香港新浪網 MySinaBlog
麥don鴻 | 7th Jan 2013, 12:41 PM | 麥don鴻獨家珍藏剪報系列 (電影廣告類) | (293 Reads)
大家好! 我喺麥don鴻,自從小弟搞咗個網台(有台channel D)之後,都無咩時間喺度blog嘢。不過麥don鴻並無消失咗,只係活躍喺facebook而已,基本上我每日都有喺旗下d專頁出post,出過嘅電影 post都唔少........................但係可能睇過我facebook專頁嘅人並唔多,可能會miss咗一d內容都唔定,如果 大家有興趣想睇喺facebook出嘅post,只要喺facebook search《麥don鴻》或《港產片共享團》就可以睇到,覺得啱睇就畀個like讚好啦!

講 完開場白,係時候入正題,其實呢個《麥don鴻獨家珍藏剪報系列》,近日已經喺我嘅facebook《港產片共享團》專頁入面,每日都會post一d當年 嘅電影報紙廣告,呢d廣告全部都唔係網上圖片,全部都係小弟私人珍藏,每張都係從當年嘅報紙影存所得。就係因為咁珍貴,當然就梗係要分享埋你哋呢班 blog友啦! 不過由於剪報眾多,我就唔會全數post出嚟喇! 只會將部份幾罕有嘅post出嚟,你哋如果有興趣想睇更多,就去facebook like《港產片共享團》專頁啦!




唔阻大家睇戲,就嚟上映嘅戲包括:



姦蛇、屈蛇、燒蛇、浸蛇、賣蛇....................《打蛇》




純情慘遇獸性,血濺青山綠水....................《山狗》



真人真事,原原本本,搬上銀幕,聞所未聞....................《蠱》


破降頭,獻新猷;除鬼怪,創潮流....................《魔》


 

臥底探員驚險刺激嘅遭遇....................《邊緣人》




你想唔想知道香港2007年嘅真實面貌....................《打擂台》


 



特技功夫,最好呢套....................《中國超人》

 



雙雄係邊兩個? 人人睇東方....................《白粉雙雄》










下期上乜戲? 下期你就知...............呵呵!!!


麥don鴻 | 15th Mar 2012, 11:10 AM | 麥DON鴻9UP電影 | (175 Reads)

今集《麥DON鴻9UP電影》係9UP《桃姐》

如果未聽過今集節目嘅,有興趣可以聽下,唔想聽嘅,睇文字版都係一撚樣嘅啫!

在我個人嚟講,呢個真人真事故事,其實都幾平淡,因為成套戲主要係描寫,突然中風入咗老人院後嘅桃姐,喺老人院所遇到嘅事,同Roger點樣喺桃姐出事 後,心態上嘅轉變,點樣由主僕之情,轉化為一段擬似母子之情..................如果唔係葉德嫻扮老人家神態扮得神似,劉德華唔係處理情 感上恰到好處,再加上洪金寶、徐克、秦海璐、江美儀、梁天、鄒文懷、秦沛、黃秋生、宮雪花等等串星客串演出的話,套戲其實都幾悶,而家全靠兩位主角嘅精湛 演出,先可以補救劇情平淡之處。

仲有大家千祈唔好以為呢套戲係煽情戲,全套戲除咗江美儀係喊得最勁之外,基本上全戲係無咩喊位,就算桃姐死一幕亦描寫得相當平淡。但如果閣下係曾有經歷過 有長者中風入老人院,及後離世的話,可能會令你諗返起D唔開心嘅事都唔定? 基本上呢套係一套令人有所反思嘅電影,並唔係一套韓式催淚片,入場前一定要有心理準備,呢套戲唔係煽情戲...............敬請留意!!!

洪金寶同徐克嘅客串,都係做返電影人角色,唔好誤會佢哋係做桃姐院友,做桃姐院友嘅串星只有秦沛同梁天...............千祈唔好搞錯呀!

桃姐因突然中風,自覺唔想成為李家負擔,所以同Roger自動波要求辭職兼自費住老人院過埋下半世,不過Roger最後都願意幫桃姐搵老人院兼畀埋錢,由於Roger成日周圍飛關係,桃姐其實非常寂寞。

桃姐未中風前,兩者主僕關係明顯,桃姐同Roger係唔會同枱食飯,但自出事後,Roger見桃姐多咗,亦從多次探望及傾談中,感覺桃姐嘅寂寞,所以自始Roger同桃姐先解除咗主僕之情,亦人前人後稱為契媽契仔。

其實Roger對桃姐嘅關懷之情,大多出於良心發現,又或係當報答桃姐多年照顧佢成長之情,但現實生活中,又有幾多個人會對長者不離不棄呢?

麥don鴻 | 10th Mar 2012, 12:06 PM | 麥DON鴻9UP電影 | (227 Reads)

今集《麥DON鴻9UP電影》係9UP《妖夜尋狼: 血姬覺醒》

如果未聽過今集節目嘅,有興趣可以聽下,唔想聽嘅,睇文字版都係一撚樣嘅啫!

PS: 今集節目除咗會9UP《妖夜尋狼: 血姬覺醒》之外,仲會9UP《失戀33天》《幽靈車神3D》《意大利驅魔揭秘》《鐵娘子—戴卓爾夫人傳》《異星爭霸戰:尊卡特傳奇》《桃姐》等幾套新片, 不過文字版就只會寫《妖夜尋狼: 血姬覺醒》....................敬請留意!!!

