香港新浪網 MySinaBlog
« 上一篇 | 下一篇 »
麥don鴻 | 19th Jul 2010, 22:50 PM | 絕對雜睇回憶港產片 | (797 Reads)

大家覺得好奇怪,點解今次會係介紹一套粵語長片呢? 其實介紹得梗係有理由,1967年由大導演龍剛執導嘅"英雄本色",對往後港產英雄片嘅路向,有好深遠嘅影響。吳宇森嘅"英雄本色"更用此戲作藍本,何想而知套戲有幾大吸引力................

 

開頭已經交代咗李卓雄(謝賢)點同班兄弟去爆夾萬,然後其中一名"鬆d"(兄弟)俾差佬做低咗,卓雄叫阿罕(西瓜刨)拎走d錢,交俾佢老母親同帶佢條女betty(盈莉)走,卓雄當場被捕判監15年.................

卓雄坐緊監期間,佢條女betty已經跟咗獨眼龍(石堅)做情婦,呢幕係講獨眼龍d馬仔,因為爆夾萬失手,驚動咗警方,呂探長覺得呢單嘢嘅幕後主腦,就係獨眼龍,所以就請佢返去協助調查............

大家留意獨眼龍嘅造型,已經唔係戴單邊眼罩扮獨眼龍,係真係有化妝扮盲,認真程度亦算係當時粵語片中少見。

獨眼龍見自己班馬仔咁無撚用,淨係識爆漿,而家爆個夾萬仔都失手,所以就決定搵卓雄幫手...............因為卓雄喺一名出晒名爆夾萬嘅慣匪,有佢加盟幫手一定掂..............

卓雄終於都有得假釋,臨去前,同倉亞叔俾咗封信卓雄,叫佢只要去搵信入面嘅人,一齊生活問題都可以解決..............卓雄正在計算俾人撚嘅可能性有幾高,一封信就咁勁,真唔真呀!!!

卓雄終於出獄喇.................

留意謝賢嘅造型,絕對可以用型嚟形容,佢嘅服飾亦唔止西裝加賊仔帽,仲有皮褸添,呢套戲嘅演員服裝設計亦有別於一般粵語片,服裝設計上明顯花過心機。

獨眼龍一知卓雄出獄,即刻搵人接佢,仲想搵佢一齊做單大嘢。不過卓雄擺出一幅"呢d嘢我係唔會試嘅面口",就拒撚絕咗獨眼龍班馬仔喇..............

獨眼龍知道卓雄唔肯幫佢,決定要斷卓雄米路,要令佢搵工處處碰壁,迫到佢一定要幫自己為止....................

卓雄唔想返屋企,怕自己細佬李志琛(王偉)會知道真相,會睇唔起自己,所以暫時就住喺阿罕度先...............

阿罕將卓雄喺新加坡返嚟嘅事話俾志琛聽,志琛聽到卓雄返嚟非常"膠興",因為佢已經有19幾年無見過亞哥喇! 咪住....................咩新加坡呀!!! 唔係坐完15碌出嚟咩!!! 阿罕為咗唔想令志琛知道真相,所以一直呃佢話卓雄去咗新加坡做嘢....................不過卓雄亞媽就當然知道真相啦! 仲覺得自己有個坐過監嘅仔好無面,仲怕卓雄嘅事會影響細佬嘅前途添...................

卓雄喺街度撞到文雀何杰(杜平)偷蘇安娜(陳齊頌)銀包,卓雄決定教撚訓佢..................

卓雄決定跟住獄中亞叔俾佢封信,去搵呢位亞叔,呢位亞叔真係俾份工佢做,嘩.............咁筍........原來佢哋係兩兄弟嚟,亞哥寫得信推薦得嘅人,必定信得過.................不過就要卓雄保守佢亞哥要坐30年監嘅秘密,唔可以話俾佢亞哥個女蘇安娜知...................

本來都做得好地地....................不過獨眼龍知佢喺邊度做,同老細講幾句,卓雄又無得做喇!..........................

卓雄定時要去簽簿,呂探長(龍剛)想昆鳩佢去做臥底,混入獨眼龍入面幫佢破案,卓雄就梗係睬佢都智障啦!.............呂探長亦睇撚死卓雄一定會再犯案,一有機會就要釘死佢..............

獨眼龍命鞋籠沙(麥基)要卓雄住都無得住,叫佢凶下阿罕,如果再收留卓雄,就屋都整撚爛佢.................

