香港新浪網 MySinaBlog
« 上一篇 | 下一篇 »
麥don鴻 | 11th Jul 2010, 22:31 PM | 爛片大災難 | (875 Reads)

上回講到............請睇返"爛片大災難 - 迷你特攻隊(上)"

 

佢哋班野俾鬼呀! 俾疆屍撚完一輪之後就全部暈咗..................一醒就見到.................

全部俾人綁住晒喺度.................點解要咁做呢?

跟住佢哋見到有人開壇作法,仲想殺死晒佢哋添..............點解??? 無交代喎!!!..........就係呢個時候......................

林青霞突然攝出嚟................仲一支火箭炮就收佢哋皮..................

打完一輪.............放一排龍吐珠咁就走得甩..............跟住林青霞就講,話頭先佢哋睇到嗰d嘢,全部都係掩眼法嚟,嗰d係江湖術士係想呃佢哋錢喎! 佢哋邊度有錢呀? 要錢又做咩要殺人呢? 掩眼法? 都好勁啫!!!..........真嘅一樣,完全唔知呢段戲想表達D乜撚嘢!?

離開咗間"鬼屋"之後,佢哋就去到日軍軍營,諗住去救人質,點知d人全部死晒..............究竟係邊個做嘅呢???

佢哋思索期間,霸王同張鈴又突然攝出嚟,話想幫拖喎!!! 真係夠晒正義兼得閒,就係呢個時候佢哋見到一隊車隊衝過嚟,跟住佢哋就全部走晒入屋..............

佢哋正在躲避中................話時話,日軍基地點解會有納粹黨旗喺度,支大日本軍旗呢?

好兇猛嘅日軍車隊(留意納粹黨logo周圍都係)............日軍要求佢哋如果肯交錢,就會放人質,仲限佢哋天光就要交錢..............如果唔係就殺晒佢哋...............嘩!!! 好亂..........真係好亂,日軍專登殺死自己d人,同整亂自己個基地去引佢哋出嚟!?

一天光,車隊大舉殺入.............好老實,上面嗰幕車隊出場同呢幕車隊殺入,兩幕嘅飛車場面都營造得幾有壓迫感同氣勢..............可惜,套嘢太爛加唔到分!!!

日軍嘅造型亦相當......................麒麟怪

各人奮力對抗,形勢大好................點知....................

突然之間佢哋又處於下風,導演用1min嘅劇情交代佢哋點撚樣死.............咁趕做咩呀!!!

劇情交代以上各人全部死晒後,d敵軍又突然離奇死晒,仲交代係由霸王全部殺死............喂!!! 當其他演員死架??? 不過..........完喇完喇!!! 睇下霸王個興奮樣,係由內到外再到返內嘅開心,因為就快可以收工喇!

張鈴:「恭喜你可以返香港...............雖然我哋仲未救到人質..............」
成龍:「..............係喎!.........人質點呀! 但我已經拍完要拍嘅鏡頭喎! 仲要拍呀!?」

究竟霸王見到D咩個樣會咁撚驚呢? 係吳綺莉定李宗盛呢? 唔通係................

原來霸王係見到王羽..............唔怪得佢咁驚啦!!! 因為佢又要拍多個鏡頭喇!

其實呢幕唔止霸王驚,我仲驚,明明之前close up王羽心口中鎗嘅,仲要係瓜得嗰隻,而家又蒲頭想點呀! 戲入面完全無交代點解佢會復活,只係話佢要一個人獨吞晒d錢,等林青霞班人死晒! 佢就可以吞晒d錢,搵佢哋做替死鬼喎!..............理由勉強都算講得通,但要扮死去呃人,仲要係堂堂上尉,會唔會出招低咗d呀!!! 仲有d人質喺邊標出嚟架! 明明4個人,而家得3個,究竟導演想點呀!?

之前無交代孫越死得未? 因為佢要等王羽一出場就做瓜佢..............

霸王見王羽殺死咗孫越,本來想逃之夭夭..............點知,王羽講一句經典對白,就係:「只有死人先會守秘密」之後,跟住霸王就要拍埋最後一個鏡頭喇!

呢場臨時改劇本嘅終極決戰,王羽一直處於上風,霸王都係捱打居多,追逐完一輪,王羽終於都出嘢喇!!!

出咩嘢!? 咪出武器囉!!! 原來王羽條皮帶係軟劍,好撚有武俠片FEEL呀! 跟住又打喇! 王羽同霸王打交一直保持單手,可能佢另一隻手真係廢廢地都未定...................

開頭霸王標童佔1min上風............之後...............

回下氣先.................就係呢下回氣.............之後霸王就...................

哎呀...................................一插........................... 呀!!!!

再插......................呀呀呀!!!!!!!!!........................成家班救命 呀!!!!!....................

.........................霸王又再標童1min.............

成龍:「死啦!.......................」
王羽:「............痛.............你未收錢架!................呀!!!!」
成龍:「..............sorry!!!」
王羽: 「喂.........打多幾下收工喇!」
成龍:「...........正!!!」

..................哎呀!!!.............