《妖夜尋狼》系列,由04年推出到而家,每隔2-3年先出一集,咁快就已經做到第4集,相信只有忠心FANS先會逢出必追。不過今集一開頭,都用咗分幾鐘去交 代前3集嘅劇情,所以就算你之前係從未睇過《妖夜尋狼》,當新戲睇都跟得上嘅,當然想知上文下理就要睇返前3集啦!

3D效果都算做得唔 錯,幾有壓迫感同真實感,不過大家就唔好以為,全套戲90MIN都係3D,呢套同而家上映嗰一大堆3D戲一樣,有D場面係偷雞無做3D嘅,至於邊D場面係 無3D? 大家有興趣就自己入場探索下喇! 可能用咗D錢去做3D關係,今集其他特技反而無前3集咁出色,特別係D奸角造型,有交行貨之感。今集嘅大奸係隻變種特大人狼,大就夠撚晒大隻,不過真係得 個大字,造型唔算特別同突出,只係黑色一壇嘢而已。其他特技效果,都係一貫大家見慣見熟嘅荷里活式特技,簡單D講,即係呢套戲出現過嘅特技,大家喺其他戲 都一定見撚過晒咁解。

今集標明係3級,當然就梗係有D血腥暴力嘢睇下啦! 爆漿噴血用手扯爆頭嘅場面,成套戲都係,不過啱唔啱大家口味就見仁見智喇! 我就覺得都算緊張刺激,但就唔算好撚夠喉,雖然成套戲不停由頭打到尾,但結尾就突然去得好快,好有突然收皮之感,條伏線亦做到出撚晒面。

總 之都係嗰句,係呢套戲嘅FANS入場睇,就一定好開心兼收貨,但如果無追開呢個系列,就諗下自己係想睇特技? 睇3D? 睇血腥暴力? 定係睇個女主角喇!? 如果你只係想睇女主角,我就無嘢講喇! 不過係想睇前3樣,小弟嘅個人意見就覺得呢3樣都係中規中矩,唔太差但又唔算好正,無乜驚喜,無咩經典鏡頭同場面。不過如果你想入戲院睇戲,但又無心水選 擇嘅話,咁呢套戲都可以一睇嘅,記得自備3D眼鏡,費事到時張飛又要加多幾蚊啦! 呵呵!!!

女主角由04年拍到而家,由於佢唔係真係不死殭屍關係,所以今集終於都開始呈現老態喇! 不過咁多年都係同一套戲服,同一個招牌揸雙鎗動作,其實真係有少少厭嘅..............

小弟覺得呢幕係整套戲嘅亮點,不過D特技煙,使唔撚使大到籠罩全身咁誇呀..............屌!!!


可能電影公司都知女主角唔擺得好耐,所以今集就加多咗佢個女嘅角色,同埋多咗件靚仔殭屍族接班人,為未來幾集做伏線,就算下集女主角劈砲唔DO,都仲有其他角色繼續做,不過集集都係殭屍族鬥人狼族,究竟要拍多幾集,電影公司先捨得完咗呢個系列呢?

麥don鴻 | 11th Feb 2012, 12:41 PM | 絕版經典港產片opening | (166 Reads)

有好多blog友,睇完上篇post就狂插小弟,剷我點解一寫返blog,唔係寫新嘢,竟然係將自己youtube channel d舊片,專登開個topic去賣廣告............雖然小弟facebook同youtube嘅ac,好多blog友都有追睇,但仲有好大部份 blog友,係較like小弟用寫blog方式去出post分享。既然我咁耐無寫blog,我當然要為呢d真正只睇我寫blog嘅blog友,去post 返一d可能佢哋未睇過嘅內容.............同埋,小弟咁耐無寫blog,寫嘢d粗鄙文筆,應該生撚疏晒,所以我都要先寫幾篇熱下身,等大家再 習慣睇返我寫blog喇! 我先陸續再寫返一d,大家都好有興趣想睇嘅內容。當然我都好希望大家睇完post,可以的話都留個言,如果又少人睇又無人留言嘅話,咁樣我會完全無動力寫 新嘢架! 所以你哋要多d留言支持小弟呀! 呵呵!!!


港產絕版經典opening呢個環節,主要係將一d絕版經典港產片嘅15min內 opening(因為一套電影,睇15min內嘅opening,就會大概知道套戲內容講乜),或一d經典電影片段,cut出嚟俾大家見識一下,但就唔會 再詳細嘅文字描寫。呢d絕版經典港產片嘅影像內容,由於要尊重版權持有人關係,所以並唔會將全套戲足本播放,播放之opening亦只作純分享之用,如以 上安排如有不便之處,敬請見諒!!!


鳩吹咗咁耐,係時候入返正題,今次會有3套戲嘅opening+兩套戲嘅精彩片段同大家分享................睇過嘅就當溫故知新,未睇過嘅就當多認知,見識下一d可能閣下聽都未聽過嘅"新戲"吧! 呵呵!!!

鄧萃雯有無做過雞? 我唔知............不過佢第一套拍嘅電影《火舞儷人》一拍就做雞我就知。呢套戲一聽個戲名,就知係《火舞風雲》後嘅跟風嘢,仲係由前亞視甘草 王韋烈導演,仲有戴志偉久罕擔正,成套戲一睇個牌面,已經有晒"保證"。雖然套戲未算難睇,但距離好睇仲爭好撚遠............呵呵!!!

