香港新浪網 MySinaBlog
« 上一篇 | 下一篇 »
麥don鴻 | 20th Jul 2010, 23:00 PM | 絕對雜睇回憶港產片 | (1699 Reads)

今次要介紹嘅就係余允抗導演,喺1980年嘅作品"山狗"。好老實,呢套戲嘅劇情薄弱、情節夾硬同反駁位超多,但點解會有咁多人想睇返呢? 就係全靠莊靜而嘅濕身突點演出,同埋戲中嘅暴力場面。但同"打蛇"相比,呢套戲入面嘅所謂裸露同暴力鏡頭,真係畀細路仔睇都覺得小兒科,更何況我哋呢班識扯旗嘅成年人。

 

一開頭已經講喺狗牙山度住咗一班流氓,為數有5個靚仔,包括: 荷蘭仔(王青)、甩毛(鄭則仕),荷蘭仔同甩毛為表兄弟,仲有高佬(鄺佐輝)、蛇佬同矮腳虎。呢幕講佢哋捉咗隻豬,好開心咁燒嚟死。佢哋平時都好忙,因為淨係蝦d村民都夠佢哋忙成日..............

另一邊廂,亞(艾迪)同亞玲(莊靜而)兩兄妹準備去露營,去邊呀佢哋? 咪狗牙山囉! 故事交代佢哋一家三口,雖然唔算好有銀,但老豆陳星都有間"陳洪記裝飾"舖頭,生活總算過得去.............裝飾??? 即係做咩???

亞華、亞鈴、Louis、亞健同Pauline一行五人,出發去送死................sorry!!! 去露營先啱!

亞華個fd Louis(鍾保羅),一見亞鈴即刻硬晒,成日借頭借路溝女,亞鈴亦對Louis略有好感............睇下佢哋雙方嘅挑情眼神...............

佢哋行咗半日,終於到咗狗牙山山腳,見有間士多即刻買d嘢喝下先,喝完嘢亞鈴想打俾老豆報平安.............

點知個士多老細話呢條村得鄉公所先有電話,不過鄉公所唔開會就唔會開門..............即係佢想表達d咩!!! 就係無電話用喇! 妖...............講成日! 其實呢個係村長嚟! 佢士多都有電話,只係唔想借俾佢哋...............因為呢條村非常唔歡迎外來人,怕佢哋整亂d地方。

士多隔離就住咗矮腳虎同高佬,佢哋見到亞鈴同佢個fd咁索仲浪浪下,即時起晒......................身............醒晒!!!

戲中成日交代甩毛每日幾唔得閒,就算俾表哥荷蘭仔鬧,都一定餵嘢俾呢塊布下面嘅4隻小寵物食,究竟邊4隻可愛小動物呢???

呢幕交代矮腳虎同高佬終於都忍唔住調戲亞鈴,同場嘅亞健同Pauline成日只識匿埋打茄輪,亞鈴一有事,兩個即刻搵"龜縮",唔敢出聲..............好在..............

高佬見到咩咁驚? 佢見到亞華同Louis執完柴返嚟,一見到亞華懶大隻咁,又估唔到原來仲有兩件壯丁,所以嚇到佢同矮腳虎即時走撚咗................

亞健問亞華會唔會有事,佢答佢哋都係為錢啫! 亞華估都估唔到,佢一陣就係死喺佢哋5個手上.................

亞鈴終於將佢一生最寶貴又PINK嘅嘢交俾Louis................嘩!!! 傻豹呀!!! 呢幕交代亞鈴要同亞健、Pauline去洗碗,要求Louis幫佢睇住隻傻豹...................驚佢會郁咩! 睇住!!!

想睇亞鈴點俾人輪大米? 想睇下莊小姐粒黑提? 想知亞華點死?..............咁多問題.............睇碟咪知囉!!!

多得炳叔提供資料,終於捉到佢哋5個..................4個咋喎!!! 係...............矮腳虎走甩咗!!!

