香港新浪網 MySinaBlog
« 上一篇 | 下一篇 »
麥don鴻 | 22nd Aug 2010, 21:50 PM | 史老闆把鬼推介 | (508 Reads)

我姓史,大家可以叫我做史老闆,繼上次"鬼眼"之後,相信大家對我應該唔會陌生嘞..............今次喺麥DON鴻個新地盤度,我史老闆嘅"史老闆把鬼推介"又會再次蒲頭,除咗會翻POST返"車魂"、"蜈蚣咒"外,仲有將"蠱"、"魔"、"種鬼"等舊POST變為長篇介紹,同埋我將會同大家講"腦魔",想睇呢套戲嘅朋友就要捕實喇!!!

我史老闆以後將會主持"史老闆把鬼推介"呢個環節,呢個環節將會介紹多套經典港產鬼片降頭片,會用長篇或短篇式介紹。由於我同麥DON鴻關係特殊,所以以後每篇長篇介紹嘅觀後感,都會由麥DON鴻親自寫返,而我就只再旁述介紹................

唔阻大家時間,今次頭砲要介紹嘅就係好多人都好想搵返嚟睇,但其實故事好一般嘅"車魂",我曾經聽好多人講,寧願冚家剷死晒都好想睇返呢套戲,話呢套戲恐怖之餘仲好睇到仆街,究竟套戲係咪真係恐怖同好睇成咁? 相信大家睇完就會自有答案喇!!!

1983年由盧寶倫導演嘅"車魂",其實只係當年云云恐怖片同降頭片中嘅其中一部,成績唔算十分突出,不過可以搵到當時當紅緊嘅艾迪同魏秋樺做男女主角,算係"大卡士"架喇!!! D人成日話套戲好撚恐怖,係咪其實講緊D字咋!!!

故事一開頭就影住一間玩具廠,工頭亞麥(方傑)不停催工友做嘢快手D要趕住交貨,點知..................

催到呢位亞叔夾撚斷咗隻手指.................唔.................真係恐佈喇!!!

亞麥見亞叔工友斷手指仲狂剷佢無撚用,搞到D其他工友要圍住亞麥輪插.................

亞麥襯嗰位亞叔工友送院途中,竟然喺部機度拎咗一舊嘢上嚟,仲陰陰嘴笑..............嘩!!! 好驚呀!!!

鏡頭一轉,就交代文迪(艾迪)同KITTY(魏秋樺)兩公婆恩愛一番,咁又磨咗分幾鐘.................

文迪返到公司,就尋晚亞叔工友斷手指件事大興問罪亞麥同亞天,亞麥見老細咁好火,即刻拎件玩具車出嚟俾老細消消氣..................

亞麥之前拎住舊嘢陰陰笑,其實嗰舊嘢係玩具車嘅車頭部份嚟,佢想拎舊嘢話係自己整領功,點知................

文迪串鳩亞麥話佢究竟有無見過勞斯萊斯? 點解整到個車頭成個龜頭咁.................仲即時將架車丟落街.......................

架車爭D掟瓜呢位小妹妹小青(馬寶明),好在俾附近執緊紙皮嘅阻街頭(鄭則仕)救返,小青即刻用情挑眼神好撚深情咁望住阻街頭.................

阻街頭去到小青屋企,見到佢嘅環境仲差過自己,即刻伸出同情之手俾錢小青買嘢食...................

仲叫小青以後一放學就要嚟搵佢,小青再用電眼電多阻街頭一嘢.....................

小青同阻街頭嘅感情,咁就開始咗,小青見阻街頭唔識英文就話主動教佢,點知就乘機用言語間抽阻街頭水....................

大家睇下,講男BOY女GRIL,都可以老屈阻街頭係佢BOY FRIEND,我而家開始知套戲恐怖喺邊喇!!!

到夜晚食飯前,小青又問阻街頭想唔想結婚? 阻街頭話咁窮無人要,小青就話佢肯嫁俾佢...................小青究竟知唔知結咗婚要扑嘢架...................仆街!!!

頭先小青向阻街頭"求婚",跟住阻街頭竟然幻想同小青結婚好開心,然後一齊玩奔走嘅畫面.................屌!!! 其實阻街頭係咪有戀童癖架!!!

阻街頭幻想同小青玩完奔走之後,跟住就同"老婆"同"外母"食飯,小青同佢老母講,話記唔記得佢生日,佢老母就話就算唔記得自己死忌,都唔會唔記得佢生日,仲話會買個蛋糕俾佢添,點知小青話"老公"已經應撚承買個台慶蛋糕俾佢EAT,叫佢慳返D錢做帛金................原來小青聽日生日,唔怪得春心動對阻街頭起痰啦!!! 可能佢想生日正日俾阻街頭玩"全破壁"都未定................真賤格!!!

