香港新浪網 MySinaBlog
« 上一篇 | 下一篇 »
麥don鴻 | 16th Jul 2010, 08:30 AM | 每DON睇戲時 | (1765 Reads)
吓!? 乜尹光都有拍過戲嘅咩................其實尹光都有參與過"豪門夜宴"、"不文騷"同"炸彈情人"等電影嘅演出,不過呢D戲都係屬過鏡客串或配角性質,並唔係主角..............但尹光都做過主角,仲要喺戲中同黃一山有大量對打場面,大玩六點棍法同鐵布衫................大家先睇下D劇照先

大家睇下尹光呢下姿勢..................真係都睇得下架!!!

黃一山亦都唔弱..................擺定個姿勢先..................

然後使出一招..................頂你個肺................連肺都出埋,就梗係吹你唔撚漲啦!!!

佢雖然唔係黃飛鴻.................但佢喺戲入面叫黃飛雄,所以都可能識無影腳。

呢招係咩!?

咪就係失傳咗好撚耐嘅鐵布衫囉!!!

大家睇下尹光嘅鐵布衫幾勁....................

呢D咪就係叫做英雄出老年囉!!!

 

相信大家都應該一路睇一路妖妖聲架喇!!! 想唔想知呢套係咩戲!? 呢套戲就係.........

呢套"老表發錢寒",係1991年由柯星沛導演,尹光、葉子媚、成奎安、黃一山主演,雖然套戲某d場面同對白,真係幾cheap同幾爛 下...................不過小弟而家睇返都仲笑得出,當然大家笑唔笑得出,就梗係好見仁見智啦!!! 成套戲無咩內容,不過如果大家有興趣想睇嘅,都可以租 / 買套戲返嚟睇,話唔定睇完套戲會令你嘅個人品格下降都未定..................即係咩意思!? 即係大家睇完成套戲之後,都會成個人都cheap晒咁解....................唔信!? 咁就唔使多講喇....................睇過你就知架喇!!!

論港產電影攝影嚟講.............柯星沛呢個名都算出名,好似"葉問"、"青苔"、"野.良犬"............甚至最近嘅" 打擂台".....................都出自佢手,水準如何!? 相信我話好應該都無人反對嘅。

不過佢做導演就...................有目共睹啦!!! 大家除咗可以睇"老表發錢寒",欣賞柯導演嘅導技之外,亦可以睇一套由張智霖、陳奕迅主演,謝霆鋒客串嘅"漫畫風雲",呢套戲嘅水準直情超越晒"老表發錢 寒",呢套戲亦令後世人只要一提起柯星沛三個字...............就會即時諗起"爛"呢個字,好似成為佢代號一樣。

柯星沛並唔係拍親戲都爛嘅,較為人知嘅作品有"歌者戀歌"、"金燕子"同"猛鬼入侵黑社會"等.................

呢位係乜水!? 相信大家都可能要諗一陣,先醒起佢叫翁杏蘭..................吓!!! 唔知佢係邊個!? 自己上網search啦.................

戲中佢同雷宇揚係一對.................咁都正路嘅...............因為成套戲,雷宇揚已經係算最靚仔嗰個架 喇!!!

葉子媚呢場艷舞戲,係成套戲嘅賣點之一,大家想睇呢場戲,上youtube search下就有大把有得你睇架喇!!!

呢隻係兔相信大家都知,不過呢隻兔叫咩名,大家又知唔知!? 你哋可以叫佢安全"兔"又得,避孕"兔"又得................因為呢隻兔真係賣"套"嘅...............

隻兔都係媚姐扮嘅..................戲中葉子媚係第一女主角,所以造型就梗係多d架喇!!!

葉子媚戲中有好多賣點,除咗跳艷舞、扮兔同例牌水著之外,跑步亦係最重要嘅賣點之一,仲要係跑得好撚快嗰隻................... 真係跑到fing上fing落架.................賤格! 咩fing上fing落呀.................我講對...............對..................手啫!!!

 

 

值得一提.............戲中成奎安仲歷史性慘遭魯芬強............. 強.............強.............

大傻食飽飯連屎都未痾...............就慘遭魯芬強行拉入房開餐

睇下魯芬個樣幾狼...................

邊個叫戴卓爾!? 大傻咪叫戴卓爾囉..............咁葉子媚叫咩名!? 佢叫葉綠素...........葉綠素!?

搞完一輪,魯芬都淨係攞到大傻嘅初吻.....................

睇下大傻喊得幾慘,可能仲慘過被人通櫃架!!!


[1]

都好够力下!!!


[引用] | 作者 Wing | 16th Jul 2010 10:56 AM | [舉報垃圾留言]

咩夠力先?

[引用版主回覆] | 作者 麥DON鴻 | 16th Jul 2010 11:06 AM