亞鈴被姦後傻咗,每日不停刷牙,係刷到出血都唔會停................

因為亞鈴傻咗出唔到庭,間接令佢哋證據不足唔駛坐監,老豆陳星覺得既然法律幫唔到佢,佢決定用自己嘅方法為對仔女報仇................

佢哋4個終於搵到矮腳虎一家團聚喇..............睇下佢哋笑得幾撚開心

老豆陳星終於嚟到狗牙山,進行佢嘅報仇大計,佢將一生所學嘅手工藝,精研多款殺人武器.............用嚟殺班仆街冚家剷.....................

嘩!!! 佢哋要埋邊個呀! 咪炳叔囉! 因為炳叔去差館認人時係笠咗個頭,不過對腳無笠到,荷蘭仔一睇就知呢條友就係炳叔,所以安全無事出返去,仲唔玩撚殘炳叔咩! 老豆陳星最後救返佢先無事................

埋完炳叔搶埋佢d錢,又完成一日嘅撚村民工作,咁辛苦搶咗幾草嘢..............即刻去d咸村吧減下壓.............搵女疏乎下...............你哋估下佢哋有無收穫???

尋晚落吧,只係得高佬有嘢食,咁辛苦先搵到嘢食,梗係唔理咩地方咩時間都要密密食啦! 咁啱野餐期間.................荷蘭仔話兄弟都肚餓,有嘢應該一齊食,高佬食飽當然無所謂,不過條女話名額有限....................佢哋為有....................

抽籤..............蛇佬支籤咁長當然食先啦..................不過..................

荷蘭仔突然改口話,最短食先............蛇佬話唔啱規矩,就俾荷蘭仔打到飛起,呢種打法,又名"打蛇"...................呢幕亦暴露咗荷蘭仔同甩毛原來係唔識游水

不過蛇佬(關鑑銘)都唔"流"架........睇下佢個樣幾撚惡,如果荷蘭仔再打佢就拮叉死佢..............就喺佢哋掛住拮嚟拮去期間................條女就借機走撚咗! 仲唔走? 真係等人輪咩...............

戲中交代佢哋雖然成日狗咬狗骨咁............但其實佢哋都幾守望相助同團結,矮腳虎走得甩,佢哋唔會篤佢出嚟.................有女玩又一齊玩...............同伴死咗亦不惜一切去報復............真係幾有情有義架!

雖然同荷蘭仔嘈咗兩句,但蛇佬亦好享受地嘆佢杯.................紅酒呀!!! 係蛇膽血呀.................嘩!!! 飲蛇膽血咁補塊面都仲咁撚青!?

呢幕講矮腳虎想叫埋蛇佬,一齊去搵高佬條女玩下。不過蛇佬嘆緊蛇膽血唔理佢,之後矮腳虎自己出去,就係咁佢就俾老豆陳星做瓜咗..............

佢哋一早唔見矮腳虎,就即刻周圍搵佢,見佢暴屍荒野,都親手埋咗佢,各人神情哀痛.............點解唔報警? 自己知自己事啦!!!

蛇佬由於飲蛇血過多導致腦部大量充血,所以諗嘢快人一陣,即刻諗到可能有人專程嚟做瓜佢哋.............

嘩............好得意呀!!! 咩嚟架.......入面嗰個係??? 高佬囉...............

高佬死咗之後,荷蘭仔同蛇佬終於都跟到陳星老豆,拮傷咗佢之餘仲迫到佢跳崖,不過死唔去,真係勁!!! 心口受重傷死跳崖都死唔去嘅陳星老豆,好在俾炳叔救返..........

當晚蛇佬亦慘死..............邊個仆街做架!!! 你話呢?

荷蘭仔見蛇佬死咗,即刻帶甩毛最心愛嘅4隻小動物去搵陳星,d狗因為聞過陳星件衫d味,一搵就搵到佢匿埋喺炳叔屋企..........老豆陳星當然走得甩啦!