翁維銓呢3個字,好多新一代觀眾,可能會比較陌生,但佢其實都係當時香港電影新浪潮時期嘅代表人物之一,代表作《行規》,更係好多人都好想睇返嘅經典。小弟 有機會會post《行規》嘅opening,俾大家見識一下。但今次我就先分享翁導演所拍嘅紀錄片《金三角鴉片軍閥揭秘》,小弟由細到大,都對金三角呢個 地方好有興趣,睇完呢套紀錄片,的確對金三角多咗認知.............大家認唔認得,旁白把聲係邊位? 佢就係當年屌六四屌大陸屌到面紅耳熱,而家就喺大陸開戲院開到火紅火熱嘅岑建勳先生喇!

牟敦芾拍嘅《打蛇》,相信而家都無咩人唔會未睇過喇! 但佢拍嘅國內功夫片《自古英雄出少年》,唔知大家又睇過未呢? 呢套戲可以講係牟敦芾拍《黑太陽731》前嘅試金石,如果唔係呢套戲成功,大家就未必有可能睇到《黑太陽731》架喇! 不過好老實,我對呢d似國術表演,多過似功夫片嘅國內功夫片,一向無乜好感,因為d演員d表情太過浮誇喇!

相信如果大家真係有睇開小弟post d嘢嘅話,其實我早喺08年左右,已經post過《油脂曱甴》嘅片段上youtube,不過後尾個channel俾youtube close咗,我又懶得再post呢d片段上youtube,不過最近有幾位blog友,話想睇返《油脂曱甴》ending disco比舞片段,我見之前條片仲喺電腦度,唔使嘥時間搵同cut,咪當回饋下真正支持我嘅fans囉! 其他睇這睇那嘅blog友,你哋嘅要求我聽咗就算架喇! 呵呵!!!


講開比舞,香港真係好少歌舞片,又或者跳舞片,不過喺1985年鮑德熹所拍嘅《爵士駕到》,可以講係港產片中少有嘅跳舞片,雖然都係嗰d芭蕾舞/現代舞,但呢套戲嘅舞蹈設計,的確睇得人幾賞心悅目,雖然有d劇情係抄西片,當港產片可以做到咁嘅水準,算係相當唔錯。














暫時post住咁多先..............下回仲有好多絕版經典港產片opening等住蒲頭! 記得捕實呀!


麥don鴻 | 6th Feb 2012, 20:49 PM | 絕版經典港產片opening | (236 Reads)

有個壞消息要同各位blog友宣佈,就係小弟麥don鴻又獻世寫返blog喇! 因為我無寫blog呢段日子,好多blog友都好希望我每個月出一篇blog,我之前應承咗又做唔到,覺得好抱歉。自問搞咗網台之後,真係用晒全部時間同 精力去搞網台做節目,完全唔記得你哋呢班blog友,為表歉意,我承諾每個月幾忙都好,都會抽時間寫blog,當報答大家一直以來對小弟嘅支持!!!

當 然我會主力寫爛片文章同埋十大系列,至於一d舊嘅絕版經典港產片,我就唔會用長篇文章去介紹,因為而家網絡上,已經有好多專業電影blogger去寫呢d 絕版經典港產片,文筆上亦比小弟專業,我就無謂同人家去爭一日之長短,去爭寫同一套戲喇! 不過我就會放呢d絕版經典港產片d opening出嚟,等大家可以對呢d絕版經典港產片有初步嘅認知,因為一套電影,睇15min內嘅opening,就會大概知道套戲內容講乜,但成套戲 嘅詳細內容係講乜!? 我相信不久嘅將來,就一定會有專業電影blogger去介紹呢d戲架喇! 我呢d絕版經典港產片opening,就當係俾呢班專業電影blogger一個寫blog目錄,等佢哋照單執藥吧! 呵呵!!!


港 產絕版經典opening呢個環節,主要係將一d絕版經典港產片嘅15min內opening(因為一套電影,睇15min內嘅opening,就會大概 知道套戲內容講乜),或一d經典電影片段,cut出嚟俾大家見識一下,但就唔會再詳細嘅文字描寫。呢d絕版經典港產片嘅影像內容,由於要尊重版權持有人關 係,所以並唔會將全套戲足本播放,播放之opening亦只作純分享之用,如以上安排如有不便之處,敬請見諒!!!


其 實小弟雖然少寫咗blog,但一直都無停止,自cut呢d絕版經典港產片opening作網絡分享。可能一d有睇開我facebook同youtube嘅 blog友,已經睇過呢d opening,但我相信有好多人係未睇過嘅。所以頭幾篇內容,我都會將一d舊嘅opening登出,之後先會每星期出2-3個opening俾大家欣 賞。


今次頭砲呢5套戲,坊間暫時都較難搵到,可能有d大家連聽都未聽過...............唔阻大家睇戲喇! 去片!!!

霍耀良導演,劉丹食王書麒壽包經典之作《第8站》,睇個opening就無得睇劉丹食壽包嘅............不過大家都可以睇到,呢套戲充滿迷幻嘅基味。仲有呢套戲都有桃姐做,除咗做佢最拿手嘅老母角色之外,原來桃姐都好like做雞架! 呵呵!!!


袁和平導演嘅《天師撞邪》,大家睇講英文版就一定睇過,但呢個錄亞視版,各位有睇過未呢?


