香港新浪網 MySinaBlog
« 上一篇 | 下一篇 »
麥don鴻 | 25th Jul 2010, 09:10 AM | 爛片大災難 | (2057 Reads)

"爛片大災難"又同大家見面,今次要介紹嘅戲,如果大家以前有睇開亞視深宵電影習慣嘅BLOG友,一定會對呢套戲有D印象,呢套就係"廟街十三妹"喇!!! 小弟今次介紹嘅係足本版,即係同電視台嘅剪粉腸版本係有D分別,至於有咩分別同套戲爛成點!? 咁就要大家睇完先知喇!!!

注意: "爛片大災難"中,小弟介紹嘅所謂爛片,全屬個人感覺,所以有可能同大家心目中嘅爛片有所出入。不過小弟嘅介紹只作個人分享,所以大家亦無須太緊張同作過份抨擊..............敬請留意!!!

 

呢套"廟街十三妹",係1993年由柳松柏導演,由方中信、大島由加利同鍾發主演。相信大家都知逢親D戲拍親廟街,都一定影呢個景,但呢套戲又有幾多成係廟街拍呢?

 

故事講咩!? 大家先睇下VCD盒背官方內容.............打定底先啦!!!

  番王、海霸、華老大是今廟街的三大老,為利益之爭,海霸被自己人阿楊謀害,死於非命遺下二女羅莉、小蘭,華老大眼見一切亦束手無策。
十年後,羅莉的妹妹被番王擄走,羅莉向番王要人不成,斷羽而逃,為蓓妮所救。
蓓妮排行十三,廟街人稱她十三妹,父親生她就沒命了......
一切的恩恩怨怨,就由這一代解決...... 
 
     
 

 

 
 

以上係官方內容,小弟已經一字不漏打返晒出嚟,不過大家請緊記........官方內容絕對只供參考,敬請留意!!!

故事一開始就講兩幫人喺廟街開拖講數.............吓!!! 呢度係廟街!? 唔撚係啩!!!

妖!!! 人哋話係廟街就廟街啦.............咪撚嘈............先介紹兩幫大佬過大家識先.............

著住藍色壽衣唐裝衫呢位就係番王(鍾發),一睇就知佢哋搵到食,睇下佢哋D"靚"個個著晒黑色西裝褸咁,就知搵到死啦!!!

另一邊著住老西呢位就係羅海霸,呢邊明顯就撈得麻麻喇! 人又少,D"靚"著衫又削又無品味............著圖案TEE無所謂,做乜撚嘢揀件加菲貓嚟著呀!!! 你係黑社會嚟架.........仲加條吊帶再著西褲添................著得咁CUTE就咪撚留鬚啦..............仆街!!!

 

 

好..............睇完佢哋著咩衫之後,佢哋就開始講數啦!!! 因為番王想搶晒廟街D生意嚟做,所以迫到羅海霸連屎都無得食,羅海霸為咗利益,決定喺一個公平、公正同公開嘅環境之下,慢慢用心平氣和嘅形式去講數...............番王當然就睬佢都智障啦!!! 講唔夠兩句就話要開拖劈人.................不過羅海霸人雖然少,但佢哋都竟然有秘密武器.......................

 

 

 

 

 

 

 

 

?

 

 

 

羅海霸:「弓箭手準備...................Are you ready!?」

眾弓箭手:「大佬.............我哋rea撚dy晒喇!!!」

羅海霸:「好.................準備射..........射呀............射呀...............射他吧!!!」

黑社會揸刀互劈,或者開鎗互射...............大家都一定睇過唔少,但喺一個90年代嘅文明社會入面,講數竟然玩射箭,好老實.................小弟睇完呢幕真係笑到爭d嘔,真係完全估佢唔撚到。

羅老大一聲令下...................d箭全部入晒番王d"靚"嘅體內............番王形勢急轉直下

番王手下甲:「嘩................有鎗唔用.................真係估你哋唔撚到.............呀............」

由於番王d"靚"全部俾d箭入晒嘅關係,所以番王都要親自出馬打兩嘢,不過由於越打越多人嘅關係,番王開始有d打到體力不支.............就喺呢個時候..............

吊帶鬍鬚加菲貓突然揸住把刀,好似想標尾會咁...............想殺番王攞返個尾彩。

突然之間,吊帶鬍鬚加菲貓竟然用刀反劈羅老大,大家睇下羅老大d"靚",完全一d反應都無,一碌柒咁擺喺度,一d護主之心都無..............正一仆街仔嚟!!!

羅海霸:「你...................你.................你................出賣我...................」

吊帶鬍鬚加菲貓:「係人類都睇到啦................吹咩!!!」

吊帶鬍鬚加菲貓:「sorry呀...........亞大..............番王俾錢多過你,梗係跟佢啦!!! 同埋我都好想著黑色西裝褸,你知唔知..........我好撚憎呢個造型呀................去死啦你!!!」

羅海霸:「...................呀.................呀.................呀.................呀!!!」

番王:「ON99玩奔走..............佢早已經係我嘅人啦....................哈哈哈.............」

羅海霸:「...................呀...................洞房...............呀...............笨..................」

 

羅海霸雖然俾吊帶鬍鬚加菲貓把刀插到入晒,但仍然出盡奶力,將吊帶鬍鬚加菲貓殺死................