想知荷蘭仔同甩毛個下場係點? 相信大家都應該知點做啦!!!

我幾LIKE套戲個ending,講5條流氓死晒之後,又有另一班流氓出現,又係影有另一班後生仔女露營,班流氓又係望住d女望到硬晒咁,即係又...................咁安排唔係有伏線有續集。只係想講一個道理,就係"一雞死一雞鳴",任何事永遠循環不斷...................永無休止!

 

 

 

 

 

注意: 以下部份內容,只係小弟個人意見,有部份資料喺未經證實,所以只供參考,敬請各位blog友留意!!! 另外,對小弟文筆不滿之BLOG友,不喜可以勿看,但切勿留言作過份抨擊,懇請自律!!!

 

"山1狗"嘅故事內容雖然簡單得過份,不過論拍攝手法及角色設計,呢套戲相比以前嘅港產片,明顯花過心思,特別係5個流氓嘅造型同性格,都相當分明..................特別係蛇佬造型真係相當突出................就係因為佢哋5個造型突出,一睇就知係仆街嚟...................所以就算老豆陳星,係一個大隻鬍鬚佬,樣仲幾衰下...............但當同5條流氓相比,直情靚仔到不得了,再加上佢為仔女不惜一切報仇,同情分加晒................角色設定明顯令觀眾可以分散注意力,唔駛太在意劇情有無反駁,只想知道陳星會唔會死,同報唔報到仇................

套戲暴唔暴力同好睇與否,當然見仁見智.................但作為一套80年代嘅作品,今時今日仲有人提起呢套戲仲想睇返,經典程度可見一班。呢套戲雖然都係當時港產片中,其中一部純賣暴力色情嘅作品之一,不過論表達手法,呢部確係比"打蛇"收歛一D,雖然劇情有反駁,但比"打蛇"總算叫做有d劇情..................始終余允抗,都係香港電影新浪潮時期嘅導演,佢嘅講故事出發點多少反映出當時社會問題,有書讀嘅青少年唔多讀書成日掛住去玩,無書讀嘅就變流氓四圍搞事,到終於出咗事,都係由長輩去收拾殘局(當然就無陳星以暴易暴咁誇啦)...............當時嘅香港新浪潮導演,大多以年青人為本,從而反映社會問題,包括"夜車"、"邊緣人"、"打擂台"、"第一類型危險"等等..................主角角色圍繞都係年青人,只係用唔同嘅故事背景去表達...............所以你可以講"山狗"故事係虛構,但當時嘅社會環境有無出現呢類事件,我只可以講如有雷同,真係實屬巧合喇!!!

"山狗"只此一套,係並無任何續集,1999年有一套由黎駿、梁敏儀同黃秋生做嘅"山狗",內容人物略改少少當新嘢,唔咸唔暴力無內容,真係不睇也罷喇!!!不過1985年由梁普智導演嘅"生死線",可以講係"山狗"嘅改良版,咸同暴力都點到即止,不過講緊張氣氛營造同劇情,呢套"生死線"真係睇得過嘅...............


[12]

前兩年馬交遇到莊靜宜一家人食飯,她風采依然。


[引用] | 作者 Matthew Tse | 14th Aug 2010 22:24 PM | [舉報垃圾留言]

有幾風采依然先???