而家蔡瘋華翻hit,大家點都要睇下呢套《薄荷咖啡》,悼念一下"瘋蔡"當年嘅冧死女丰采啦! 呵呵!!!


一套坊間好多人都想睇返嘅絕版經典《絕版撞板神探電子龜》,經典之處可能只係某d人嘅兒時回憶而已,套戲好唔好睇? 你哋睇完個opening應該知道晒架喇! 至於大家想睇個電子龜個龜頭? 只要大家上facebook去麥don鴻專頁,睇返d舊post就睇得到架喇!


驃叔溝紅姑唔算驚嚇,紅姑冧簡而清先恐撚佈呀!? 唔知又有幾多人記得呢套《田雞過河》呢?











暫時post住咁多先..............下回仲有好多絕版經典港產片opening等住蒲頭! 記得捕實呀!


麥don鴻 | 24th Jan 2012, 19:10 PM | 電影終極大時代 | (243 Reads)

今集《電影終極大時代》,破天荒邀請到《邊緣人》導演章國明接受小弟訪問,章導演除咗會講下近況之外,亦會講下《邊緣人》入面阿潮角色嘅由來? 同點解搵艾廸拍《邊緣人》? 同拍《星際鈍胎》《皇家大賊》《沉底鱷》《狼吻夜驚魂》期間,當中一D鮮為人知嘅事。更會講下點睇而家香港嘅電影人,一窩蜂北上去拍合拍片嘅風氣?

如果仲未聽今集節目嘅? 未聽過可以聽下,就算未聽過,都一樣可以繼續睇呢篇內容解讀,當然聽咗嘅.............再睇埋呢篇嘢就更加有共嗚啦! 呵呵!!!

 如果之前有聽開《章國明大時代》嘅聽眾,就要聽埋呢集刪剪內容曝光版喇!

 

 

今次同章導演訪問,歷時大概兩個半鐘,不過為咗等大家可以聽得緊湊D,小弟特別剪輯咗個一粒鐘濃縮版,將最精要嘅內容剪輯其中,唔會好似以前《電影大時代》 咁,成兩粒鐘節目有一大半都係D無謂嘢。所以由今輯《電影終極大時代》開始,我會盡量以精簡到題為主,其他無謂嘢我會剪得就 剪.................呵呵!!!


難得搵章導演做訪問,搵D碟俾佢簽名真係指定動作,不過小弟一向唔獨食嘅,我會喺三隻碟中,送其中一隻出去,至於送邊套戲?點樣可以拎到隻碟?同埋點樣先可以聽返刪剪咗嘅內容,咁就要睇下節目出咗街後反應如何? 先再容後公佈喇! 呵呵!!!

章導演真人相當之NICE,全部問題有問必答之餘,仲會講好多題外話。令整個訪問,似朋友傾閒偈多過似訪問,我亦因此無咁緊張,訪問當日小弟其實係發緊燒,不過可以同章導演面對面做訪問,即時燒都退咗一半啦! 呵呵!!!


相信好多人都知章導演近年都有參與拍攝廉署劇集,不過究竟點解會入廉署拍劇? 同埋高級編導又係做D乜嘅呢?

以下係章導演嘅YOUTUBE CHANNEL,入面除咗有好多佢之前拍廉署劇嘅製作花絮之外,亦有好多佢嘅生活及以前嘅工作短片,大家有興趣可以睇下。

http://www.youtube.com/user/alexckming/videos


章導演節目中有提及,點解當年《點指兵兵》會起用當時喺電視台,只係二三線嘅金興賢同張國強擔任主角,亦會講點解咁鍾意大膽起用新人?



《邊緣人》入邊嘅阿潮,原來真有其人,阿潮最後被屋村村民活生生打死一幕,亦係真有其事...................

 

呢段係當年章導演拍攝《邊緣人》時嘅花絮



《點 指兵兵》《邊緣人》嘅成功,令章導演自覺乜嘢題材都得,所以一改風格,唔拍警匪片,轉拍科幻喜劇《星際鈍胎》,點知拍攝期間伊雷因避債而突然失蹤,令整套 戲拍攝拖長達兩年之久,呢套戲出街後,反應亦未如理想,章導演亦直認呢套戲係佢災難嘅開始..............

 



有好多人,包括小弟,都以為章導演咁多年內,可能係撈唔掂,又或者經濟拮据,因為上網翻查章導演嘅電影作品數量,合共都唔過十 套..................但其實章導演拎過金馬獎關係,喺台灣亦不時又拍下廣告,到後來更入咗廉署工作,所以導演咁多年來收入相當穩定,導 演嘅FANS可以放心喇!















PS: 暫時講住咁多先,如果小弟得閒,又有新料想UPLOAD嘅話,就自然會更新架喇! 呵呵!!!


麥don鴻 | 15th Jan 2012, 10:48 AM | 絕對雜睇回憶港產片 | (660 Reads)

上回講到..........請睇返"章國明導演 - 邊緣人(上)"

 

上回講到點解阿潮咁撚驚? 咪就係因為華哥去到石屋度,見到只有阿潮一個人走得甩,覺得佢一定係鬼頭仔................所以一定要做瓜佢.................

