香港新浪網 MySinaBlog
« 上一篇 | 下一篇 »
麥don鴻 | 17th Jul 2010, 21:45 PM | 絕對雜睇回憶港產片 | (1355 Reads)

上回講到..........請睇返"桂治洪導演 - 女集中營(上)"

 

崔國棟終於都帶班女逃出集中營喇! 其實呢幕已經講大佐同洋子已經知道崔嘅真正身份,亦知道佢會協助洪玉蘭等人逃走,所以先俾佢哋好輕易走到,然後暗中跟住佢哋..............

崔國棟嘅駕駛技術係點? 相信憑班女嘅表情,大家都應該估到9成半喇............

瑪麗點解會死? 睇碟咪知囉!!!

佢哋終於都去到白雲嶺,不過洪玉蘭就始終唔記得山洞嘅正確位置,正在思考中..................話時話,唔見咗胡麗珠嘅.....................死咗9年啦!!! 邊個殺架?  睇碟咪知囉!!! 剩低黃霞同伊麗莎白,你哋可以估下邊個先係無間臥底???

另一方面,崔國棟推測胡麗珠嘅死,應該係佢發現有人留記號有關,崔唯有改變記號方向,希望可以延遲日軍上到白雲嶺,同"昆"佢哋去預先埋伏班游擊隊嗰邊,希望可以令班日軍損兵折將............呢幕尾場逃亡戲,亦係戲中必睇位,因為都算幾緊張刺激...................

呢個方向指去邊嘅呢???

洋子以為自己條針留記號話俾佢知,呢個就係藏金點..................不過大佐覺得有可疑,懷疑入面可能有游擊隊埋伏,所以先派一少隊人入內查察.....................點知....................

幾時都係老細醒目...................游擊隊空群出洞,日軍死傷嚴重....................崔國棟亦盡快去到白雲嶺同珍妮花佢哋會合......................

洪玉蘭終於都記得山洞所在位置,亦順利搵出黃金。其實呢批黃金,係用嚟俾抗日組織買武器打日本仔之用..................

洪玉蘭同伊麗莎白相繼中鎗..............................究竟係邊個開鎗嘅呢?

原來黃霞先係臥底......................

珍妮花同黃霞肉搏完一輪,終於都不敵....................黃霞仲想做瓜埋佢..............好在................

崔國棟及時出現,將黃霞打走.................

黃霞唔夠想打走佬,點知俾臨時趕到嘅日軍亂鎗打死,洋子見到黃霞個樣先知打錯人...............

最後生死鬥 - 崔國棟決戰大佐

至於珍妮花就追住洋子狂打,珍妮花仲好力到拎舊大石狂扑洋子,搞到洋子wing wing地就將佢塞入個鐵筒入面............然後推落山..........之後洋子點? 相信唔使我再講啦!!!

珍妮花見崔國棟同大佐,打成日都仲未收得工,決定開鎗做瓜大佐..........大佐死唔死得?............睇碟啦!!!....................

不過珍妮花開完鎗,就俾後面負傷嘅日本仔從後開鎗,珍妮花當場釘蓋.............

珍妮花最後同崔國棟講完"我愛你"之後..............咁就香咗喇!!!...............

 

 

 

 

 

注意: 以下部份內容,只係小弟個人意見,有部份資料喺未經證實,所以只供參考,敬請各位blog友留意!!! 另外,對小弟文筆不滿之BLOG友,不喜可以勿看,但切勿留言作過份抨擊,懇請自律!!!

 

"打蛇"同"女集中營",雖然都係港產集體凌辱嘅經典,不過"打蛇"好明顯係挑戰當時嘅電檢尺度而拍,所有嘅場面唔止係鹽花同凌虐,人物嘅設定都可以講係自私同無人性,佢哋所做嘅行為睇完真係可以令你個心唔舒服。相反,"女集中營"就係一套典型嘅凌辱片,雖然用當時嘅尺度,係可以睇到好多人嘩嘩聲,不過好多場面都可能因當時社會仲係比較保守嘅關係,拍好多凌辱場面只係意識上大膽,好多場面都點到即止。況且,桂治洪只係用集中營借題發揮一下,加d鹽花暴力,其實主要都係一個尋金故事,表達故事能力方面,桂氏真係有自己一套,佢處理大量人物同故事支線,都可以分配得好好唔混亂,真係相當唔錯!!!

桂治洪喺拍攝兩場逃亡戲份時,都相當有實感,同女演員不顧身世咁去演出,真係拍得出逃亡時應有嘅感覺。喺描寫戲中人物性格同故事表達方面,總算有頭有尾,反駁位亦唔算多。睇過桂治洪嘅戲,都知佢一定有鹽花,不過佢d鹽只花放喺開頭前半部嘅一少部份,後半部就全用嚟講故事,今次佢都唔例外,有鹽花又講到故事又有動作場面,真係皆大歡喜喇!

"女集中營"而家喺各大HMV仲有一兩隻擺喺度,有興趣可以買嚟睇下。不過啱唔啱閣下口味,咁就見仁見智喇!!!


[6]

睇Don鴻兄o既介紹,好似好精彩咁。 有戲情又有鹽花..


[引用] | 作者 Andeon | 27th Jul 2010 17:38 PM | [舉報垃圾留言]

[5]

羅烈,我淨係記得佢做白眉道人, 個樣好鬼陰濕, 估唔到佢都做得正派主角. 反而另一個專做奸角的王龍威好似真係未做過正派


[引用] | 作者 Petvin Ma | 21st Jul 2010 10:32 AM | [舉報垃圾留言]

[4]

其實呢套戲真係好正. 前半部有凌辱色情暴力, 下半部有逃獄尋寶, 好似乜野元素都放哂入去, 但又拍得好好. 所以桂治洪一直係我偶像.


[引用] | 作者 Frederick Lo | 20th Jul 2010 00:05 AM | [舉報垃圾留言]

[3]

好像真的很刺激呢,尤其是逃離集中營那一幕。


[引用] | 作者 calvin7651 | 19th Jul 2010 22:24 PM | [舉報垃圾留言]

其實都真係算拍得唔錯架喇!!!

[引用版主回覆] | 作者 麥DON鴻 | 19th Jul 2010 23:06 PM

[2] Re: 麥DON鴻
麥DON鴻 :

"姦魔"我有碟係手,遲D我會介紹架喇!


嘩, Don哥, 你有咩戲係無嫁?!


[引用] | 作者 Sunny Chan | 18th Jul 2010 22:16 PM | [舉報垃圾留言]

其實我有好多戲都無,不過有D戲咁啱又有喺手啫!呵呵!!!

[引用版主回覆] | 作者 麥DON鴻 | 18th Jul 2010 23:56 PM

[1] 桂治洪

唔睇你facebook都唔知原來桂治洪都導演過"姦魔",我唔知邵氏有無出番呢套dvd/vcd, 事關我"口靓"仔逃學時睇早場就睇過呢套, 細時唔知呢套"姦魔"係二合一, 一入去戲院時以為被昆買錯飛, 同埋如果宜家睇呢套"姦魔"都應該幾有歷史意義, 因為故事係發生喺徙置區, 家下啲90後都唔知徙置區係咩.


[引用] | 作者 Sunny Chan | 18th Jul 2010 21:20 PM | [舉報垃圾留言]

"姦魔"我有碟係手,遲D我會介紹架喇!

[引用版主回覆] | 作者 麥DON鴻 | 18th Jul 2010 21:52 PM