食完飯小青就喺度玩車,點解呢件爭D掟瓜佢嘅"凶器"會喺佢手? 原因係小青雖然俾呢架車掟到爆頭,但覺得架車幾靚所以決定據為己有,有一樣嘢真係恐撚佈,架車由咁撚高飛落街,竟然都仲可以完整無缺...................有無咁撚邪呀!!!

玩玩下車,"老婆"就問"老公"點解架車好似仲老過佢,"老公"就話呢架車叫勞斯萊斯,係有銀用嘅人先買得起,跟住"老婆"就問"老公"點解唔買返架揸下,呢句嘢登時搞到"老公"DEAD撚晒AIR................乜以前D小朋友咁撚現實架!

佢哋3人傾傾下偈,小老母(小青老母簡稱)突然頭痛發作,好在小青及時拎藥過嚟,EAT咗先無事。呢幕真係睇到我有D心寒,因為扮演小青老母嘅演員,演技竟然同而家TVB演技之霸曹永廉D做戲表情完全一撚樣,真係"好戲"到得人驚......................驚到呀!

小老母頭痛完回咗氣之後,見個天行雷閃電,佢驚阻街頭會突然獸性大發擒小青,所以叫佢走先,阻街頭見"外母"咁嘅情況,其實又點走得安樂....................不過小老母再用曹永廉式演技叫佢走,阻街頭先肯走咋!!!

臨走前,"老婆"叫"老公"聽日記得買一個3磅蛋糕同佢慶生,大家睇下呢個場面幾咁溫馨,真係打個茄輪都仲得,不過呢句已經成為小青對阻街頭講嘅最後一句說話喇!!!

鏡頭突然一轉,就影住文迪帶埋KITTY去DISCO見客,傾傾下文迪突然被台上嘅露奶SHOW GIRL邀請跳返PART舞,文迪竟然跳到忘晒形,直頭當佢老婆好似已經過撚咗身一樣,睇下KITTY個表情,就知佢個心一定講撚晒粗口啦!!! 呢幕跳舞戲咁又磨咗4分幾鐘,當中個露奶SHOW GIRL FING波FING足成分幾鐘嘅場面,真係令人有一種不寒而慄嘅感覺。

影完FING波之後,鏡頭一轉,又影住小老母頭痛發作,小青同佢老母講,話D頭痛藥EAT撚晒,正當驚慌惶恐之際,突然醒起阻街頭俾嗰張10蚊,就即刻飛奔去買頭痛藥,叫佢老母頂住.....................

鏡頭又一轉,影住文迪醉酒揸車,KITTY見咁大雨佢又揸成咁,叫佢小撚心D.............大家可能睇到字幕就叫艾迪,但配音係叫文迪架,呢D配音同字幕不符嘅情況,70-80年代嘅港產片經常出現。

話口未完,即時就"乃"嘢撞到小青.....................呀..............................

小青雖然被撞到就嚟釘,不過都用最後一口氣講要去買藥,講完就真係釘蓋喇!!!

小青釘咗,佢兩個馬仔就叫文迪快D走,如果唔係飲醉酒揸車撞死人要坐監,到時就麻撚煩喇!!!

KITTY一聽到話要不顧而去,當堂小晒鬼..............不過幾小晒鬼都好,佢最終都係跟大隊走.................

KITTY喺車度見到小青死狀.................真係一片無奈!!!

 

 

 

 

 

 

 

待 續............

 

下集真恐怖嘅劇情終於展開,想知幽冥小青嘅復仇計劃會係點?想知咁就要密切留意"史老闆把鬼推介 - 車魂 (1)"

 

PS: 有睇過呢套戲嘅BLOG友,請勿爆響口講晒D內容.............多謝合作!!!


[3]

車魂編文之前係Don哥yahoo blog睇過, 而家返睇, 都係覺得套戲唔多吸引, 無七龍珠比到我果種驚喜.


[引用] | 作者 Louis Lin | 28th Aug 2010 15:09 PM | [舉報垃圾留言]

兩套戲嘅戲種都唔同....呵呵!!!

[引用版主回覆] | 作者 麥DON鴻 | 28th Aug 2010 19:32 PM

[2]

人鬼不倫情未了好驚呀!


[引用] | 作者 Matthew Tse | 27th Aug 2010 20:03 PM | [舉報垃圾留言]

係不知所謂的驚.....呵呵!!!

[引用版主回覆] | 作者 麥DON鴻 | 28th Aug 2010 19:32 PM

[1]

話說小青的口味還真......獨特。


[引用] | 作者 Calvin Chiang | 22nd Aug 2010 22:57 PM | [舉報垃圾留言]

呢D先叫識食

[引用版主回覆] | 作者 麥DON鴻 | 28th Aug 2010 19:33 PM