華哥:「我今日一定要同你個"扑街"做忌...........」

阿潮:「...............嗚嗚嗚............華哥.................我唔係"扑街"..............係仆街...............呀呀................唔好呀!」

就喺千鈞一髮之際,好在長毛返嚟,救咗阿潮一命,因為之前長毛俾差佬拉時,華哥親眼睇到,而家長毛突然走得甩,華哥就認定佢先係鬼頭仔,所以諗都唔駛諗就一槍做瓜呢個"扑街"。以上精密到咩咁嘅安排,當然就梗係陳sir嘅傑作啦!!!

華哥因殺咗差佬同長毛,所以一定要著草,阿潮仲好有孝心俾水腳華哥,令華哥感動到噴水,仲講如果第日撒旦回歸一定會搵佢....................

因阿潮同亞芳有小誤會(想知咩誤會? 睇戲啦!),令阿潮不得不將臥底呢個秘密,毫無保留赤裸裸咁爆晒俾亞芳知.....................

亞泰去探阿潮,將佢好快脫離臥底生涯,有機會升沙展嘅事,晒撚命話俾阿潮聽.................不過話升就升咩! 亞泰都要做埋最後一單臥底任務先得...................

亞泰:「..............................呀...................呀.....................呀...........................」

亞泰執行任務期間俾一名唔相熟嘅警員從後開槍................打正條尾籠....................

亞泰最後會點呢? 話時話,阿潮塊面點解會傷咗嘅? 想知咪睇碟囉!?

亞芳終於喺simon嗁生日party上同阿潮講分手...................阿潮非常激動,仲狂打simon一鑊(咁做係非常正確)...................

阿潮被simon d fd 制伏..................仲俾亞芳話佢,越嚟越似賊,仲非常入戲,抵佢拎金馬影帝咁話................

以上呢句對白,更加令阿潮對simon恨之入骨...................阿潮會點做呢?

阿潮決定打劫simon間錶行....................仲乘機打到simon"扑晒街".................

阿潮俾陳sir拉返去狂插,陳sir更對阿潮開始有懷疑.................阿潮當然死口唔認,陳sir亦暫時信多佢一鑊。做到呢度,阿潮嘅心態可以話完全變質,連陳sir亦開始對佢有懷疑同唔信任.................

本來陳sir都仲信阿潮,好衰唔衰,一出門口就撞正simon落完口供,simon一見阿潮,就知頭先打劫嗰條仆街就係佢......................所以一於煮撚重阿潮米...................

陳sir對阿潮公報私仇一事非常失望,所以決定將佢革職.....................

亞泰經過長時間狂飲安怡之後,終於都好返,仲行得快過以前....................陳sir仲將阿潮嘅悲慘往事,原味足本咁話晒俾亞泰知.................

以下時間請交俾鍾鎮濤唱出電影主題曲"邊緣人".................刀邊槍邊幾次險.....................

阿潮被革職後一直喺雀館做睇場.......................大家睇下阿潮個樣幾撚頹...................

就喺呢個時候,竟然俾佢撞返佢生命中最重要嘅男人- 華哥,華哥見阿潮霉到出晒菇仔,就決定叫埋佢一齊做單大嘢................不過DO嘢之前,都要帶阿潮去輕鬆下嘅................佢哋會去邊呢?

 (閱讀全文)

麥don鴻 | 15th Jan 2012, 10:47 AM | 絕對雜睇回憶港產片 | (748 Reads)

今次要介紹嘅戲,可以講係章國明最重要嘅响朵作品,就係1981年由章國明導演(同時身兼攝影同編劇)嘅"邊緣人",呢套戲可以講係臥底片類型嘅始祖,之前香港嘅警匪片,會有線人角色,但就無明顯有警察臥底呢類身份,到之後有呢類臥底角色出現,都只係輕輕帶過,唔會做主線。但呢套戲入面嘅臥底亞潮,可以講由頭帶到尾,艾廸仲憑呢套戲拎埋第19屆金馬獎最佳男主角添!!!

 

"邊緣人"嘅故事其實幾句就講撚晒,主角阿潮被委派出任臥底工作,混入黑社會了解內部運作,因長期處於黑白之間,阿潮開始混淆黑白之間嘅分界線,導致最後令自己走向不能自拔嘅局面.............

故事講主角阿潮(艾廸),係一個啱啱出學堂嘅警員乙,平時嘅工作真係悶到出水,賊又無得捉,射精仲多過開槍,最大型嘅戶外工作...................就係捉小販。對於未定性又貪玩又愛刺激嘅阿潮嚟講,做賊可能仲有更多嘅發展空間..............所以呢份工明顯唔啱佢,再加上佢因為捉小販問題同直屬主管發生衝突,更令佢有辭職嘅念頭。

落左更嘅阿潮,同而家嘅警員無咩分別,都係溝女抽水同抽水溝女。女友亞芳(馮愛慈)對於阿潮嘅唔定性,無份工做得長,明顯覺得好無安全感...........................

有一日,阿潮嘅直屬上司叫佢去見陳sir(嘉倫),阿潮以為佢亞頭報佢臭串,於是仍就扯行晒對住陳sir講咗一大輪野,點知..................原來陳sir有另外一樣嘢要點佢去做................就係................

陳sir:「見你骨格精奇,一表人才,我有樣筍嘢明益你,做完之後對你升職好大幫助............你諗唔諗做???」

阿潮:「使唔使拋頭露面架!?」

陳sir:「自己睇返上面句對白啦!!!