 

吊帶鬍鬚加菲貓:「...................呀.................呀.................呀.................呀!!!」

羅海霸:「...................我要殺死你個仆街.................」

正當羅老大回光反照,想衝去殺番王時,番王即時叫D"靚"帶兩位小妹妹出場,呢兩位小妹妹其實就係羅海霸兩個女,分別叫羅莉同小蘭。羅海霸見番王脅持自己兩個女,即時嚇到硬晒"軚"。

羅海霸為咗唔想番王殺自己兩個女,決定自"劈"條頸無眼睇,希望番王可以放過佢兩個女條生路..................就係咁............羅老大就咁釘咗喇!!!

番王:「好...........你既然自"劈"救女,我就放咗佢哋..........有無"靚"要跟我...........」

羅海霸眾手下:「..................是撚但啦.....................跟呀.....................跟呀...............」

 

羅海霸自"劈"救女,雖然好撚偉大,但淨低兩個女咁又點算呢!? 呢位眼啤啤嘅小妹妹,就係羅莉...............佢正在啤送緊番王等人,希望可以快D大個女,去為老豆報仇....................

幼齒版羅莉:「(萬寧妹聲)我有少少想郁佢.....................」 

喺幼齒版羅莉怒啤完之後,就即刻出現呢個大屋景....................

 

 

.

.

.

.

.

 

 

 

羅莉(大島由加利)經過幾個鏡頭嘅洗禮之後,終於都快高長大喇............. 仲話咁快去到晚年添!!!

呢段戲係喺大屋景之後出現,故事先用分幾鐘,交代羅莉殺入呢間大屋,期間當然唔少得郁手郁腳啦!!! 打到入屋之後,番王就問佢係咪羅莉.............總之大家唔撚使問我,戲中有無交代幼齒版羅莉嘅成長經過,因為轉過頭已經大個,仲使咩交代!?

番王:「嘩................仆妳個街..............妳食咩大架!? 我換過件衫啫!!! 妳就大個咗.........D時間唔係過得咁撚快呀!!!」

羅莉:「快!? 已經過咗19幾年架喇!!! 你無聽過光陰快撚過箭咩!!!」

番王:「有...........當然有啦!!! 我哋呢D讀"性言書"嘅.............一定有.............妳大得咁快做乜嘢呀!? 講啦! 講呀! 仆街...............想報仇!?...............COME ON...............」

羅莉:「時間咁早唔講報仇住...............做咩捉咗我個妹小蘭,你哋係咪捉咗佢去做雞................仆街.............快D放返佢出嚟.............捉佢唔捉我..............大細超..............我都有閪架!!!」

番王:「幣在無樣呢? 同埋我諗妳10成認撚錯人,我今時今日嘅江湖地位,應該唔係我親手做,可能係我D"靚"做.................不過又未必一定關我事................吹咩!!!」

羅莉:「好.............你而家唔認唔緊要,我轉過頭實搵到我個妹嘅..............」

番王:「妳大得咁撚快...........轉頭就死啦...........轉頭..........轉頭俾條腸妳食.........」

羅莉:「係咪真先!?.............(期待中)」

呢幕主要係交代羅莉去番王度搵妹,並唔係報仇,羅莉亦因為搵唔到人而走,不過番王當然唔會放過佢,就梗係例牌搵D"靚"同佢打兩嘢先啦..............之後鏡頭一轉................

又嚟到廟街喇......................

喺廟街入面,有條友喺街中穿插,究竟佢做乜撚呢?

呢場廟街戲,真係喺廟街拍幾個鏡頭.............算有成本架喇!!! 出埠拍架!!!

相信大家一睇就知呢條"仔"係女嚟................佢上嚟呢度就係香港人稱為馬欖、雞竇或者一樓一嘅地方,佢嚟得呢度...........當然就係叫雞啦!!! 不過戲中稱呢度為..............妓院.............即係有可能會見到D青樓妓女都未定....................

條"仔"入咗去一陣,突然衝返出嚟............原來佢嘅女兒身被D雞識穿咗,妓院內各人即時炒晒蟹嘈生晒.....................

相信大家都可能知,呢位著白色裇衫嘅演員叫何柏光,不過佢係呢套戲中,並無任何角色名,而佢喺戲中係飾演呢間妓院嘅"爸爸生"。佢右手面兩位演員都係無角色名嘅。佢哋兩個一知條友女扮男裝之後,就即時話要輪條女,輪完之後就賣佢落南部搵錢..............南部!? 乜香港有南部嘅咩! 南區就聽得多,南部又係喺邊呢?....................南灣? 南生圍?

兩條友不停狂抽水期間,突然有個亞婆標出嚟叫停手.................

仲問兩條友知唔知條女係邊撚個嚟!?

原來嗰位女扮男裝嘅就係十三妹,咁點解十三妹會女扮男裝叫雞呢? 唔通佢想學花木籣咁,代父"出精"!?