王羽終於都忍唔住要用兩隻手掟霸王喇!...................呀!!!

橫掂用開,是但啦!!! 兩隻手壓死你.....................呀!!!

.................死啦!!!..............成龍....................嘻嘻嘻!!!

.....................嗚嗚嗚...............呀................. 呀................我要收工呀!!!...........就係呢個千鈞一髮之際.............霸王突然摸到d嘢!!!

成龍:「what is this?」

親愛的成龍: 請向下一按................

一爆........................銀芽!!!........................

再銀芽................爆!!! 又成個景無晒!!! 今次真係收工喇! 王羽就咁就死撚咗..............

最尾講霸王堅持要車番佢哋d屍體走,3個將軍要求坐順風車一齊走(唔係4個咩!),點知霸王當佢哋無到話走就走。因為佢無將人質安全送返去,所以就算救咗都無錢收,即係白做.................妖!!!

 

 

 

注意: 以下部份內容,只係小弟個人意見,有部份資料喺未經證實,所以只供參考,敬請各位blog友留意!!! 另外,對小弟文筆不滿之BLOG友,不喜可以勿看,但切勿留言作過份抨擊,懇請自律!!!

其實"迷你特攻隊"嘅爛,成龍其實只佔4分1,最爛嘅其實故事雜亂堆砌,同不停玩台式爛gag。不過"迷你特攻隊"嘅製作絕對唔係低成本,片中嘅大量飛車爆破同千軍萬馬嘅場面,都算係當時頗有水準嘅製作,可以講"迷你特攻隊"係一套有成本但無內容嘅爛片。當然套戲爛唔爛? 就真係見仁見智喇! 大家有興趣都可以搵返呢套戲嚟睇,雖然唔算易搵,但都未算絕嘅..............

 

 

 

 

 

 

"迷你特攻隊"究竟有幾爛? 希望大家今次留言都評下呢套戲嘅災"爛"指數。呢套戲雖然有成本有製作,又有成龍、林青霞同鄭少秋等港星合演,不過始終都洗唔去嗰陣台灣娘味,所以我俾套戲嘅..............

災"爛"指數: (6個骷髏頭為最高)

套戲嘅飛車爆破,同最尾王羽對成龍嘅對打,真係算幫套戲挽回返唔少分數,所以先無去到盡一開始就爆晒6個骷髏頭,但成套戲充斥住唔少笑唔出嘅台式爛GAG,如果頂唔順真係隨時過10個骷髏頭都唔止,呢套戲真係可以令你睇完一次之後就唔想再睇,因為套戲真係無咩可以值得大家一睇再睇。


[6] 許多教育和有

許多教育和有趣,我覺得您的博客


[引用] | 作者 anabolic steroids | 27th Mar 2012 20:08 PM | [舉報垃圾留言]

[5]

有線依家播緊,幾好笑


[引用] | 作者 Akai | 21st Mar 2012 03:02 AM | [舉報垃圾留言]

[4]

當時霸王肯拍呢套大片 估計係因為王羽大哥曾經幫過佢 霸王於是還人情債 同一個情況亦都出現係火燒島一片上


[引用] | 作者 Ip | 6th Jul 2011 23:35 PM | [舉報垃圾留言]

[3]

我都睇過一套幾爛既戲, 叫'英雄人物'(好似係叫呢個名), 我係係澳洲讀書既時候租帶睇既(無錯, 係帶, 錄影帶), 都真係好爛, 可能無當兄你呢套咁爛, 但係係我當年既尺度, 真係想拎返餅帶返去打柒租帶鋪個老細(係佢話好睇叫我睇既)...唔知當兄你有無睇過呢?


[引用] | 作者 Ming Leung | 2nd Aug 2010 11:07 AM | [舉報垃圾留言]

"英雄人物"? 咩演員做架!?

[引用版主回覆] | 作者 麥DON鴻 | 13th Aug 2010 20:59 PM

[2]

最後一幕玩自爆,炸死左王羽,但點解成龍會冇事o既?


[引用] | 作者 Andeon | 17th Jul 2010 22:50 PM | [舉報垃圾留言]

呵呵......如果唔係咁,佢又點會被我列入為爛片呢? 你當霸王有不死身啦!

[引用版主回覆] | 作者 麥DON鴻 | 17th Jul 2010 23:17 PM

[1]

算我唔好彩,我睇過整整三次,無中途走人過。
此片真可謂「電影中的積木車」,或者是科學怪人。
大概大哥邊拍邊睇其他戲,覺得好用就隨手套到下一場。
記得成龍未紅前,神鳳正如日中天,曾笑過成龍不配做拍檔;後來成龍紅左,神鳳去片場望下,大鼻即叫收工,回番一野‧所以見到二人同場,真係O咀!!

i-Joel
[引用] | 作者 i-Joel | 13th Jul 2010 21:51 PM | [舉報垃圾留言]

有名你叫......霸王啦!呵呵!!!

[引用版主回覆] | 作者 麥DON鴻 | 13th Jul 2010 22:30 PM