香港新浪網 MySinaBlog
« 上一篇 | 下一篇 »
麥don鴻 | 18th Jul 2010, 00:20 AM | 每DON睇碟時 | (359 Reads)

今次同大家介紹嘅,就係3隻而家都絕絕地之餘,大家都好有興趣又或者有意欲想睇返嘅香港新浪潮電影,呢3套戲都係由美亞大約喺2001年左右重新發行,不過近年大家都應該比較少見呢3套戲出現............究竟係邊3套戲咁巴撚閉? 大家睇完介紹就知架喇!!!

第一套係"邊緣人",其實呢套都仲未算好絕,有運嘅話都仲可以喺一D二手碟舖搵到,價錢大概$40-60左右,視乎新淨程度而定。呢套戲可以講係美亞出咁多套新浪潮電影中,最多人想買返嘅一套.................不過套戲咁經典,邊個唔想儲呀!!!

第二套係"殺出西營盤",呢套就真係算坊間比較難入手嘅一套,9成新出面都要賣成$80-100左右一隻,值唔值就見仁見智。不過呢套戲都有出過日版DVD,所以如果儲唔到VCD,儲DVD都係一撚樣啫!!!

第三套係"凶榜",同"邊緣人"、"殺出西營盤"唔同嘅係呢套戲至今,都仲有VCD喺市面賣緊,不過賣嘅就唔係大家而家睇到呢個版本,係印有"美亞娛樂"四隻死人大字嘅新版,但舊版而家就只有二手舖先可以搵到,$8-10左右一隻,嚇老母同細路一流之 選...................呢套戲之前美亞都有出 過DVD版,雖然而家少見,但就唔算炒得勁貴,全新都係百鬆D蚊................值唔值得買,就睇你LIKE唔LIKE呢套戲喇!!!

 

 

PS: 當年美亞出呢D新浪潮電影,因為未知市面反應如何,所以碟面都係慳成本嘅雙色圖案印刷,並無用到4色彩圖印刷。


其實除咗以上呢3套之外,仲有"美國心"、"父子情"、"半邊人"、"舞牛"等等都係由美亞發行,而家呢4隻都係絕絕地,不過呢4套戲都唔係小弟杯茶,所以我就無儲喇...............其他新浪潮電影,如: "地獄無門"、"蝶變"、"山狗"、"黃禍"、"跳灰"、"狐蝠"、"舞廳"、"牆內牆外"、"打擂台"、"再生人"、"點指兵兵"等等...............都係01年至02年期間,被多間影碟發行商"珠城"、"美亞"、"寰宇"、富城"、"鉅星"同"海岸"爭住拎版權出碟.............點解突然之間d影碟發行商,對新浪潮電影咁撚有興趣? 因為01年喺香港電影金像獎20週年,當年都好似大事宣傳香港79-84年間新浪潮電影,連電視台都要播呢d舊片助下興,咁各影碟發行商梗係要趁機搵下錢啦!!! 所以先咁筍有一大堆新浪潮電影推出市面。

不過雖然有咁多戲翻出過,但而家有某部份戲已經再次成為絕版貨,當然絕版嘢就梗有"不法之徒"拎嚟炒賣啦!!! 小弟有生之年,最希望"撞到正"、"瘋劫"同"愛殺",可以拎到版權出正版,等我哋唔使睇copy當正版咁悲慘...............(雖然呢3套戲我都有copy喺手)

 

 

以上資料可能有誤,想知更多詳細資料,就請自行再search

 

 

 

PS: 以上價錢只供參考之用,小弟並無鼓勵他人炒賣之意,始終用幾百蚊買一隻VCD同DVD,值唔值真係好見仁見智喇!

[6]

找到邊緣人,第一時間看,一點也沒有過時的感覺,故事一氣呵成,阿潮的絕境,矛盾各方面導演都表達得很好


[引用] | 作者 henryluk | 28th Aug 2010 00:42 AM | [舉報垃圾留言]

呢套戲真係過多10件睇都唔會OUT

[引用版主回覆] | 作者 麥DON鴻 | 28th Aug 2010 19:38 PM

[5] 絕版碟...

我隻邊緣人同你唔同...我的一隻係紅色, 另一隻係黃色喎...

其實"跳灰"同"狐蝠"如果真係01/02年出過, 點解咁難搵? 連網上同二手店都好似絕左跡咁...


[引用] | 作者 Frederick Lo | 19th Jul 2010 22:54 PM | [舉報垃圾留言]

其實當年美亞出呢批碟,多數都係用兩色印刷,基本上咩色都會用下,多數都係藍、綠、黃、黑、紅、紫、橙呢幾隻色,通常初版會係鐳射底,再版就係白底(好似"殺出西營盤"嗰款),咩顏色同咩碟底,都唔會提高或減少價格,因為叻極都係圖案碟嚟......

另外,富城D"跳灰"同"狐蝠"咁絕,傳聞係因為佢哋出貨少(只出1千隻),去貨又快,所以先令呢D碟成為絕版,就算而家有得買都要二三百蚊,仲要唔係全新,值唔值就見仁見智喇!當然我就梗係有碟喺手啦!呵呵!!!

[引用版主回覆] | 作者 麥DON鴻 | 19th Jul 2010 23:05 PM

[4] Re: 麥DON鴻
麥DON鴻 :

遲d"don紅劇場"有得睇,到時咪知囉!


不如你下次嚟過預告嚟緊有咩戲要寫, 不過咁又好似俾自己有壓力, 同埋又唔係打工, 唔使咁迫自己啫, 矛盾中....


[引用] | 作者 Sunny Chan | 19th Jul 2010 11:03 AM | [舉報垃圾留言]

其實我有時預告咗都會改,因為我份人好講求即興,所以預告都無用....呵呵!!!

[引用版主回覆] | 作者 麥DON鴻 | 19th Jul 2010 11:11 AM

[3]

聽聞當年"打擂台"好似係屬於cult得嚟殘忍嗰隻, Don哥有無睇過, 有無意見?


[引用] | 作者 Sunny Chan | 19th Jul 2010 10:19 AM | [舉報垃圾留言]

遲d"don紅劇場"有得睇,到時咪知囉!

[引用版主回覆] | 作者 麥DON鴻 | 19th Jul 2010 10:44 AM

[2]

其實我無睇過"凶榜"ar, 係咪真係好恐怖ga?


[引用] | 作者 mandylai | 18th Jul 2010 18:29 PM | [舉報垃圾留言]

其實"凶榜"如果大人睇,就應該唔會覺得恐怖,有興趣可以搵嚟睇下嘅。

[引用版主回覆] | 作者 麥DON鴻 | 18th Jul 2010 19:04 PM

[1]

再生人係咪林子祥做套ar?
我睇親都覺得幾恐怖,haha~仲有葉倩文做嗰套"靈氣迫人"我都唔敢睇晒~~haha


[引用] | 作者 mandylai | 18th Jul 2010 18:11 PM | [舉報垃圾留言]

"再生人"好多女仔都話恐怖,我只係覺得悶D啫....呵呵!!!

[引用版主回覆] | 作者 麥DON鴻 | 18th Jul 2010 18:21 PM