香港新浪網 MySinaBlog
« 上一篇 | 下一篇 »
麥don鴻 | 19th Jul 2010, 23:15 PM | 麥DON鴻三級話之你 | (5063 Reads)

大家可能會覺得今次標題個名好奇怪? 點解人妖會同錢小豪拉上關係呢? 大家睇完段片就知架喇!!!

大家睇下錢小豪,聽到有人妖對佢講"我愛你"之後,個樣幾無心機,不過人妖始終都係半個女人,錢小豪最終都忍唔住講返句"我愛你"回禮。

 

相信睇戲唔多嘅BLOG友,對呢套戲應該會無咩印象架喇!?

呢套戲就係叫"淫妖豪情",一聽個名就知係3級片啦.............套戲係1992年,由劉強富導演;劉少君監製;錢小豪、錢嘉樂、西協 美智子、吳嘉麗................同埋一大班泰國"有柄特產"傾情演出................但套戲成日俾人叫錯做"淫乳豪 情",不過套戲又真係幾多"乳"下,仲好大"乳"添...................

劉少君個名可以講喺爛片界已經起晒"朵",真係每逢有佢份投資、監製、導演又或者主演嘅戲,都必定係爛片..............代表作有"魔 幻紫水晶"、"九月初九新娘潭"、"愛滋初體驗"、"鬼名模"、"古惑夕陽紅"等等.....................真係一聽個戲名,就知有料 到................有D電影人都會有成日KEEP唔到水準呢個問題,但喺劉少君身上係絕對無,因為佢永遠KEEP住爛,都爛晒 啦..............仲點還原呀................呵呵!!!

套戲仲有吳嘉麗友情客串兩嘢做錢小豪老婆,不過佢好快就"瓜柴"喇!!!

錢嘉樂係呢套戲嘅第二男主角,不過佢個造型就明顯參考"龍的心"入面嘅洪金寶,洪金寶喺"龍的心"入面做咩角色!? 唔係嘛.................咁都仲要問? 

邊個揸男人波揸得咁過癮?

咪就係西協美智子囉................佢喺戲入面係飾演人妖幫嘅首領,佢做緊乜? 自己諗啦!!!

呢位亞叔係邊位? 佢咪就係"打蛇"入面嘅毒蛇囉................呢位演員其實叫洪鋒,佢今次演出就無"打蛇"咁舒服喇!!! 因為佢今次喺戲入面要應付大量"動作場面"。

大家睇下真係少D腰力都唔掂架................"雄風"呢個名真係無改錯架!!!

呢位就係"爛片之霸"劉少君..............大家睇下佢身邊嘅............就係馳名中外嘅泰國"有柄特產"喇!!! 呢D"特產"亦係呢套戲嘅賣點之一。

套戲嘅另一賣點,就係錢小豪同錢嘉樂兩兄弟同場演出,仲有D對打場面添.............其實佢哋兩兄弟真係好少一齊參與同一部戲嘅幕前演 出,仲要佢哋有多場對手戲添..............難怪當年呢個都當係賣點啦!!!

全套戲有90%都係泰國實地拍攝,呢D賣埠戲有D爆破場面就梗架喇!!!

大家唔好以為睇緊"STAR WAR",佢哋揸緊嘅並唔係激光鎗,只係低能點三八一支,話時話,畫菲林火花條友使唔使咁重手呀!!!

套戲最後一個賣點,就係錢小豪零替身肉搏泰妹。當年已經貴為全世界超級巨星嘅錢小豪,簡單嘅踢腳轉身對打就當然盡量用替身上陣,所以多數遠鏡拍攝, 但錢小豪每逢拍親呢D肉搏場面,就絕對零替身上陣,揸波吸啜動作做到足,仲個個大頭拍攝,保證絕無替身,錢小豪嗰份專業精神,真係絕對值得人欽敬同埋欽 崇,抵佢而家仲咁......................紅...................!!!

各位全球錢小豪FANS可以放心,條女係無柄嘅...............不過條女以前有無柄? 我就唔敢包喇!!!.................睇下泰妹個樣咁足戲,可能小小豪都無用替身"真做"都未定?


[9] Re: 麥DON鴻
麥DON鴻 :
佢除咗濫拍令佢人氣下滑之外,佢當年偷拍人裙底單嘢先係死因......不過呢D都係佢自己攞嚟.....都唔怨得人喇!