嘩....................點解卓雄對腳仲擘得仲大過D"o靚模"呢?.....................想知? 睇碟啦!!!

卓雄暈咗,好在阿駝救返佢..................不過阿駝最後都.................

鞋籠沙可能聽嘢聽多咗,人哋獨眼龍只係叫佢凶下阿罕,都凶完人啦! 應該都收手喇! 但係佢見阿駝竟然救咗卓雄,竟然唔聽order做嘢,私自殺死阿駝................另外,卓雄亦聽阿駝說話去釋囚協會.....................究竟呢段戲會係點嘅呢? 都係嗰句...............睇碟啦!!!

阿駝死咗....................呂sir即刻拉卓雄返差館,話成件事一定係佢做,乘機過卓雄一棟................

因為有陳立品做証人,證明卓雄係用key閂門嘅,唔係用腳踢門.................再加上有釋囚協會嘅幹事麥思欣(嘉玲)做時間証人,卓雄就梗係無事啦!

思欣覺得卓雄成日俾獨眼龍搞,長時間落去都唔撚係辦法,所以叫卓雄暫時喺釋囚宿舍踎住先,起碼可以解決最基本嘅大小二便問題,同有得瞓有嘢eat先,得閒就做下d無銀用義工過下日晨咁.............

阿罕覺得卓雄唔應該係釋囚宿舍住,應該返屋企一家團聚,所以就帶志琛嚟宿舍搵卓雄............阿罕同志琛講卓雄因為係新加坡生意失敗,所以就返嚟香港喺釋囚協會做住義工先..................吓!!! 咁都有人信.................智障架!!! 有...............志琛信咗11成啦!

卓雄返到屋企見到蘇安娜,佢原來係志琛條女,安娜已經知道卓雄坐過監,仲知道自己老豆仲要坐多19幾年添...................邊個仆街講架! 又話守秘密................咪就係安娜個亞叔...............叫卓雄保守秘密個老嘢囉!!!

志琛帶卓雄去食飯.................咁多地方唔去,偏要去自己個客獨眼龍間餐廳..............真係.............咁啱嘅!!! 獨眼龍知道志琛係卓雄細佬,決定利用志琛引卓雄出山.............

志琛老細突然叫佢入房,同志琛講係咪有個坐咗15年監嘅大佬............志琛都唔知佢講乜春................不過佢決定去搵卓雄問清楚.................話時話,佢老細又知卓雄坐過監...............邊個講嘅呢?

志琛喺釋囚協會當眾鬧卓雄,佢咁講令卓雄打咗志琛一巴,志琛一怒之下即時走撚咗..............

獨眼龍見志琛卓雄兄弟反目,就教唆志琛去爆自己公司夾萬,志琛飲醉咗就同獨眼龍講自己有公司條key..................唔駛炸開個夾萬咁智障................一開門就有銀用啦!

betty知道獨眼龍教唆志琛爆格,即刻搵卓雄幫拖,點知卓雄唔喺度,卓雄媽只係問佢乜水,佢就自動波將卓雄打劫嘅原因爆晒出嚟.................原來卓雄為咗令志琛可以讀大學,所以決定做埋最後一單就收手兼同betty結婚...................點知!?............卓雄媽聽到個仔原來懶偉大成咁撚樣...............自己做老母嘅竟然睇小佢,覺得自己好仆街冚家剷......................仲感動到出水添..................

安娜救仔深切,竟然勇敢地去到獨眼龍屋企搵志琛...................真係..................

卓雄單拖踩場救志琛..................點知都係俾人扑撚暈咗同安娜一齊,成件事點搞架!

志琛俾人夾住去開夾萬..............當中仲有鎗戰場面添..............想睇? 睇碟囉!!!

卓雄為志琛頂罪.................判監3年.....................

卓雄喺囚車見到何杰出現大為失望..................

結局最尾出現思欣同呂sir嘅對話,其實係反映社會對釋囚嘅兩種意見,一方係接納同支持,另一方就係欺壓同嘲諷..............之後兩人各走相反方向,即係想講大家對釋囚嘅見解仍未能搵到共識,呢幕暗喻係粵語片中較為少見...................

咁就再會喇!!!

 

 

 

 

 

注意: 以下部份內容,只係小弟個人意見,有部份資料喺未經證實,所以只供參考,敬請各位blog友留意!!! 另外,對小弟文筆不滿之BLOG友,不喜可以勿看,但切勿留言作過份抨擊,懇請自律!!!

