香港新浪網 MySinaBlog
« 上一篇 | 下一篇 »
麥don鴻 | 15th Jul 2010, 22:50 PM | 爛片大災難 | (339 Reads)

上回講到..........請睇返"爛片大災難 - 黑獄梟雄(上)"

 

洪義:「江川先生,好多謝你一個仙都唔使,用最原始嘅獸性暴力救返我,真係多撚謝你。為咗報答江川先生嘅救命之恩,我就將你個仔江角三郎嘅真正死因,全部講撚晒過你聽...................」

江川一島:「E...............你個諗樣又諗嘢喎!!!」

洪義:「係呀.............江川先生,而家你已經喺我回憶入面喇!!!..............話說你個仔一到香港第一日,國際刑警已經派咗條女設計溝你個仔,佢專登扮俾你個仔架車撞到佢,然後佢又唔知點解帶你個仔返屋企.......................」

江川一島:「乜俾車撞到唔係入醫院? 返屋企做咩呀!!! 咁無邏輯架!!!」

洪義:「................咪............就係!!!」

洪義:「跟住你個仔見條女間屋佈置唔錯,就問條女收入幾多,點知條女話自己收入唔穩定,因為佢係做導遊嘅.....................」

江川一島:「喂.......你成日條女前條女後咁叫人,你有無家教架!!! 條女有無名架!?」

洪義:「妖.................你最撚有教養,條女叫李湘雲.............」

喺"父報子仇"入面呢位女國際刑警,其實並無幫佢起名,只係國際刑警前國際刑警後咁叫佢。不過喺舊片片段中,就有交代歐陽佩珊呢個國際刑警角色,其實係叫李湘雲。

洪義:「跟住你個仔話咁快就同佢拍拖,之後條女就好似旺財咁跟出跟入,你個仔嘅一舉一動佢都知得一清二楚。」

洪義:「跟住你個仔又突然同條女去跳老舞...............睇下一對狗男女笑得幾撚開心」

江川一島:「又真係幾似狗男女喎...............喂..........做乜撚嘢話我個仔呀!」

洪義:「一時感觸啫!!!」

洪義:「跟住你個仔又唔知點解突然同人打交.................」

洪義:「跟住你個仔俾差佬拉咗,條女一見你個仔返嚟,就好突然問點解會咁快放返出嚟!?」

洪義:「之後你個仔就話因為香港有最好嘅律師................應該唔關葉鄭鄧事...........」

洪義:「跟住話咁快,你個仔同條女就去咗山頂餐廳EAT嘢..............點知你個仔一打開餐牌就見到....................」

江川一島:「E..............乜洗手間有嘢食嘅咩???」

洪義:「吓................你唔識字架!?」

江川一島:「呀................你唔記得我係日本人嚟嘅咩!? 咁多漢字我唔識睇架.............洗手間有咩食啫!!!」

洪義:「食咖喱汁呀...............仆街...............」

洪義:「以下交返俾你個仔講兩句..................」

江川一島:「仔呀!!!.....................仔呀!!!」

楊孝龍:「問你一條5萬蚊嘅題目,有乜嘢係香港製造,仲要係每一塊都充撚滿維他命嘅....................」

江角三郎:「生命麵包..............生命麵包..............生命麵包..............」

楊孝龍:「答中.............不過嗰5皮嘢之前已經俾撚咗你喇!!! 入返正題.............你即刻準備返日本...................」

江角三郎:「咁D貨點!?」

楊孝龍:「你照帶埋上機得架喇!!!」

江角三郎:「咁樣做我受硬靶架喎...............最慘可能會俾D日本仔通櫃架!!!」

楊孝龍:「你放心...............我已經安排好晒架喇..................」

楊孝龍:「不過你記得帶埋你條女一齊去.........................」

江角三郎:「吓...............一齊去!? 咁佢都會俾人通櫃架喎!?」

楊孝龍:「傻仔.................出門梗係要帶個女人,咁先可以方便掩人耳目................」

江角三郎:「原來係咁...............咁帶你老母去啦!!!」

楊孝龍:「嗱...................」

洪義:「好..............又到我講喇!!!...............你個仔本來已經約好條女一齊上機,點知你個仔到咗機場,都仲未見條女出現,就打返去屋企問佢咩事? 條女話佢唔舒服所以唔去..............你個仔一聽見條女唔舒服,就飛奔返屋企,點知條女立即表明身份拉你個仔................」