都唔明佢做乜變到咁....我好喜歡佢.....前妻gar, 阿郭秀雲, 真係啱晒錢小豪.....夠大!


[引用] | 作者 Ming Leung | 2nd Aug 2010 10:41 AM | [舉報垃圾留言]

郭秀雲後生真係幾索

[引用版主回覆] | 作者 麥DON鴻 | 13th Aug 2010 20:50 PM

[8]

睇返好多錢小豪當年拍既彊屍片, 其實真係唔差, 又打得個樣又幾好, 可能真係拍得太濫所以走下坡....


[引用] | 作者 Ming Leung | 30th Jul 2010 11:44 AM | [舉報垃圾留言]

佢除咗濫拍令佢人氣下滑之外,佢當年偷拍人裙底單嘢先係死因......不過呢D都係佢自己攞嚟.....都唔怨得人喇!

[引用版主回覆] | 作者 麥DON鴻 | 30th Jul 2010 16:35 PM

[7]

除咗"爛片之霸"劉少君,我仲記得另外一個,就係
梁鴻華啦!雖然佢唔係部部都係爛片,但大部份D手法都非常老套,真係唔明點建佢地拍極都仲有人投資。


[引用] | 作者 milky lee | 20th Jul 2010 18:09 PM | [舉報垃圾留言]

梁鴻華大部份嘅戲佢都有份投資,如果唔係真係搵鬼俾錢佢,佢d戲唔算爛,題材有時都幾勇於創新,不過太少錢,所以拍起上嚟硬係爭少少咁。

[引用版主回覆] | 作者 麥DON鴻 | 20th Jul 2010 21:02 PM

[6]

話說我認識劉少君也只是從《真情》而已,那時還覺得他名字很女性化。


[引用] | 作者 Calvin Chiang | 20th Jul 2010 16:55 PM | [舉報垃圾留言]

其實佢個樣都幾女人下

[引用版主回覆] | 作者 麥DON鴻 | 13th Aug 2010 20:49 PM

[5] 錢小豪

其實錢小豪有咩戲係擔正又賣座嫁? 我頂多記得佢拍過"袁振俠與衛斯理", 但當時卡士好勁, 啲人以為發哥係主角, 其他我真係唔知, 有無高人指點?


[引用] | 作者 Sunny Chan | 20th Jul 2010 10:12 AM | [舉報垃圾留言]

其實錢小豪個人擔正有咩係真係好賣座嘅就無,不過佢勝在有賣埠叫座力,所以佢拍過嘅咩地方投資者都有,就算越南嘅電視電影佢都有拍過,可能就係佢太顧住拍賣埠戲搵錢,但有非常濫拍,所以先越拍越霉。

[引用版主回覆] | 作者 麥DON鴻 | 20th Jul 2010 10:20 AM

[4]

錢氏兄弟同台的,印象中好像真的只有這套。

灰先生
[引用] | 作者 灰先生 | 20th Jul 2010 09:48 AM | [舉報垃圾留言]

一齊幕前演出應該喺得呢套,一時間都醒唔起仲有無其他戲係一齊做嘅。

[引用版主回覆] | 作者 麥DON鴻 | 20th Jul 2010 10:09 AM

[3]

原來劉生是拍電影起家的,失覺晒。還以為只有「真情」添。


[引用] | 作者 戴維斯 | 20th Jul 2010 06:25 AM | [舉報垃圾留言]

劉生喺邵氏嗰陣都拍唔少戲啦!

[引用版主回覆] | 作者 麥DON鴻 | 20th Jul 2010 10:21 AM

[2]

不過驟眼睇,真係女人型格。應該有細心揀過。

i-Joel
[引用] | 作者 i-Joel | 20th Jul 2010 04:39 AM | [舉報垃圾留言]

咁呢條"女"都好多對白講,當然要揀過啦!呵呵!!!

[引用版主回覆] | 作者 麥DON鴻 | 20th Jul 2010 10:27 AM

[1]

睇多次都仲係覺得 .."嘩!!~~~" 然後 .. 睇下個post .. :pp haahaahaa


[引用] | 作者 wythe li | 20th Jul 2010 01:15 AM | [舉報垃圾留言]

係咪真先???

[引用版主回覆] | 作者 麥DON鴻 | 13th Aug 2010 20:48 PM