 

大家睇完成套戲,唔知感覺如何呢? 係咪同大家腦海中諗嘅有少許出入呢? 可能你哋會覺得唔夠刺激,不過呢套其實係一套半說教片,並唔係英雄片,只係吳宇森嘅改編太過成功同深入民心啫................大家心水清應該估到由杜平飾演嘅何杰其實就係mark哥,李卓雄就係豪哥,王偉當然就係亞杰啦! 吳宇森除咗用呢套嘅藍本拍"英雄本色"外,吳氏有好多作品亦有參考此片,例如:卓雄同何杰嘅背對背打交對敵,尾場鎗戰場面.................係咪講開又覺得好熟口面呢?

龍剛嘅作品多少都有少許說教意味,不過感覺就無吳楚帆嗰種咁強硬,表達方式比較間接一d,例如: 何杰(杜平)為咗證明俾卓雄睇自己可以改過自身,千辛萬苦都要交返個銀包俾蘇安娜(陳齊頌),即係想講要改過太夾硬無用嘅,自己唔願意就點迫都無撚用啦! 另外,套戲嘅動作場面,用當時嘅粵語片尺度嚟睇都算幾暴力,當然同當時邵氏張徹嗰d暴力比咁就仲爭好撚遠。仲有,就係龍剛電影入面多數會出現一d政府機關,呢樣亦係當時粵語片中比較少提及,今次就提到香港釋囚協會, 其實龍剛係想帶俾觀眾一個信息,只要你願意改過自身,社會總會幫到你.............都係一d軟性信息,喜唔喜歡龍導演嘅心意,咁就真係好見仁見智喇! 

可以講龍剛開始執導嘅年代(無記錯應該係1966年嘅處女作"播音王子"),已經係粵語片唔再受歡迎嘅年代,因為邵氏當年嘅彩色國語電影嘅出現,對仲係"黑媽媽"嘅粵語片吸引力難免不再,就算龍導演拍攝風格有幾特別,同內容幾咁有社會意識都幫助唔大.................一般人對龍剛d戲,多數會睇但唔會特別鍾愛,因為始終都有d說教意味,難免有d悶,頂唔頂得順就睇大家嘅接受能力喇! 不過佢嘅故事創作方向,角色造型同拍攝手法,而家睇返都唔會覺得OUT,仲有我始終覺得電影除咗帶俾人娛樂之外,可以帶出社會問題都好重要,龍導演嘅戲就可以完全做到以上呢兩點...........但又有幾多人真係咁深切去研究同接受呢?


[4]

謝賢真係好有型, 石堅果份梟雄味真係爆燈!其他人...真係唔多識.


[引用] | 作者 winglass | 9th Aug 2010 09:04 AM | [舉報垃圾留言]

[3]

很少見以此為題材的粵語長片呢,而且製作也出奇地認真,比其他搭幾堂景、找幾個人說幾句對白便一套戲的七日鮮電影認真多了。


[引用] | 作者 Calvin Chiang | 21st Jul 2010 20:56 PM | [舉報垃圾留言]

龍剛D戲製作係好認真同有內容,係絕對唔可以同嗰D七日鮮比嘅....

[引用版主回覆] | 作者 麥DON鴻 | 21st Jul 2010 22:45 PM

[2]

多谢介绍。
獨眼龍好型, Betty 好正


[引用] | 作者 bunnyhon (Shanghai bunny) | 20th Jul 2010 20:25 PM | [舉報垃圾留言]

Betty真係幾正....呵呵!!!

[引用版主回覆] | 作者 麥DON鴻 | 20th Jul 2010 21:03 PM

[1]

所以要到今(2010)年龍剛先至有導演作品回顧展,其人可謂比同輩足足走前一代半人。尤其《昨日今日明白》(《瘟疫》殘本),SARS後再睇,感覺直追西片《廿八日後》(28 Days Later)。

i-Joel
[引用] | 作者 i-Joel | 20th Jul 2010 04:53 AM | [舉報垃圾留言]

其實龍剛D戲真係有別於當年一批粵語片,好似"飛女正傳"咁,蕭芳芳嘅演繹方式已經超越同期佢所拍嘅戲,同埋60年代龍剛已經識關注青少年問題,真係算走得好前架喇!

[引用版主回覆] | 作者 麥DON鴻 | 20th Jul 2010 09:07 AM