江川一島:「咩身份...................」

洪義:「飲啖水先....................自己睇啦!!!」

洪義:「跟住你個仔諗住講埋D冧女嘢打動條女,諗住令佢唔會開鎗.............點知..............」

江角三郎:「呀...............呀...............呀...............呀...............」

洪義:「真係ON9仔.............咁就香咗.............佢真係俾國際刑警殺死架!!!」

江川一島:「仔呀!!!.....................仔呀!!!」

江川一島:「雖然你講我個仔係俾國際刑警殺死,不過你D回憶實在太亂,東一忽西一忽,我都唔知你噏乜..............你都係話我知杜日雄喺邊啦!!! 因為我始終深信,我個仔係俾杜日雄害死嘅................」

洪義:「回憶亂我都唔想架................講咁撚耐你又唔撚信..............阻撚住我食晏..................轉介你去搵大隻成啦!!! 呢個係杜日雄嘅直屬馬仔,一定搵到杜日雄架喇!!!.............以後咪撚再煩我呀!!!」

江川一島:「妖..................又轉介.................」

其實今集D片段,真係睇到我自己都好亂(如果你哋親眼睇,可能都會覺得直情唔知做乜),不過小弟已經盡量剪輯,希望令大家易明D,相信大家就算幾亂都好,都親眼睇到江角三郎點死..............大家請記住呢點...............因為人哋老豆仲係死都唔信架!!!

鏡頭一轉,江川一島就跟住洪義寫嘅地址,嚟到呢間漢順餐廳搵大隻成....................

呢位就係大隻成..................都幾有米下,因為佢就係呢間漢順餐廳嘅老細嚟!!!

大隻成:「你就係嗰個成日自稱係人哋老豆嘅日本仔呀! 想搵我大佬杜日雄,佢收晒好耐架喇!!! 不過你要搵佢都唔係無辦法.................嘅!!!」

江川一島:「我明你意思.............不過錢我就無...............但我可以送樣嘢俾你............」

大隻成:「係咩....................」

江川一島:「就係將你條命還返俾你...............你意下如何.................」

大隻成:「仆街...............凶鳩我呀!!!...............總之無錢無得傾..............想郁我!? 無水都痾尿照下自己個樣啦!!!................郁我..................呸!!!」

以上嘅「就係將你條命還返俾你」同「無水都痾尿照下自己個樣啦」均為戲中真實對白..................咩「送樣嘢俾你,就係將你條命送返俾你..........」呢句對白我聽完都笑咗出嚟!!! 估唔到話想殺人都可以講得咁婉轉.................

大隻成:「妖..........點解咁撚多烏蠅架...........員工甲..........快D拎烏蠅拍嚟!!!」

江川一島:「唔使拎喇..................等我幫你啦....................」

江川快刀一出之下,所有烏蠅全部死撚晒喺張枱度................死狀恐撚佈..................

大隻成:「咩.............咩.............咩...............扮勁呀!!! 我............帶..........你去見我大佬..............唔好...........以為我"瀉"你同驚慌................只.............係我唔想你再傷害D手無串鐵................嘅烏蠅啫...................」

江川一島:「妖....................驚就驚啦!!!」

戲中交代江川係全日本最撚快嘅快槍手.............SORRY!!! 係快刀手,所以佢一出刀D烏蠅就全部死撚晒,嚇到大隻成當堂成隻嘢咁!!!」

大隻成真係無因為江川嗰幾下快刀就"瀉"佢,仲搵人隊冧佢添,可惜好打到咩咁嘅江川就梗係無事啦!!! 仲命令大隻成即刻帶佢見杜日雄,如果唔係就即場殺咗佢。

江川終於都見到杜日雄喇!!!

江川一島:「你就係殺我個仔嘅兇手杜日雄...............!?」

杜日雄:「YES..............I AM................」

杜日雄:「呵呵................唔好意思..............句對白打咗喺上面添.............不過唔緊要都係我嚟架!!! 真係同一個人嚟架.....................原來你就係三郎個老豆,你個仔當年就害得我慘喇!!!」

江川一島:「你.................又諗嘢呀!!!」

全片最大驚喜,就係舊片段中嘅獨眼龍,竟然可以係新版中出現之餘,仲要係同一位演員做返。呢個情況,喺呢D用舊片片段加新拍片段當新嘢嘅爛片中,可以講好少出現呢D情況,通常喺舊片中出現嘅演員,喺新版都多數唔會出現,因為D舊片段多數都係剪剪埋埋,無咩特別意思,純粹魚目混珠"昆"觀眾睇晒套戲,但呢D片段多數同故事無咩串連關係,都係各有各做。但呢套戲今次擺明用舊片中一個角色作主線,延續一個新故事,本來之前放D舊片片段,都係零零碎碎非常混亂,但當呢個人物真身出現之後,竟然出現咗一個非常合理嘅串連作用,最少唔係淨係齋剪剪貼貼,真係有D安排同構思................呢個安排小弟真係十分之欣賞,亦係小弟想介紹呢套戲嘅原因,真係等大家見識下,原來咁樣都可以拍到戲架!!!