阿潮:「妖..................即係叫我去做臥底」

聰明嘅阿潮當然知道陳sir講咗一大春野,目的就係叫佢做臥底,雖然阿潮個樣好疑惑咁,但內心對做臥底呢份"新工"就相當之有興趣,因為夠晒刺激.................

阿潮應承陳sir混入黑社會做臥底兩年,陳sir當然都要係咁易解釋做臥底嘅權利同義務啦!

陳sir:「兩年內唔準結婚、唔準生仔、唔準拍拖同唔準溝女..............」

阿潮:「吓!!!.....................咁叫雞................得唔得呀!?」

陳sir:「得................但唔準有感情.....................」

阿潮:「..............YES SIR...............」

陳sir向阿潮介紹另一臥底亞泰,亞泰喺戲中係中間人嘅角色,佢主要係帶阿潮混入黑社會..............

陳sir:「呢條粉條叫亞泰,係自己人嚟,你同佢接頭得架啦!!!」

阿潮:「YES SIR................我使唔使袋住呢張相,到時去問下D古惑仔呀!? 因為我驚到時佢無著制服,我會認佢唔到.................同埋張相個SIZE咁大................係咩相嚟架!?」

陳sir:「車頭..................」

阿潮:「...............」

阿潮為方便自己做臥底工作,所以就對女友同家姐講,自己已經辭撚咗職唔做差人,轉咗去做汽車經紀................

阿潮話咁快就要投入"新工",第一次時間就先去搵亞泰(金興賢),邊個係亞泰? 你哋睇到呢個心口畫咗條龍嘅壯丁,就係亞泰嚟..............不過佢條龍應該唔係紋身,似係自己用箱頭筆畫多d............呵呵!!!

亞泰先帶阿潮同班古惑仔食下飯聯絡下感情先....................

戲中交代亞泰早過阿潮做臥底,喺社團界已經有一定知名度,所以先可以做接頭。另一方面,亞泰講嘢嘅口吻都似足古惑仔,特別係一d佢以為覺得好撚前嘅口頭禪,例如亞泰成日都講一句:「真係簫都俾你吹攣」,呢句對白喺戲中出現咗3次,意思即係「真係俾你吹撚漲」咁解!!!

阿潮專心做臥底期間,同女友亞芳感情開始出問題,亞芳朋友亞麗(劉雅麗)條仔simon對斯文又好脾氣嘅亞芳略有好感.................最後仲飛咗亞麗追亞芳,大家請記住佢係錶行太子爺黎。呢幕本來交代佢地一行四人諗住去遊船行,點知阿潮因為要做嘢唔去得,令亞芳非常不滿,此幕為simon向阿潮自我介紹一番...............

當日已經有行動要去打劫,此為阿潮第一次行動,都算順利................

阿潮諗住將自己打劫返嚟嘅錢,將佢自己個份全部交俾陳sir,點知陳sir話呢d錢法律上係唔承認..............想知點解呀!? 睇戲啦! 阿潮對第一次打劫就咁容易得手,表現得相當興奮。艾廸係呢場戲係想交代俾大家知,佢開始接受黑社會嘅生活方式,慢慢受同化嘅第一步,艾廸亦能夠將個份無奈要同化嘅感覺,帶到俾觀眾...............

阿潮聽亞泰嘅指引,開始混入佢哋日常嘅社交生活當,嫖賭飲吹樣樣做齊。呢幕講佢掛住賭錢,連約咗亞芳睇戲都唔撚記得.................

本來佢哋一行四人係一齊睇戲嘅,點知阿潮無嚟到,simon又同亞麗因小事嘈交,最後只淨simon同亞芳兩個,simon竟然喺呢個時候單溝約亞芳飲drink...................真識把握時間!!!

阿潮同長毛因輸咗好撚多錢,長毛一句話去打劫,阿潮二話不說就應承咗..............最後阿潮雖然被捉到,但被陳sir放番,阿潮仲對多次犯事都可以輕易無事,覺得非常好玩...................

阿潮返回大本營後,即聽到有單大世界要做,阿潮當然要參與啦!!!

呢單大嘢就係打劫解款車,阿潮當然可以順利走得甩,逃去約定石屋集合,呢次任務其實已經將阿潮同一黨嘅人拉晒,只係走甩長毛同華哥...................

阿潮終於逃到石屋,佢究竟咩事驚到面型扭曲呢?

 

 

 

 

 

 

 

待 續............

 

究竟阿潮見到咩咁撚驚呢? 佢以後嘅臥底生涯同下場又會係點呢? 想知咁就要密切留意"章國明導演 - 邊緣人(下)"

 

PS: 有睇過呢套戲嘅BLOG友,請勿爆響口講晒D內容.............多謝合作!!!


麥don鴻 | 29th Nov 2011, 09:23 AM | 電影終極大時代 | (214 Reads)

《電影終極大時代》出咗喇! 今集繼續請到辛比做嘉賓,由租帶租碟文化;再講到老翻市場出現,令港產片萎縮,做就一大堆低成本電影相繼出現;再淺談現今合拍片文化係­何時形成蜂潮,同 主持嘉賓對現今合拍片嘅睇法。可以講呢兩集,內容係最宏觀嘅,再次多謝辛比同我磨足兩粒鐘錄音,大家喺完全無做資料搜集,無寫稿嘅情況之下,仍然可以有對 有答,實在非常難得................雖然唔知大家有無聽過今集節目? 不過就算無聽過,都可以照睇本篇內容了解下節目內容。當然有聽過嘅,就梗係會聽得投入D啦!!! 我麥DON鴻POST得嘅,有部份就梗係自己D珍藏嘢啦! 呵呵!!!

