香港新浪網 MySinaBlog
下一篇 »
麥don鴻 | 11th Jul 2010, 18:36 PM | 爛片大災難 | (2038 Reads)

"迷你特攻隊"係1983年王羽自資做老闆嘅作品,導演就搵嚟有台灣王晶之稱嘅朱延平執導,卡士方面本身已經大到咩咁,除咗有王羽自己做返之外,仲有林青霞、孫越、高凌風、張鈴、陶大偉、方正同許不了一齊做。(喂!!!除咗王羽同林青霞之外,其他都唔知係乜水喎!? 佢哋都係台灣當時嘅當紅藝人,我哋當然會有d陌生啦!)

注意: "爛片大災難"中,小弟介紹嘅所謂爛片,全屬個人感 覺,所以有可能同大家心目中嘅爛片有所出入。不過小弟嘅介紹只作個人分享,所以大家亦無須太緊張同作過份抨擊..............敬請留意!!! 

 

呢d就叫design喇! 個迷字側邊有個你字,仲有個人仔添,design到哩!!!

 

呢套戲喺台灣本土票房一定唔會有問題,不過王羽可能想香港都收得,所以就搵多兩位影星客串,一個就先賣個關子(知道嘅都唔好踢爆住),另一個就係成龍,霸王當時已經紅咗"醉拳"、"蛇形刁手'同"師弟出馬"等戲,喺香港已經有一定叫座力。難得當時嘅巨星王羽開聲叫客串,加上又有林青霞同xxx,套戲應該都唔會衰得去邊,所以就應承客串片中小混混角色一個,諗住做完可以收工,點知................古語有云:「遇人不熟,慘過自瀆」,霸王今次就俾人昆鳩咗喇! 佢拍吓一個鏡頭,拍吓又一個鏡頭,拍拍吓就變左主角,最抵死王羽係大哥,仲要真係大哥喎! 成龍幾唔願意都要拍埋先走得啦! 不過如果霸王一早走咗,相信我哋都唔會有機會睇到呢套"迷你特攻隊"啦!!!

"迷你特攻隊"嘅故事係講二次大戰期間,4個國家嘅將軍俾日軍捉咗,4日之內就會捉佢哋回國,各國政府為咗要救佢哋,就請咗魔鬼上將(王羽)幫拖,上將就帶同自己嘅部隊,4日之內誓要救出人質,點知............個故事大剛係咪好正路呢? 呵呵!!!真正嘅絕密內容..........即將揭曉.............

 

開場就講4國嘅將軍,俾日軍無端端俘虜咗,之後.................

政府就搵咗魔鬼上尉幫拖,之後佢點樣搵其他隊員林青霞、孫越、高凌風同陶大偉加入,呢d細節我就唔詳細講喇! 話時話,呢班擬似飲咗成支黑鬼油嘅係乜撚嘢人黎架! 咪政府軍囉!使唔使擦到塊面咁撚黑呀!?................妖! 呢D叫保護色,都唔撚識嘢嘅...............

真係有林青霞,真係無呃鳩你,咁嗰位亞叔又係乜水呀! 佢係台灣演員陶大偉,你睇林青霞個樣sweet到反眼.............就知佢哋好不幸係一對啦! 之後陶大偉俾王羽捉咗,林青霞就搵埋方正同許不了幫手救人,仲一齊去救4位將軍添,咁都得.............

鏡頭一轉,霸王出場,呢幕就係講佢做小混混去打擂台,同人鬥排場,即係點同對方鬥人多架勢,同點有細細支煙到含到咁大支野............嘩! 好笑到哩!

霸王碌野真係好大碌呀!.........................我輸喇!............跟住上擂台...........

霸王真功夫獻世................

痛..............痛.............痛..............再整痛我搵成家班打鳩你..................

咁串............咪換人囉!!! 其實故事交代頭先同霸王打嘅係假扮,係一早串通咗喎!!! 原來呢個先係堅嘢...........打完一輪...........個大肥佬飛身壓落霸王度,點知.............

俾霸王一咬唔放................

仲咬緊................

終於放口.............打完一輪,飛身一踢,收工!!! 霸王呢段小混混無端端打擂台嘅戲份,咁就磨咗8分幾鐘,霸王D戲份其實完咗架喇! 點知............王羽一句拍多過鏡頭啦! 霸王就.........

呢幕講王羽一班人喺荒山野嶺食食下野,霸王突然走出嚟老笠,佢隔離嘅係台灣演員張鈴,兩個雖然係小混混,不過就勁多衫換,做show一樣...........

成龍:「拍完收工............」
王羽:「拍多個鏡頭ok...........」
成龍:「.........吓........」
王羽:「唔滿意呀! 單手打死你.............」
成龍:「好......好......拍多兩個........」
王羽:「你自己話咋!!!」
成龍:「........」

一天光...........突然有馬賊出現.........佢哋一行人慌忙逃走............呢班馬賊係有鎗嘅..............

喂!!! 邊個死咗呀!? ...........咪王羽囉!!!...........吓..........咁早死??? (仲close up埋佢心口中鎗添)

雖然王羽死咗,但佢哋都要繼續去救人質..............點知............
(左起:高凌風、許不了、林青霞、陶大偉、孫越同方正)............唔撚識呀!

乜撚嚟架!.........都係頭先班馬賊,不過竟然唔使用鎗,係咁易用布就可以捉晒林青霞一班人...........

睇下.......幾勁.........咁頭先使咩用鎗啫!!! 真係多鳩餘...........咁捉佢哋去邊呀!?

佢哋被捉去敵方基地...........去到人地打晒鼓咁..........原來係歡迎持牌人...........

