香港新浪網 MySinaBlog
« 上一篇 | 下一篇 »
麥don鴻 | 11th Jul 2010, 23:31 PM | 絕對雜睇回憶港產片 | (4565 Reads)
凌辱片,亦有人稱為剝削片(剝削嘅就係人權、尊嚴同肉體),可以話香港而家唔會再有呢類片種。不過邵氏喺1973年由桂治洪導演嘅"女集中營"同1980年牟敦芾導演嘅"打蛇",都屬於集體凌辱片種,單對單凌辱嘅就有1974年同樣由桂治洪導演嘅"蛇殺手"喇!!!

"打蛇" 故事係講3名由大陸來港嘅偷渡客(分別為家姐亞荃、亞荃老公東哥同亞荃細佬大種),本來已經順利嚟咗香港,不過唔好彩俾一班專禁錮人蛇嘅蛇頭捉左,呢班蛇頭會迫人蛇講出電話number,然後就打電話去人蛇屋企勒索,佢哋唔肯俾number,所以受盡陵辱。亞荃慘俾輪姦,大種亦慘死.............經過千辛萬苦,亞荃兩夫婦同其他人蛇終於逃出魔掌,點知...........

開頭警方大舉拉人蛇一幕,拍攝極具真實感

亞荃一家(左起亞荃老公東哥、亞荃、亞荃細佬大種)順利避過警方追捕,喺逃中見到一個外表善良嘅亞伯,仲好有善叫佢哋去佢屋企坐下,點知...............

人蛇集團其實都分好多黨,所以如果邊黨捉到人蛇多,其他蛇黨就會諗計偷佢哋D人蛇,呢個帳幕入面全部都係另一黨嘅人蛇,佢哋要一次過打暈,然後先能夠將佢地捉走................

亞荃一家俾另一人蛇集團捉住,蛇頭班馬仔一見亞荃,即刻就要同妹妹玩下先,非常心急..........咁亞荃老公呢.........人哋老公喊緊呀! 唔好嘈!!!

蛇頭班馬仔做任何事都團結一致,同妹妹(梁珍妮)玩時,玩集體遊戲係指定動作............

呢個就係上圖個女仔嘅家姐,佢堅決唔除衫,仲走入鐵絲網入面,結果蛇頭好好人,真係唔駛佢除喎! 只係連人帶鐵絲網一齊燒左佢............佢個妹亦嚇到當場傻撚咗

毒蛇 - 全片最勁嘅逃亡專家,因為佢總共有7次偷渡來港嘅經驗,勁過"Prison Break",7次??? 即係佢次次都...............無錯,佢今次就醒喇! 偷咗民兵嘅手榴彈,搞到蛇頭d馬仔都怕撚咗佢,所以佢戲入面生活同皇帝一樣,不過無佢班人蛇一世都走唔到,手榴彈??? 堅定流呀..............睇戲啦!!!

人蛇黨會除晒人蛇d衫,等佢哋唔走得................

毒蛇每日都有報紙睇,而佢亦因為不停睇報紙而了解香港人生活,方便第日做香港人都入流d,不過睇完d報紙仲有一個用途,就係俾其他人蛇當衫著同當被用,夠晒環保。

雖然咁嚴,但總有人想偷走嘅,呢個男人想走,俾人捉返之後,係咁易都要將佢除晒衫倒吊示眾,留意呢個男演員係有正面全裸鏡頭嘅...............

蛇頭見班女人蛇太耐無沖涼,所以好心同佢哋集體沖下涼...............

沖完涼仲同佢哋化埋妝,所有人蛇黨D馬仔,每個都受個專業訓練,化妝勁過亞Zing,睇下佢哋幾專業同細心,佢哋將女人蛇6個一組圍圈綁埋一齊化,化咁靚做乜呀!?

原來有人嚟買人蛇,唔怪得知要化行妝啦! 呢一幕係全片最賤格,蛇頭(詹森)同大肥佬買家用打手勢方式傾價錢,呢幕全場無聲只用影像交代,將人蛇當時被賣時慘遭悔辱嘅心情完全表現晒出嚟。

佢哋迫亞荃睇咩呀!............佢老公呢? 人哋又喊緊呀!

梗係唔係喊啦! 只係不停嗌佢老婆個名..........佢見到老婆俾人輪同俾人蝦,只會有兩個反應,就係喊同不停嗌老婆個名,全程怕事唔幫拖只係掛住去鑽石山嘅亞東,同亞荃細佬大種個種骨氣真係差得遠...............亞東結局佢仲自私到....................

人蛇黨迫亞荃睇乜嘢!? 咪就係睇D男人蛇全裸跳跳下囉!!! 真係相當有動感架,亞荃嘅細佬大種今次親眼見家姐受辱,即時出聲仲打蛇頭班馬仔(men過亞荃老公東哥19幾倍),最後梗係俾人捉住打一餐,跟住大種好串講左一句.............

就係以上呢句說話,深深打動咗蛇頭(詹森),睇下佢嘅眼神幾咁欣賞大種.............

大種俾捉走之際,做姐夫嘅當然要做D嘢啦,就係企係原位唔郁不停嗌大種個名............東哥今次都算盡撚晒力架喇..............呵呵!!!

全片最溫馨一幕,蛇頭生日,做細嘅當然要送禮物,送咩呀??? 大種呢???