注意: 以下所POST嘅電影片段/劇照/POSTER,所出之次序,並非按照節目中內容之排序所編。我主要喺揀一D個人認為值得講嘅戲,然後再搵相關嘅資料,作係咁易講解,並唔會節目中提過嘅所有戲,都一定有電影片段/劇照/POSTER提供,不便之處,敬請留意!!!


相 信大家以前租帶租LD年代,總唔會只幫襯一間影視會,除咗屋企樓下嗰D細間到,而家可能連名都未必記得嘅影視會之外,一D大型影視會,好似金獅/百視達, 大家一定曾經有唔少套票喺手。小弟當年幫襯得最多嘅除咗金獅,仲有一間叫雅麗影視都成日幫襯................唔知大家仲記唔記得,當年去 得最多邊間影視會租帶租LD呢?




90年代初,香港租帶市場蓬勃,當年屬租帶市場一哥嘅美亞老細李國興,亦襯機投資咗開拍一大堆電視電影乘機抽下水撈返筆。小弟好記得當年都有租過呢套《千王家族》,睇返資料原來呢套亦係李國興第一套投資嘅電視電影。


當年一大堆錄影帶電視電影當中,以文雋有份嘅藝雋影視,同向華勝、向華強嘅永盛音像產量較多,當中有好多都係由美亞發行。藝雋影視當年有某D戲,好似《猛鬼校園》《不羈十七歲》等...............而家亦會喺美亞電影台,好不幸咁睇到。



雖 然當年有美亞、藝雋影視、永盛音像,投資或拍攝一大堆錄影帶電視電影充斥市場,雖然某部份亦算拍得有電影感,但質素參差,為咗減低成本,佢哋亦盡量少拍一 D警匪動作片,除咗當中有一套叫《少年衛斯理1-2》投資較大之外,大部份都只係一D輕鬆小品..................直到李修賢同台灣大水 喉楊登魁組成嘅萬能影像,就拍咗一堆名為《重案實錄》系列嘅錄影帶電視電影,可能個水喉出名多水關係,呢一系列嘅電視電影,有錢拍係拍得特別有水準,飛車 爆破血腥粗口色情樣樣有齊,基本上同電影無異...............可能因為拍得有水準關係,當年唔係太多人租嘅港產電視電影市場,亦突然多咗人 去租,小弟曾經為咗租《重案實錄之驚天械劫案》,竟然要等兩星期先有得租,真係誇撚張..................呢個系列,當年亞視都買過版權 嚟播,不過就剪到仆晒街。



90-96年間,可以講係租帶租LD市場嘅黃金期,但當翻出現之後,的確係少咗好多人去租戲睇,轉去買呢D一百5隻嘅戲院LD版,當然而家大家又唔會入戲 院睇,又唔會買碟,又唔會去租,上網BT又或者去大陸網睇就搞撚掂晒啦! 唔知嗰陣,你哋又買咗幾多呢D絕對LD版返屋企呢?














PS: 我仲未講完,仲有下半部,如果大家有興趣想繼續睇落去,就搵下劉賢啦! 如果少人搵劉賢,可能內容去到呢到就算架喇! 呵呵!!!

 


麥don鴻 | 17th Nov 2011, 13:48 PM | 電影終極大時代 | (647 Reads)

雖然唔知大家對小弟主持嘅網台節目《電影終極大時代》有無興趣,不過就算大家無興趣,以後我一樣都會喺每集節目出街後,都會出篇解讀POST。總之節目中 有提及過嘅戲,我都會盡量去搵返D相關嘅電影片段/劇照/POSTER嚟POST,等大家可以對該集節目內容,有更深入了解。當然我麥DON鴻POST得 嘅,有部份就梗係自己D珍藏嘢啦! 呵呵!!!

如果大家仲未聽過本集節目嘅,有興趣就聽下啦! 就算無聽過,都可以繼續照睇本篇內容。當然有聽過嘅,就梗係會聽得投入D啦!!!

 

注意: 以下所POST嘅電影片段/劇照/POSTER,所出之次序,並非按照節目中內容之排序所編。我主要喺揀一D個人認為值得講嘅戲,然後再搵相關嘅資料,作係咁易講解,並唔會節目中提過嘅所有戲,都一定有電影片段/劇照/POSTER提供,不便之處,敬請留意!!!



今集講咗好多德寶嘢,由院線到發行都有講,小弟節目中除咗提過《癲佬正傳》《生死線》外,其實我最LIKE係德寶同寶禾一齊出品嘅《等待黎明》,因為萬子當時真係好撚型.................呵呵!!!





節目中,小弟提過夏文汐主演嘅台灣片《殺夫》,睇返資料,原來係德寶同湯臣合資,但出品人就唔見潘廸生個名,唔通佢淨係出條院線?



戲中夏文汐飾演一個村姑,所以有格肋底毛同飛釘透點,此乃自然現象,合情合理。如果而家有女演員拍返同一部嘅戲,亦有同樣演出嘅話,就必定會大肆宣傳話自己為藝術而死....................屌!!!