[引用版主回覆] | 作者 麥DON鴻 | 28th Aug 2010 19:12 PM

[11] Re: 麥DON鴻
麥DON鴻 :

其實我篇文入面有括號嘅就係演員名,妳究竟有無詳細睇晒篇post,同埋我好耐之前已經介紹過蛇佬,好明顯妳無煲晒我之前d post...真抵打...呵呵!!!
http://hk.myblog.yahoo.com/donnymak7626/article?mid=5983



好耐之前d post 一时记不起嘛。。。


[引用] | 作者 Shanghai bunny | 23rd Jul 2010 20:53 PM | [舉報垃圾留言]

[10] Re: 麥DON鴻
麥DON鴻 :

其實我篇文入面有括號嘅就係演員名,妳究竟有無詳細睇晒篇post,同埋我好耐之前已經介紹過蛇佬,好明顯妳無煲晒我之前d post...真抵打...呵呵!!!
http://hk.myblog.yahoo.com/donnymak7626/article?mid=5983



蛇佬有括號吗?有的我抵打。。无的话打你啊。。哈哈


[引用] | 作者 Shanghai bunny | 23rd Jul 2010 20:50 PM | [舉報垃圾留言]

[9]

Don 哥蛇佬叫mer名?有没有拍过其它戲?


[引用] | 作者 Shanghai bunny | 22nd Jul 2010 14:41 PM | [舉報垃圾留言]

其實我篇文入面有括號嘅就係演員名,妳究竟有無詳細睇晒篇post,同埋我好耐之前已經介紹過蛇佬,好明顯妳無煲晒我之前d post...真抵打...呵呵!!!

http://hk.myblog.yahoo.com/donnymak7626/article?mid=5983

[引用版主回覆] | 作者 麥DON鴻 | 22nd Jul 2010 15:12 PM

[8]

多谢Calvin Chiang 指点。依家马上load!


[引用] | 作者 bunnyhon (Shanghai bunny) | 22nd Jul 2010 10:39 AM | [舉報垃圾留言]

[7] Re: bunnyhon (Shanghai bunny)
bunnyhon (Shanghai bunny) :
我剛看到優酷有,快去看,否則可能被河蟹刪了。

好想睇啊




[引用] | 作者 Calvin Chiang | 21st Jul 2010 22:56 PM | [舉報垃圾留言]

[6] Re: i-Joel
i-Joel :

(亞鈴被姦後傻咗,每日不停刷牙,係刷到出血都唔會停...)
don兄講漏後面:係用馬桶水黎刷既,之後星哥隔住玻璃窗,見到自己個女顛成咁樣,箇股悲憤,真正好戲!
仲有一場:矮腳虎地痞跟塔箇陣,聞到星哥陣味,驚到廁紙都無用,拉起條褲就雞咁腳,之後...
都係留番俾大家睇片啦!


...


很想看亞鈴怎樣刷牙......


[引用] | 作者 Calvin Chiang | 21st Jul 2010 20:29 PM | [舉報垃圾留言]

睇碟啦

[引用版主回覆] | 作者 麥DON鴻 | 21st Jul 2010 22:52 PM

[5]

我好多年前都有睇過呢套戲,由於嗰時比較後生,睇時覺得好驚,如果無記錯,如尾好似會播校長嘅 "魔與道"。
仲有當時覺得嗰五個臭飛係抵死,完全係企係阿叔個邊!


[引用] | 作者 Milky Lee | 21st Jul 2010 20:17 PM | [舉報垃圾留言]

咁多數人都會幫陳星一家架喇!!!唔通幫5個仆街咩!?

[引用版主回覆] | 作者 麥DON鴻 | 28th Aug 2010 19:11 PM

[4]

蛇佬個樣同Mr.個鼓佬個樣都有幾分相似,笑死我
果套咩山狗2,已經變左鬼佬果d崎形人片既方式,得啖笑


[引用] | 作者 Lionel Chan | 21st Jul 2010 15:42 PM | [舉報垃圾留言]

呵呵....都幾似嘅

[引用版主回覆] | 作者 麥DON鴻 | 21st Jul 2010 22:53 PM

[3]

好想睇啊


[引用] | 作者 bunnyhon (Shanghai bunny) | 21st Jul 2010 11:32 AM | [舉報垃圾留言]

上網搵下有無得睇啦!

[引用版主回覆] | 作者 麥DON鴻 | 21st Jul 2010 22:53 PM

Next