基地持牌人出場.........(估下係邊個影星)

持牌人出場...............另一客串影星(真係客串),就係鄭少秋,佢喺楚留香音樂襯底之下出場,你哋睇下佢幾多女圍,幾有氣 勢............鄭少秋當年一套電視劇楚留香,紅遍中港台,特別係台灣,秋官當年喺台灣拍嘅"香帥傳奇系列"真係好多人睇 架............喺台灣,所以就梗係俾王羽睇中...........情商客串下啦!

鄭少秋呢段客串戲,成日拎住支膠花不停索,都唔知佢索乜膠? 佢戲入面六都有一個好動人嘅名..............一樣都有個香字...............不過就叫鬱金香............. 妖!!!

仲要畀女攬添,呢個女演員叫王瑪莉,鄭少秋客串完畢之後,所有戲份都會過晒俾佢..........話時話,呢個基地除咗鄭少秋係仔之外,全部都係 女,咁咪好發,不過使唔使要d女著到成個野人咁呀!?  頭先班馬賊都係呢班女嚟...........其實套戲嘅劇情,無交代捉佢哋返嚟嘅原因! 真係純粹捉一捉咁..........好無聊呀!!!

嘩!!!............鄭少秋把劍好華麗呀!!! 仲咬支膠花,使唔使瀟灑到咁盡呀! 呢幕交代佢要收押林青霞,等候發落之後,鄭少秋就從此消失...............喺套戲入面

林青霞被收押,其餘4位靚仔就慘被折磨,你睇下佢哋..............簡直慘無人道,仲有好多好撚低能嘅懲 罰...............話時話好似少左高凌風喎??? 乜唔係有5條仔嘅咩!!!

林青霞被收押期間,王瑪莉用計扮放佢走,其實係想殺咗林青霞,因為佢怕老鄭會情不自禁咁愛上佢喎!!!

熟識嘅後庭..........熟識嘅背影............純粹客串嘅.............霸王又嚟喇!!! 佢喺度做乜撚呢???

嘩............捉雞??? 霸王捉到隻雞好興奮,本來想走,不過唔好彩見到王瑪莉一班人想殺林青霞,梗係又要露兩手啦!!!

死喇..................我要收工..............................打打 打...............

點打都好.................雞...............對霸王係好重要,所以梗係死都唔放啦!!!

打完一輪............連大粒野王瑪莉都搞掂埋....................

成龍:「收工..............」
王羽:「仲有個鏡頭...........拍埋先啦! 你之前講好話拍多兩個架! 無屈你架!!!」
成龍:「..............」

林青霞又俾人捉住??? 唔係.............戲入面交代馬上面嘅人全部暈晒,係林青霞扮被佢哋捉,然後再拉佢哋返黎...........一個人拖5個騎住馬但暈咗嘅 人,咁林青霞都好撚大力喎!!! 佢做咩唔騎馬拖住d人,要扮俾人拉咁白痴!? 最撚抵死係個個都開晒眼嘛...............妖............

林青霞竟然無端端有炸彈............d人死咁一半................持牌人呢? 走左19幾年啦!!!

再爆..................成個基地咁就無咗! 呢個境有橋有城幾大下,不過話炸就炸............真係有米!!!

佢哋一行5人順利離開...................林青霞呢? 唔撚知喎!

佢哋見到有間屋,諗住入去瞓下先......................點知!?

竟然有彊屍....................真係創意無限

方正瞓唔著................見到屋內竟然有人打3人麻雀,佢又要玩埋一份............頂!!! 白內障嘅都睇得出呢d唔撚係人嚟啦!!!

打打下麻雀,d鬼會飛頭睇方正d牌,亦有鬼會伸長隻手偷牌............但佢都唔識驚!?

孫越去排糞無廁紙,突然有隻怪手拎卷廁紙嚇到佢想走,跟住大把鬼手拎廁紙俾佢,嚇到孫越當堂標晒屎.............至於其他人嘅怪事,由 於太悶太無聊,我就唔嘥篇幅講喇!!!

 

 

 

 

 

 

 

待 續............

 

咁究竟佢哋走唔走得甩? 林青霞又去咗邊呢? 霸王下個鏡頭又係d咩? 同佢哋究竟救唔救到人質呢? 咁就要密切留意"爛片大災難 - 迷你特攻隊(下)"

 

PS: 如有BLOG友有幸睇過呢套戲,請勿爆響口講晒D內容............. 多謝合作!!!


[4]

戲情真係好無厘頭,但又好想睇埋落去...


[引用] | 作者 Andeon | 17th Jul 2010 22:39 PM | [舉報垃圾留言]

咁你不如買返隻碟睇啦!呵呵!!!

[引用版主回覆] | 作者 麥DON鴻 | 17th Jul 2010 23:15 PM

[3] Re: Louis
Louis :

孫越好似有d印象, 但唔記得佢拍過d乜.
(上網一查, 原來佢有份拍龍虎風雲)




[引用] | 作者 Louis | 15th Jul 2010 21:29 PM | [舉報垃圾留言]

[2]

孫越好似有d印象, 但唔記得佢拍過d乜.

(上網一查, 原來佢有份拍)


[引用] | 作者 Louis | 15th Jul 2010 21:28 PM | [舉報垃圾留言]

[1]

陶大偉...
佢老竇曾經係全台警察一哥;而佢個仔係陶(吉吉),呢兩年靜左。
孫越同佢曾經係長期拍擋,又做又唱既...

i-Joel
[引用] | 作者 i-Joel | 13th Jul 2010 22:07 PM | [舉報垃圾留言]

呵呵.....原來陶大偉係陶喆老豆,我真係唔知

[引用版主回覆] | 作者 麥DON鴻 | 13th Jul 2010 22:28 PM