一轉,就突然見到亞四去羅莉基地踩場搵人,由於羅莉同亞光又繼續去搵妹關係,就淨低亞武同班"靚"招呼住佢哋先。

亞武:「你哋係咩人..............夠膽嚟踩場....................!?」

亞四等人:「我哋全部都係壞人嚟嘅................問你怕未..................」

亞武:「嘩......................我好撚驚呀........................」

兩幫人打到出晒汗期間....................喺"老連"咁遠已經有個高手啤鳩住佢哋..................

高手正在監視中....................

高手:「好撚熱....................好撚熱....................真係好撚熱....................」

亞武非常好揪,亞四同亞剛都唔夠佢打...............就喺呢個時候,高手終於出招喇!!!

高手雖然著住咁多衫,但身手亦無任何阻礙,好快打到亞武扯晒蝦.................

突然間,高手出絕招,萬九幾個鬼影同時出現,亞武都睇唔到佢出手定出腳,就俾高手登時"窩"咗一嘢雞心.....................

亞武:「..................呀......................呀....................呢嘢好...................."應"呀!!!」

 

 

 

 

 

 

 

待 續............

 

究竟"領銜主演方中信"會唔會咁快死!? 同埋十三妹仲有D咩"叫雞"橋未出!? 下集仲有全套戲嘅高潮所在.................十三妹慘遭亞龜強姦, 想睇? 咁就要密切 留意"爛片大災難 - 廟街十三妹(3)"

 

PS: 如有BLOG友有幸睇過呢套戲,請勿爆響口講晒D內容............. 多謝合作!!!


[2]

恐怖雞!!!!!恐怖雞is a good movie!!!that would be great if you talk about it


[引用] | 作者 suen wan ki | 29th Jul 2010 13:02 PM | [舉報垃圾留言]

[1]

第2次看都是很难顶


[引用] | 作者 Shanghai bunny | 26th Jul 2010 15:57 PM | [舉報垃圾留言]