資料補充: 節目中,我講《殺夫》係夏文汐同張國柱做(張震老豆),其實我當時係記錯咗佢哋嗰套《唐朝綺麗男》,所以口快快講錯,做夏文汐老公嘅係白鷹先啱.............特此更正!!!





當年德寶亦買過d台灣片喺旗下院線上,其中一套就係《心鎖》



《心 鎖》當年最大嘅賣點,就係呂秀菱嘅激情演出,戲中佢飾演一個臭閪,佢除咗同自己老公扑嘢之外,同老公個細佬,仲有妹夫都有過多夜情。菱姐喺戲中雖然人盡可 夫,不過交合場面經何藩撚一撚,即刻唯美到屌你老味................菱姐每次嘅被屌表情,亦浮誇到不得了,睇完得個驚字,旗都扯唔撚到。



呢個就係菱姐戲中老公,似周華健嘅李宗盛,戲中呢位老公最叻早洩,所以搞到老婆要長期偷食嚟維持生命。





節目中提過當年,有好多香港女星,都會拍一d有台灣資金嘅合拍片,除咗節目中提及嘅《殺夫》,同埋由張曼玉、吳大維、鈕承澤、周華健主演嘅《黃色故事》外,鍾楚紅嘅《竹籬芭外的春天》都係其中之一。



大家遠睇,係咪覺得個鬼仔好鬼仔呢?

 

 

 

 

不過近睇就把鬼喇! 佢係乜水? 咪係台灣藝人費翔囉!!!


 

除咗女星,亦都有男星曾經拍過呢D台灣片,好似任達華同葉全真主演嘅《雪在燒》,仲有萬梓良嘅金馬影帝代表作《大哥大》(台譯大頭仔)。呢D由香港大牌演員擔正,然後再拍當地演員,再加當地資金嘅拍片模式,其實同而家嘅合拍片好相似。

 

 

 

 

 

 

 


節 目中提過當年德寶同新藝城當年嘅校園片,除咗新藝城係人都識嘅《開心鬼》系列,同德寶嘅《鬼馬校園》外,其實當年佢哋仲拍咗一D用體育運動題材嘅戲。例如 德寶出品,現任TVB茄霸嘅何啟南,唯一擔正作品《操行零分》係講踩單車。新藝城亦有套由開心少女雜碎所拍嘅《飛釘羚羊》,內容係講班大波妹突然醉心田 徑,所以明知跑到浪浪下飛晒釘,睇到D男人扯晒旗,都一定完成賽事嘅悲壯故事...............都話新藝城拍D青春片係飛釘掛帥架啦!



 

 

節 目中提過,因為當年院線多,所以亦同時出現好多二線戲同演員,當中二線嘅男星特別多,除咗鄭浩南、林保怡、方中信、張國強、杜德偉之外,仲有一個我諗極都 唔撚明,點解佢會紅過嘅鄧浩光亦榜上有名。佢當年拍過D咩戲,大家有興趣請自行搵資料,我只記得佢《哈林行動》同《茅山學堂》呢兩套戲,其他嘢咪撚再問 我。至於二線女星,我一時間又諗唔起好多,只係諗起梁婉靜同羅美薇兩件,如果大家諗到其他二線女星名,可以留言補充。


講起二線戲,二線演員,其實節目中嘉賓辛比提過嘅《東方老虎》,都係二線嘅動作片,任達華同李元霸當年都係二線動作演員,不過呢D二線戲,有時都會搵到一D一線女星撐場,呢套就搵到王祖賢。


 

節目中,提到有個女人有份做《俾鬼捉》,又有份做《尖東梟雄》嘅................就係呢位貌似黃韻詩,但係專長透點露點除衫露半球嘅徐淑媛,《現代豪放女》係佢唯一擔正嘅代表作。

提起《尖東梟雄》,呢場商場劈友戲,真係小弟睇咗N次,都一樣熱血沸騰。呢場戲可以講集《舞廳》《省港旗兵》之大成................呵呵!!!

講起劈友戲,《血洗洪花亭》呢幕劈友戲,真係可列入港產片經典,雖然誇就誇D,不過有部份鏡頭係一個鏡頭直落之餘,其實個意境都幾好 嘅.................呢場戲係小弟最愛,不過套戲就................柯星沛導演拍得最好嘅,就梗係《老表發錢寒》啦! 呵呵!!!

 

 


節 目中提過當年一D賣埠嘅動作片,德寶嗰堆《皇家師姐》系列,越拍越唔好睇,真係不提也罷。所以我最LIKE都係《天使行動》系列,淨係睇畫頭,都知邊套投 資最多錢。其實除咗第一集投資夠多,搵到西城秀樹,但係其他演員其實都係二線,同埋製作同《皇家師姐》相比,真係一睇就知係B片格,不過我一向最LIKE 睇B級動作片,小弟最LIKE第二集《火鳳狂龍》。












如果跟住節目內容去解說,其實仲有好多戲未講,小弟亦都要花D時間,去搵返相關D碟出嚟CAP個畫頭/劇照,所以暫時搵到咁多出嚟,就寫住咁多先。如果大家想睇多D,就去搵下劉賢啦! 往後有機會仲會陸續更新,如果少人搵劉賢,可能內容就去到呢度為止架喇! 呵呵!!!



以下係有台channelD嘅網頁,大家有興趣就睇下有無咩節目啱聽啦!


http://www.onlychanneld.hk/index.html

Next