唔駛嗌,大種喺度,呢份就係蛇頭嘅生日禮物,你睇下蛇頭對呢份禮物幾咁愛不惜手

........................舒服晒...............................

大種被姦之後癲左,俾人亂刀狂砍都咬實蛇頭條頸死都唔放,實行同歸於盡,呢幕大種雖然報到仇,但睇完呢幕..............我個心真係實撚晒..............

蛇頭死咗,個個都爭住要坐正,不過坐唔坐正事小,佢哋想殺死毒蛇事大,毒蛇會唔會死呢?

另一邊廂,毒蛇知道蛇頭一死,必定大亂,所以決定自己走先,不過梗有人求佢帶埋一齊走,毒蛇係呢部份非常重要,因為佢除咗成功制伏蛇頭班馬仔外,仲成功帶全部人離開,佢真係一個出色嘅逃亡專家,不過最後佢.................

毒蛇一班人正想走之際,竟然見返之前帳幕人蛇組既蛇頭,佢要全部人跟佢返去,好在有毒蛇喺度...............

毒蛇即時掟出唔知work唔work唯一手榴彈一枚.................

真係work喎!!!.......................全部人當場釘晒.............

一行人順利逃出魔掌............向市區出發,咩發你既財財呀! 呢首歌係毒蛇教佢哋唱,呢招係扮香港人嘅入門必殺技................一路都平安無事,點知.................

撞到正差人查牌,全車人查晒都過到骨,但當查到亞荃老公東哥時,差人盤佢住邊.........佢一開口就鑽.........鑽...........鑽石山,聰明嘅香港警察當然有懷疑,就係千鈞一髮之際..............

三柴艾飛(如果有睇過"蠱"嘅BLOG友,一定知佢係乜水)就唔耐煩講..............放佢地走啦!...........好彩佢哋走得甩..........咪開心住...............

唔好誤會,以上嘅"謝謝,同志"呢句對白,唔係車上嘅人講(車上為蛇頭D馬仔,點解佢哋會係架警車入面,想知? 睇戲啦!),咁邊個講架!?

咪就係亞荃老公囉,個仆街知衰多口,即係飛上車..................

逃亡專家- 毒蛇,完成第7次偷渡之旅,第8次等緊你,因為東哥一句"謝謝,同志",佢哋全部都被差人拉晒...................亞荃呢???

亞荃自願俾艾飛拉,佢一定係為咗老公可以安全逃走先咁做,好偉大呀! 其實啱一半,實情係亞東叫亞荃去引開班警察,等自己可以走得甩,亞荃為咗成全老公成日去鑽石山嘅白日夢,決定自首...............

亞東終於黎到未有荷里活廣場嘅鑽石山,睇下佢幾失望,東哥再次發揮不停嗌本色,以上對白講咗超過15次直至到套戲完為止............

 

 

 

 

 

注意: 以下部份內容,只係小弟個人意見,有部份資料喺未經證實,所以只供參考,敬請各位blog友留意!!! 另外,對小弟文筆不滿之BLOG友,不喜可以勿看,但切勿留言作過份抨擊,懇請自律!!!

牟敦芾導演除咗"打蛇","黑太陽731"亦係經典,不過兩套戲就不能相題並輪喇! 始終"黑太陽731"有歷史塾底,點暴力血腥核突都情有可願,因為可以呃自己當係史實咁睇。但"打蛇"好明顯係借人蛇被禁錮過橋,然後大玩血腥暴力鹽花。全片佔左有30min以上全部飾演人蛇嘅男女演員,都係全裸上陣無衫著,唔好話見到屁股,男女嘅正面全裸鏡頭都有唔少,可以話3點盡露,雖然係曬鹽花,但各演員嘅專業精神實在值得敬佩。戲中含有大量強姦輪姦性虐場面,都好具實感,仲係真實到有d反感嗰隻。

不過,戲中雖然人蛇被虐係慘,但導演無諗過要觀眾同情佢哋,因為喺一d對白中,已經交代佢哋嚟香港嘅膚淺原因,例如:女主角亞荃嚟香港嘅原因,原來只求望一眼香港就心足。佢老公就一直以為鑽石山真係有鑽石(爛gag),所以以為一嚟到香港就唔撚使做。所以當亞荃俾輪姦同佢細佬慘死,觀眾亦只會覺得呢d就係亞荃嚟香港嘅代價,所以唔會同情。最絕莫過於結局亞荃老公到咗鑽石山之後,不停反問唔相信自己去咗鑽石山,梗係啦! 鑽石山以前貧民區嚟嘛............真係睇到呢度都忍唔住笑咗出嚟.............不過係冷笑,好明顯導演呢段戲係嘲諷大陸人,嚟香港唔一定有金執嘅事實,亦暗笑當時大陸人嘅無知。當然時代唔同,香港都回歸,人民幣價值亦超越港紙,所以人蛇同蛇頭可以講已經成為歷史,不過"打蛇"亦真實反應出80年代初嘅社會狀態。


[1]

沖水、化妝、估價、還價一場戲,有人獨立拆開過‧
那個與詹森還價既肥佬,未知是否夏秀軒?
(文雋形容過此君的外形,與片中人頗為接近,其花名為「瘦蜆」)

i-Joel
[引用] | 作者 i-Joel | 13th Jul 2010 21:38 PM | [舉報垃圾留言]