十三妹老母:「亞女..............點解妳咁唔聽話要走上嚟呢度!? 妳如果想"頂更"都等大個女D先啦!!!」

蓓妮:「亞媽..............我都想頂妳更架................不過我暫時無時間,我而家忙緊寫篇畢業論文叫"靈與肉",寫完之後再拎埋諾貝爾文學獎,再幫妳"頂更",分分鐘個價可以高幾倍架..............同埋,我寫"靈與肉"就梗係要親身體驗下咩叫做叫雞啦!!! 上嚟實習下好正路啫..................唔屌下人邊有靈感喎!!!」

十三妹老母:「俾人屌仲有靈感呀................衰女.............」

十三妹(謝明燕)又叫錢蓓妮,想知佢點解叫十三妹!? 可以睇返上篇嘅官方故事內容.............點解十三妹要"變性"叫雞,原來係為咗寫論文。戲中十三妹為寫論文,不停去雞竇扮叫雞攞料嘅戲,係全套戲嘅中心內容,有幾場呢D戲之多...............所以羅莉報仇與否,真係唔需要太早講住,因為仲要大撚把時間交代十三妹寫論文..................

因為錢媽(即係十三妹老母)不停剷蓓妮,剷到蓓妮走撚咗,之後錢媽竟然仲叫呢兩條友睇實佢個女,唔好俾蓓妮再上嚟呢度..................

戲中交代錢媽只係呢間妓院嘅持牌人,並唔算喺"廟街"話晒事,只係一個普通龜婆而已,並唔係D咩勁揪人物。

之後突然有Madam上嚟查牌,佢哋查牌嘅原因,係因為最近好多失蹤少女,同埋收到風話好多女都俾人捉晒嚟呢度開工,所以佢哋就要上嚟查下..................不過查咗幾秒之後無料到,Madam就突然轉話題,話最近d AIDS好犀利,要佢哋注意下,然後就走.............真係查牌都查得窩心過人。

係喎!!!.............講到呢度,大家應該仲未知道呢間妓院叫咩名...........呢間妓院名叫"玉春樓"..........真係聽到個名都好有古裝片FEEL................

鏡頭一轉...............又影返羅莉被番王等人追殺,戲中交代番王身邊有兩大護法做保鑣,一位就係呢位牛仔背心光頭佬,佢嘅絕招就係"尹光鐵布衫"。

另一個就係呢位灰色西裝褸鬍鬚佬,絕招就係"飛鳩你插他死飛刀飛鳩你".................灰色西裝褸鬍鬚佬見羅莉咁撚打得,差唔多全部人都做低晒咁滯,所以就襯佢同牛仔背心光頭佬打緊時,喺背後放飛刀陰羅莉一嘢.......................

羅莉:「WOW................入晒.........................呀......................呀......................」

 

 

 

 

 

 

 

待 續............

 

羅莉中刀中到O晒嘴咁究竟會唔會死呢? 十三妹仲有D咩新方法去"嫖妓"? 同埋下集十三妹仲慘遭大漢強姦(爭D).............仲有下集小蘭終於都出現喇!...............咁撚多精彩劇情, 想知就要密切 留意"爛片大災難 - 廟街十三妹(2)"

 

PS: 如有BLOG友有幸睇過呢套戲,請勿爆響口講晒D內容............. 多謝合作!!!


[6]

弓箭手......正~


[引用] | 作者 sasa | 29th Jul 2010 18:41 PM | [舉報垃圾留言]

[5] Re: 麥DON鴻
麥DON鴻 :

其實套戲只有幾個鏡頭係喺香港拍,其他全部都係台灣拍,嗰條"廟街"都係台灣後巷嚟!!!



我也知道,以前我看過你的blog了,我在想那時若果有人進戲院,看到這疑似香港後巷會有甚麼反應?哈哈。


[引用] | 作者 Calvin Chiang | 27th Jul 2010 21:12 PM | [舉報垃圾留言]

[4]

冇錢買槍麼?真係亂咁黎


[引用] | 作者 Lionel Chan | 26th Jul 2010 12:24 PM | [舉報垃圾留言]

[3]

弓箭手???!!! 真你創意十足!!! 我都笑到合路堆口!


[引用] | 作者 Milky Lee | 26th Jul 2010 06:22 AM | [舉報垃圾留言]

[2]

這部戲還真是經典耶,出箭真是神來之筆,而且那外景真是一點也不像廟街......頂多只是香港某後巷吧.......


[引用] | 作者 Calvin Chiang | 25th Jul 2010 21:52 PM | [舉報垃圾留言]

其實套戲只有幾個鏡頭係喺香港拍,其他全部都係台灣拍,嗰條"廟街"都係台灣後巷嚟!!!

[引用版主回覆] | 作者 麥DON鴻 | 25th Jul 2010 22:27 PM

[1]

出箭真係笑能死人


[引用] | 作者 waiwan | 25th Jul 2010 10:38 AM | [舉報垃圾留言]

第一次睇真係笑到嘔

[引用版主回覆] | 作者 麥DON鴻 | 25th Jul 2010 22:28 PM