講返呢位飾演杜日雄嘅演員,其實佢叫鄭麒膺,係70-80年代略有知名度嘅動作指導同演員,相信睇開舊港產片嘅BLOG友,對佢應該有D印象。佢喺呢套舊片中亦係該片嘅動作指導,佢嘅生招牌就係佢面兩側嘅鬚,可以講真係留鬚都留都幾特別..........今次佢喺"父報子仇"嘅角色,同舊片片段中出現嘅造型係相同(雖然都唔算好似),咩名喺舊片片段中就無交代,所以大家可以叫佢做杜日雄都得.............不過戲中有一點非常特別,就係全套"父報子仇"所有演員,不論係講國/粵語都好,都係全新配音,只有鄭麒膺嘅國語版配音,係用佢自己原音,粵語就係搵人配嘅,點解有個咁特別嘅安排,真係連我都唔知喇!!!

杜日雄:「話說當年同你個仔交貨,本來都進行行得如火如荼..................」

杜日雄:「點知突然有差佬.................我就估十成十都係你個仔報臭串.............攪到我無晒D貨....................」

杜日雄:「跟住好快又天光喇!!! 突然間你個仔喺我間屋出現,我當然就梗係想即刻收佢皮啦!!!」

杜日雄:「跟住同你個仔.................打呀打.................打呀打.................打呀打.................打呀打.................終於我都係輸撚咗.................不過我根本無殺過你個仔.......................上集好多人都知你個仔係俾個國際刑警害死啦!!! 唔好屈鳩我呀!!!」

江川一島:「我唔理呀..............我唔制呀...............一定係你走漏咗風聲俾國際刑警知,我個仔先出事,總之一定係你做..............係你做.............係你做................」

杜日雄:「妖..................好撚煩呀你!!!」

江川一島:「我問你....................楊孝龍又係咪你殺嘅......................」

杜日雄:「你咁撚煩............我實答你嘅...............」

杜日雄:「話說有一日楊孝龍被差佬用直昇機,喺一個人影都無個嘅沙灘度圍捕佢....................」

江川一島:「邊個係杜少雄???」

杜日雄:「杜少雄咪即係楊孝龍囉..................」

江川一島:「吓..................唔同音架喎!!!」

杜日雄:「啱音架...........聽住我讀一次...............杜少雄楊孝龍杜少雄楊孝龍杜少雄楊孝龍杜少雄楊孝龍杜少雄楊孝龍杜少雄楊孝龍杜少雄楊孝龍杜少雄楊孝龍杜少雄楊孝龍杜少雄楊孝龍杜少雄楊孝龍杜少雄楊孝龍...............楊孝龍...........」

杜日雄:「係咪啱音呀!!!」

江川一島:「又好似.............幾啱音喎!!!」

"父報子仇"中交代向華強飾演嘅角色叫楊孝龍,本來喺舊片片段中,前半部都無出現過向華強個角色名,不過呢場直昇機追捕戲中,如果唔係叫過一次杜少雄呢個名,可能就真係唔知道個新名竟然可以爭咁遠。

杜日雄:「楊孝龍同D差佬打起上嚟.......................」

江川一島:「個結他一定有D嘢..................」

杜日雄:「你又知!?」

江川一島:「一睇就知佢結他收埋D粉啦!!!」

杜日雄:「................好撚嘢喎!!!」

江川一島:「佢EAT乜撚呀!!!」

杜日雄:「佢EAT自己粒衫鈕...........」

江川一島:「吓..............食得嘅咩!?」

杜日雄:「佢哋幫會有條幫規,就係事敗就要人亡,粒衫鈕有毒嘅............」

江川一島:「鬼唔知有毒,唔通有士多啤梨味咩! 佢死狀會唔會好撚恐佈架!」

江川一島:「嘩................佢企得咁撚型嘅.....................」

杜日雄:「死咗架喇!!!」

江川一島:「吓..............使唔使死得咁型呀!!!................喂!!! 入返正題............我要同三郎報仇................我要殺咗你..................受死啦!!!」

杜日雄:「唔爭咗在等多陣................下集先啦!!! 我而家急屎呀!!!」

江川一島:「又好................下集先收你皮....................」

 

 

 

 

 

 

 

待 續............

 

下集江川同杜日雄終於都嚟個終極決戰,究竟邊撚個會贏呢? 仲有D舊片片段,究竟係嚟自邊套戲,大家又想唔想知呢? 想知咁就要密切留意"爛片大災難 - 黑獄梟雄(下)"

 

PS: 如有BLOG友有幸睇過呢套戲,請勿爆響口講晒D內容............. 多謝合作!!!